مجروحه

الله يكون بعونج حبيتي والله مشكلتج تعور القلب ...
يعني شنو صار شي بينكم ؟؟؟ ممكن توضحين اكثر ...
زين حاولي تخلين اخوج يتعتذر منه وترجع المياه لمجريها ....
وانا اكيد ما راح انساج من الدعاء وانتي بعد ادعي وخاصه باليل والله يفك ضيقج ياارب ...
تقبلي مروري حبيبتي ......

مشكوره خيوه اي صار شي بينا زي كل الازواج واخوي مستحيل يتعذر منه لانه انسان مريض هذا مستحيل حتى اكلمه من يوم ورايح

اول شيء حاولي تتصالحين مع خطيبك

ثاني شيء اذا رفض الصلح لازم تقولين لامك

وابوك عن اللي صار بينكم

ماء الحنين*;9712635:
مشكوره خيوه اي صار شي بينا زي كل الازواج واخوي مستحيل يتعذر منه لانه انسان مريض هذا مستحيل حتى اكلمه من يوم ورايح

زين سؤال انتو عاقدين؟؟؟؟
لو بس خطوبه ؟؟
لازم دكولين لوالدتج عن الي صار على وعسى تاثر على اخوج علشان يعتذر من خطيبج .
وانتي احجي مع خطيبج وذكريه بالي صار بينكم وكوليله انا شنو ذنبي اروح بغلط اخوي وهل ترضى احد يسوي مع اختك نفس الشي ...
الصراحه مشكلتج صعبه الله يكوون بعونج حبيتي ....
تقبلي مروري .

الله يكون في عونك يااااارب ويسهل امورك ياااارب

اه واااااااايد صعبه مهمومه ولا ابي فراقه اي احنا عاقدين
ماقدر اقول لأمي عن اللي صار ااااااااه مو عارفه ويش اسوي ابي اروح له بيتهم بس ماحد مخليني اروح ابداا

اختي الله يهون عليكي

لوكان يحبك بجد لا يتركي..وانت كوني ثقيلة ولا ترمي نفسك عليه وانت ما الك اي ذنب ولا تزعلي حالك لعلة خير الك اختي..هذا راي وانت حرة

اختي وارجع اقولك اد عملين عقد وصاااار شئ
بينتكم كيف بيتركك اعتباااااره انتي الان زوجته
واد تركتم بعض لاقدر الله اعتبار طلاااااق
والله يهون عليكي يارب

صدقتي يابلسم ابنتظره باشوف لاكن خلاص مااقدر عليه معصب ااااااااااااااااااااااااااااااااااااااه

ايه اخت نوره عاقد علي الريال بس بعد ماحدد الزواج لسى مخطوبين واه واه واه بيتركني

الله يكون بعونج أختي مآء الحنين ..

ومثل طبع أخوج ماا أتوقع لا قلتيله يعتذر بيروح ويعتذر ، صح ؟!

وهذي المشكلة ..

ودآم أبوج وامج يعرفون طبعه قوليلهم الحآدثة اللي صآرت ..

وخلي الوآلد يكلمه كلآم رجآإل ، ويبين له طبع ولده يمكن هو مآ يدري عنه

ويقوله انه يغلط على الكل مش بس أنت ..

وان أنتي مالج ذنب بتصرف أخوج ، ودآمه يحبج و يريدج تطمني ماراح يصير شيء

لأن اللي قاله بوقت الغضب ولأنه حتى أهوا انجرحت كرآمته ببيتكم مآ ينلآم على أي تصرف بوقتهآ

اللي صار له مو شوية حطي مكآنج مكآنه وأخته مثلا تهآوشج قداام الخلق اكيد بتغتآآضين وتتمنين

اشياء ما تجي على البآآل ..

فهيآ فترة وتعدي خل يوضحون له ويشرحون له الاسباب و دزيه له مسج وآحد أنه يتذكر شيء وآحد :

أنج تحبينه وما زلتي تحبينه ،

وأسأليه بالمسج :

هل تتوقع أني أناا بعد هالحب كله أيكون لي ذنب باللي صاآر ..؟ على العموم الله يسآمحك ..

وأناا بآنتظآآرك طووول العمر ..

وخلاص حتى لو ماياج رد لاترسلين ولا تتصلين ولا شيء خليه يفكر على راحته ويعيد حساباته من نفسه ..

وأتمنى لج السعآآدة أختي ،، ومرحلة وتعدي لآ تهمين نفسج إن شاءالله كل شيء بيكون زين ..

} جني هذرت وآيد .. ^_^

السلام عليكم حبيبتي
شوفي يلغالية اولا: بسالك سؤال انتي لما صارت السالفة (( اقصد الهوشة بين اخوكي وخطيبك )) و ش كانت ردة فعلك ؟
وثانيا: ان شاءالله اذا خطيبك بيحبك عند جد وشاريكي راح يرجع لك انتي رسلي له مسج طويل ذكريه بحبك واكتبي له كل مشاعرك وان شاءالله راح يرد عليكي وترجع الامور لمجاريها و ما راح يصير الا الخير.

حبيبتي الغاليه
اتصور خطيبك جالس يستغل الوضع الي بينكم علشان يذلك او يرد الاهانه الي جاته من اخوك
لكن انصحك لا تنزلي نفسك له كثير وتبيني له انك مكسوره لهذه الدرجه علشان لا يعاند
اكثر واكثر .
انتي بس ارسلي له مسج قولي له انا مالي ذنب بلي صار بينك وبين اخوي واذا اخوي اخطا بحقك
فأنت بتخطي بحقه وحقي وحق اهلي كلهم لو تركتني بهذا الوضع وحكم ضميرك
اذا دعتك قدرتك على ظلم الناس فتذكر قدرة الله عليك..
واصبري ولا تلحي عليه وصدقيني اذا هو انسان عنده ضمير واصيل بيرجع وبيحل الموضوع بالطيب.
((طبعا انا متضايقه منك اختي لانك فرطتي بسلاحك واعطيتيه مراده قبل حفلة الاشهار
لان دائما تكون هذه النهايه اما الزوج يختلق مشكله علشان يطلق او يماطل بموعد الزواج او
يتغير ويبرد لأنه اخذ مراده منك وشبع))
بس طبعا لا فوت الفوت ما ينفع الصوت الله ينجيك من المصيبه هاذي ويعديها عليك على خير
وكمان حاولي لا تتسرعي وتعلمي اهلك بلي صار لان موقفك بيكون صعب جدا ومذل فأنتظري شوي
يمكن مع الوقت يبدل رايه ويرجع لك.
تحياتي

انتي مالج ذنب في الموضوع ليش قاعد يحاسبج على خطأ انتي ماارتكبتيه ولا لج اي يد فيه

صدقيني خل يهدأ شوي وبعدين بيرجع لج وبيعتذر عن الكلام الي قاله الحين اهو معصب ومتضايق ليش انه حاس انه انهان جدامكم

ربي يفرج كربج ان شاء الله ويارب تبشرينا خير

جوآن;9714309:
الله يكون بعونج أختي مآء الحنين ..

ومثل طبع أخوج ماا أتوقع لا قلتيله يعتذر بيروح ويعتذر ، صح ؟!

صح بس ن شاء الله واتمنى

وهذي المشكلة ..

ودآم أبوج وامج يعرفون طبعه قوليلهم الحآدثة اللي صآرت ..

للأسف الحادثه اللي صارت صارت قدام ابوي وامي لانه دخله البيت غصب وحاصره وقعد يهدده
بس امي وابوي مساكين على نياتهم مايقدرو يسون له شي عشان كدا خطيبي مضايق

وخلي الوآلد يكلمه كلآم رجآإل ، ويبين له طبع ولده يمكن هو مآ يدري عنه

ويقوله انه يغلط على الكل مش بس أنت ..

ابوي اتصل له واستسمح منه وقال اله هالكلام لاكن هو يتصل علي يقول عذر ابوش مو كافيه قال ام مافكرت حتى تستسمح مني ااااااه

وان أنتي مالج ذنب بتصرف أخوج ، ودآمه يحبج و يريدج تطمني ماراح يصير شيء

الله يسمع منكِ ان شاء الله

لأن اللي قاله بوقت الغضب ولأنه حتى أهوا انجرحت كرآمته ببيتكم مآ ينلآم على أي تصرف بوقتهآ

اللي صار له مو شوية حطي مكآنج مكآنه وأخته مثلا تهآوشج قداام الخلق اكيد بتغتآآضين وتتمنين

اشياء ما تجي على البآآل .. ايه حتى لو صار الي بضحي عشانه

فهيآ فترة وتعدي خل يوضحون له ويشرحون له الاسباب و دزيه له مسج وآحد أنه يتذكر شيء وآحد :

أنج تحبينه وما زلتي تحبينه ، اااااااه رسلت له ولا عشرين مسج مآثر فيه

وأسأليه بالمسج :

هل تتوقع أني أناا بعد هالحب كله أيكون لي ذنب باللي صاآر ..؟ على العموم الله يسآمحك ..

وأناا بآنتظآآرك طووول العمر .. قلت له الصراحه قال انا رجال واهم ماعندي كرامتي

وخلاص حتى لو ماياج رد لاترسلين ولا تتصلين ولا شيء خليه يفكر على راحته ويعيد حساباته من نفسه ..

وأتمنى لج السعآآدة أختي ،، ومرحلة وتعدي لآ تهمين نفسج إن شاءالله كل شيء بيكون زين ..

} جني هذرت وآيد .. ^_^

مشكوره على الرد جوان والله يسمع منكِ

الاقمار6;9714625:
السلام عليكم حبيبتي
شوفي يلغالية اولا: بسالك سؤال انتي لما صارت السالفة (( اقصد الهوشة بين اخوكي وخطيبك )) و ش كانت ردة فعلك ؟

وقفت عند خطيبي ادافع عنه بأيدي وأبكي وأبكي وقلبي مكسور عليه خايفه عليه


وثانيا: ان شاءالله اذا خطيبك بيحبك عند جد وشاريكي راح يرجع لك انتي رسلي له مسج طويل ذكريه بحبك واكتبي له كل مشاعرك وان شاءالله راح يرد عليكي وترجع الامور لمجاريها و ما راح يصير الا الخير.

الله يسمع منك ياااااااااااارب

دلوعةحناني;9714796:
حبيبتي الغاليه
اتصور خطيبك جالس يستغل الوضع الي بينكم علشان يذلك او يرد الاهانه الي جاته من اخوك
لكن انصحك لا تنزلي نفسك له كثير وتبيني له انك مكسوره لهذه الدرجه علشان لا يعاند
اكثر واكثر . أوكي بسمع بنصيحتكِ لاني صج نزلت نفسي واااااايد
انتي بس ارسلي له مسج قولي له انا مالي ذنب بلي صار بينك وبين اخوي واذا اخوي اخطا بحقك
فأنت بتخطي بحقه وحقي وحق اهلي كلهم لو تركتني بهذا الوضع وحكم ضميرك
اذا دعتك قدرتك على ظلم الناس فتذكر قدرة الله عليك..
واصبري ولا تلحي عليه وصدقيني اذا هو انسان عنده ضمير واصيل بيرجع وبيحل الموضوع بالطيب.

يدري اني اتصل اله ويرد علي اقول لو انت ماتبيني كان مارديت عليي بس لاكن يسمعني كلام جارح ويبي يتركني ويقول اني متشاركه مع اخوي نهجم عليه ومره يقول انتي على عيني وراسي ومره يقول مايصير اله الخير والله يستر يارب
((طبعا انا متضايقه منك اختي لانك فرطتي بسلاحك واعطيتيه مراده قبل حفلة الاشهار
لان دائما تكون هذه النهايه اما الزوج يختلق مشكله علشان يطلق او يماطل بموعد الزواج او
يتغير ويبرد لأنه اخذ مراده منك وشبع))

لاء من زمان مخطوبة لو يبي كان شبع من زمان وماخذني اساساااا بلعكس احس بشوقه في كل حين وهذا الا خايفه منه انه يتركني واني على هالحاله بيظلمني :confused::16:
ومابعرف اقول لأهلي
بس طبعا لا فوت الفوت ما ينفع الصوت الله ينجيك من المصيبه هاذي ويعديها عليك على خير
وكمان حاولي لا تتسرعي وتعلمي اهلك بلي صار لان موقفك بيكون صعب جدا ومذل فأنتظري شوي
يمكن مع الوقت يبدل رايه ويرجع لك. ان شاء الله الله يسمع منكِ
تحياتي

خذيت الروح;9715021:
انتي مالج ذنب في الموضوع ليش قاعد يحاسبج على خطأ انتي ماارتكبتيه ولا لج اي يد فيه

صدقيني خل يهدأ شوي وبعدين بيرجع لج وبيعتذر عن الكلام الي قاله الحين اهو معصب ومتضايق ليش انه حاس انه انهان جدامكم

ربي يفرج كربج ان شاء الله ويارب تبشرينا خير

اي والله يحاسبني اني على ذنب ماارتكبت قال الي ذنبش من ذنب اخوكِ هو اللي خرب حيااتك:confused::16:
ويقول حتى لو كملت معاش الزواج شي طبيعي بروح وبجي الش اكيد بشوف اخوكِ اكيد بتصير مشاكل في الزواج :confused::16:

الله يسمع منكِ يارب وابشركم