قصتي مع الحمل..........

السلام عليكم اليوم رح احكي قصتي مع الحمل من الحمل الاول
لغاية الحمل الخامس اللي تاعبني جدا ويمكن ما يبقى :(
المهم انا عمري 27 سنة ومتزوجة من 11 سنة تقريبا حملت في الولد البكر بعد سنة من الزواج يعني انجبت البكر وانا في سن 18 سنة بس الوحام كان صعب جدا وتاعبني كتير كتير كتير :confused:
والحمد لله الميلاد كان سهل جدا وانشالله عقبال كل حامل تلد مثل ميلادي .
الحمل الثاني صار بعد سنة ونصف تقريبا وحملت في الولد الثاني ونفس الشي كان الوحام صعب جدا ولا يطاق :ss:
اما الحمل الثالث بلشت المشاكل عندي بلشت احس في الم شديد في القلب وصعوبة في التنفس ونبض سريع جدا في القلب تم نقلي للمستشفى وتم العلاج بس الطبيب نصحني بعدم الحمل لانو هاي كانت تشبه الجلطة (الله يكفيكوا شرها) واجا موعد الميلاد وانا كنت خايفة جدا من النوبة تصيبني في اثناء الولادة بس الحمد لله تمت الولادة ولا اسهل من هيك وقمت بالسلامة وعقبال سلامتكن يا حوامل .
وبعد الميلاد بسنة قررت اني اخد مانع نصحتني الطبيبة باللولب لانو مناسب جدا لي وما بعمل مضاعفات لاني كنت اتعاطى ادوية للقلب. المهم بقيت حاطة اللولب لمدة 3 سنوات بعد هيك شعرت بآلام شديدة ورحت للطبيبة وقالت لازم ترفعي اللولب لانو عملي التهابات قوية, وسمعت منها وشلت اللولب , بعد ما شلت المانع فاتتني الدورة يومين عملت تحليل وطلعت حامل وفرحت كتير واول شهر من الحمل بلش الوحام طبعا صعب جدا :confused:
ويا ريت وقفت على هيك :rolleyes:
رجعتي نوبة القلب ويا الله ما اصعبها كنت اشوف الموت بعيوني ساعتها وبقيت على حالي طول فترة الحمل نوبة وادوية وفحوصات متكررة للاطمئنان . واخر مرة طبيب القلب نصحني انو ما احمل بعد هيك لانو كان وضع الجنين خطر وقررولي الولادة بعملية قيصرية . واجا موعد الولادة ويا ريت ما اجا :confused:
لانو الولادة الرابعة كانت متعسرة جدا جدا جدا شفت الويل وذقت العذاب وتعبت كتيييير بعد معاناة 13 ساعة طلق وضعت طفلتي الرابعة والحمد لله بعد الولادة كنت منيحة :)
بعد مرور سنة ونصف تقريبا فطمت بنتي (وقفت الرضاعة الطبيعية) وانا كنت طول فترة الرضاعة ما احمل , بس بعدين مرضت البنت وانا بدي اخفف من وزني فطمتها ويا ريت ما فطمتها :(
لانو بعدها فاتتني الدورة وطلعت حامل :confused: واااااااااااااااااا مصيبتاه!
انا حامل يا ربي شو اعمل رحت لطبيب القلب ونصحني باجهاض الجنين لانو المرة هاي يا انا يا البيبي وضعي صعب واذا بدي اخلي البيبي يمكن انا ما اعيش لانو وضعي الصحي صعب جدا جداوانا جبت تقارير من دكتور القلب والطبيبة النسائية والجميع نصحوني باجهاض الجنين لانو في خطر كبير على صحتي وحياتي وانا ما بدي اموت بدي اعيش باقي عمري لاولادي وزوجي
ارجوكم انا بدي اعرف هل حلال ام حرام لانو بكرا العملية ضروري انتظر ردودكم يا حبيباتي وتلاقوا الخير وما تشوفوا شر انشالله واترككم في رعاية الله وادعولي بالشفاء التام :(