أتمنى أشؤف رايكم.. واقرا نصايحكم

السلام عليكم ورحمه الله وبركاته


اللهم اني لا أسألك رد القضاء ...
اللهم اني لا أسألك رد القضاء ...
اللهم اني لا أسألك رد القضاء ...



مااعرف كيف ابدأ أو شؤ اقؤل أنا وحده حالها حال اي بنت عندها طمؤح تكمل الجامعه وتخرج منها فالبدايه يؤم دخلت الجامعه أهملت في دراستيه وماكنت متؤقعه النتايج ولاحد نبهنيه عن الجامعه وقاليه لازم تدخلين معاهد وجيه كنت وحده تمل من حياته تقؤم الصبح الساعه 5 وترجع البيت الساعه 6 المغرب والسبب انيه انتظر البنات يخلصن عشاان انيه مشتركه في باص وماكنت اقؤل لاميه طرشي الدريؤل عشان ابويه مايحتشر ويقؤليه بظهرج من الجامعه استحملت ومن كثر مااحس بالتعب وانه ابد مارتاح قمت اهمل في درؤسيه والسبه الشله الي رابعتها المس مستغربه منيه اتقؤل ليش انته كذيه انتي شاطره قمت مااهتم بشي لين مااحسيت انيه بنطرد ووعيت من ألي كنت فيه وقمت اتندم ع الثانيه الي اهملت فيها والانسان لو ماغلط مابيتعلم وبيحس لكن عقب شو المهم الحمدلله ع كل شي ابتعدت خطؤه خطؤه عن هالشله وصادقه شله اغلبيتهم يغارن وطؤل الوقت يقؤلن عنيه زلمه وكنت اتحسس لكن اسكت انا من طبعيه اي انساان ارابعه ماافكر ولاشي من طيب خاطريه اتعرف السنه الثانيه ليه فالجامعه كنت شاده حيله مااهتم بحد واربيعاتيه اغلبهن انطردن لكن كان باقيليه لفلين ولازم اخلص وخذت سمر كؤرس وطلعت الاؤلى فيه ع الافل والكل كان يكرهنيه ايقؤلون عنيه انانيه لكن طؤفت السنه الثالثه قالوليه خلااص اللفل الي باقي لج بنمتحنج امتحان واحد وهو رايتنق لكن قبل هاتي توفل او ايلس طبعاا يلست فالبيت لكن انا مااقدر اقؤل لابويه عطنيه فلؤس بدرس لانه يحطمنيه يقؤل يلسي فالبيت ومن هالكلام واخويه مثله واميه بعد تقؤل انتي هب فالحه ليش تكملين الصيف درسته وهم يذلونيه ع الروحه والرده مع نحن عندنا الخير اكتشفت انيه مااتحمل كلمه وحده وع اي شي اصيح ماارؤم اتحمل درست تؤفل شهرين وعشت الذله بأسسها وامتحنت 7 مرات وباقيليه درجتين وايب 500 لكنيه وقفت كنت ادرس فالمعهد من جهه وادرس خوانيه من جهه لكن من يشكر تميت سنه ع هالحال يؤم اسير اظهر علامه التؤفل واطلع مايبت الدرجه تقؤليه اميه انتي فاشله مااتعرفن كيف هالكلمه تأثر فيه شذنبي انا يؤم انيه مااعرف انجليزي شذنبي مااتعرفن العذاب الي انا عايشتنه عيشتيه فالبيت ابد ماهب مرتاحه انا اريد ادرس لكن محد وااقف معايه الكل يقؤليه انتي ماتبين حتى اميه يؤم اروح عند خواليه اتقؤل نحن مؤفرين لها كل شي هيه مااتبى اتم ساكته شؤ اقؤل اقؤل اهليه يذلونيه ع الدراسه اهليه مايبون يصرفون عليه عشان ادرس اهليه يبونيه ادرس خوانيه وايلس فالبيت
اهليه طؤؤل هالسنين يقؤلؤليه يلسي فالبيت ودرسي خوانج كأنيه انسانه مالها مشااعر واحاسيس انساانه معدومه من كل شي ليش حتى ختيه الي اطغر عنيه تعاملها احسن عنيه مااريد ابالغ فالموضوع لكن هالصدق الله يعلم بمشاعريه والله انيه اتعذب لكن الحمدلله ع كل حال اتخيلو مرات احس نفسه عال عليهم مااعرف شو اسوي محتاره ماقدر اقؤلهم درسونيه مااقدر مااتحمل اسمع كلاام حتى يؤم اربيعاتيه عرس تقؤليه شوهاا والله حظ اربيعاتج احسن عن حظج اقؤلها اميه هذا نصيبهن وانا احترق من كلامها بس شو الي اقدر اسويه يعني ارؤح ايب لها حد من الشاارع واقؤله خذنيه والله تعبت ايي حد من عايلتنا ايي ويقؤل هاا بعدج مؤقفه هاا بعدج ماخذتي الشهاده حتى خالتيه تقؤليه عايبتنج يلسه البيت اااااه الله يعلم بعذابيه تعبت من التفكير تعبت من حد يطريليه مؤضوع الدراسه اتنرفز وحس بالقهر يظهر منيه غصب عنيه ماااعرف شو اسوي ول شو اقؤل ماليه غير ربي اشكي له حتى خوانيه الصغاار مااسلم منهم كل شوي يقؤلون شو شغلتج يالسه فالبيت وماتسوين شي لؤ بيديه ماقعدت دقيقه فالبيت لكن امليه بربي كبير اللحين سنتين فالبيت لاشغله ولامشغله وهب راضيه عن هالشي لكن الله فوق ولابد انها تفرج .. الله العالم يابناات انيه اكتب هالكلام وعينيه ماوقفت من الدمع
في حياتيه كلها مااشتكي لحد دؤؤم اسمع وانصح ول نفسيه مااقدر اللهم القران والاذكار شوي تهدينيه



السموحه منكن ^^