ابني كمل سنة وشوي وللحين ما ياكل !!!!

دائما الطفل عندما يُرضع يكون أكله قليل
نوعي له الوجبات اطبخي له بطاطس، اعملي له عصائر طبيعية والله يهديه ويخليه لك لا تخافي عليه بيكبر وتنسين كل شئ

غالبا عنده نقص حديد لأنه يسبب فقدان الشهية ومن علاماته ترى ميل الطفل لأكل الورق فلازم يتعالج النقص عشان تنفتح نفسيته

شوفي أختي هذا الرابط

فقر الدم بعوز الحديد


هذي الجزئية فيه مهمة

هي أعراض نقص الحديد في الجسم؟
يؤدي نقص الحديد الى حدوث فقر الدم (الانيميا) الذي يتميز بالشحوب (شحوب خفيف في الجلد والشفتين والملتحمة) وسرعة التعب والصداع وتسرع القلب والهياج (وهو أول الاعراض التي تتحسن بالمعالجة) ونقص الشهية والدوار والميل لتناول الاشياء غير العادية مثل الطين والطبشور والورق، كما يؤثر عوز الحديد على الذكاء والوظائف العصبية وتشير الدراسات الحديثة الى ان نقص الحديد (حتى دون وجود فقر الدم) يؤثر على الانتباه والملاحظة والتعلم عند الاطفال ويؤدي الى نقص التركيز والتحصيل الدراسي. وقد يؤدي عوز الحديد ايضاً الى التهاب اللسان وتقعر الاظافر (تشبه الملعقة).

والله كأنك توصفين بنتي نفس ولدك قاهرتني ماتاكل غير المناديل والاوراق

والاكل مرررررررررره ماتاكل وإذا دخلتها بالقوه في فمها ترميها وحتى الرضعه ماتكملها لين تخرب وارميها

والله مثلك تعبت معاها ورحت لدكتور واعطاني دوا فاتح للشهيه ولا كأنه يسوي شي الله يعينا عليهم

مع العلم بنتي دوبها كملت سنه واللي يشوفها يعطيها 9 أو 8 شهور من صغر جسمها

والله ان نفس الشي ولدي عمره سنة وشهو وما ياكل ابد بس ايحط فحلجو مفاتيح . صينية . كلينكس اي شي اللي مو مال الاكل هو بالعمد ايحط فحلجو والله ان اليوم فالغدا خلالالالالاص عصبني طلعني عن طوري وضربتو وانا للحين ضميري يانبني . البارح شريتلو فاتح الشهية عسا ان ياكل بس مااااااااافي جدوي يصك حلجو ولين اعطيه بالزور يدفل ويطلعها والله انا بعد متلج
ان شالله الامهات ايفيدونا
ايه صج انا ولدي فيه نقص حديد وجزاها خير العضوة رقم اللي فتحت عيني على دي السالفة
الله يصبرج ويصبرنا

باااااااال ...
كانج تتكلمين عني اختي ..

ولدج كبر ولدي ..
سنه وثلاث شهور ويمشي بالرابع ..

واعاني من نفس المشكله ..!
وما اعرف شنو الحل ..

مرات يقبل ياكل بس شوويه كلش وهذي قليله ..
ما تتصورين اي كثر فرحتي تكون ..!
والاكثر ابدا بس يقعد يلعب لما احنا ناكل ..

وبعض الاحيان ااكون بروحي وقت الغذى بالبيت ..
والابد اشتري غذى بس علشان اغذيه وما اخلي بالجوع !!! ..
وبالاخير انا اكل واهو لااا .. عن جد قهر ومعاناااه ..!

تعبت من التفكير : ( وطبعا صعب تغصبينه على شي ..!
راح يكره الشي اكثر ..علشان جذي راح اتابع معاج الموضوع.. على وعسى استفيد ..

نفس الشي اولادي ابغى اعرف الاوساخ يتقبلوها في فمهم والاكل الزين مايبغونه ماهو السر واحيانا نقص الحديد بسبب جدي فعلا الله يهديهم هالاطفال مايكبروا الا من عمرنا

حالى من حالكم يا اخواتى الحين ابنتى عمرها سنة و ما ترضى تاكل بالمرة تقعد باليومين لا تعمل حمام بسبب عدم الاكل ربنا يهديى جميع الاولاد و يصلحلهم الحال يا رب

بنتي اتموت على شي اسمه نشاف "كلينكس" وماترضى تاكل شي قليل اكلها مرررررررررره
الله يهديهم جميعا

السلام عليكم ورحمه الله وبركاته
اختي الحبيبية ابني عمره سنتين وعشره اشهر الان ويعاني من نفس المشكلة منذ ان كان بعمر ولدش .
وتعبت الاطباء وزنه عشره كيلو ما زاد
شهيته معدومه مايشرب غير حليب مره باليوم
عملت له فحوصات الحمدلله كل شي سليم
نسبة الدم ظليت محافظه عليها 12 % طوال دي الفتره بتني احط تمر مع الحليب
الحمدلله الحديد تمام .
لكن الاكل لا
اخر مره رحت عند كتور عراقي اعطاني فاتح للشهية من هملايا مكتوب فيه فاتح للشهية ومنشط للكبد عباره عن اعشاب طبيعية .
تحسنت شهيته ، لكن بعد شهر من توقف الدواء رجع لحالة وهو دائما مريض بسبب قل الاكل
يعني ابسطي شي بيمرض .

واحده مصرية كبيره في السن وصفتلي مربي اسمها ( مربي خرز البقر ) عباره عن عسل وغذا الملكات وحلبه .. لفتح الشهية والصحه وزياده الوزن .
بديت اعطيها لابني وحسيت فيه تحسن شويه بس عادني لي كم يوم .
وسمعت الدكتور عبدالباسط السيد /دكتور في مركز البحوث بمصر يتكلم عن الاملج
وانه يعطى للاطفال 3-5 نقاط من منقوع الاملج قبل الاكل لفتح الشهية .
ولما رحت اجيبه من عند العطار قال افضل استخدمي مربي خرز البقر لو ما نفعت استخدمي الاملج لان الاملج قوي ويستخدم مع الكبار مقدار معلقة منه .

هذه تجربتي
وعملت استفسار عن " مربي خرز البقر " في هذه الرابطه


http://forums.3roos.com/t462694.html


هذا الي اقدر افيذك به والعذر والسموح على التطويل .

((مربة خرز البقر )) دى خلطة طبيعية مكونة من :-

- بنسبة 60% عسل وباقى المكونات تمثل 40% من :-
- غذاء ملكات النحل
- أعشاب طبيعية
- فراكتوز
- بكتين
- بذور الخس
- بطاطا
- كراوية
- ريحان
- لوز
- حلبة

طريقة الاستخدام سهلة جدا ً :-
- نقلب بالمعلقة محتويات البرطمان حيدا ً .
- توضع ملعقة كبيرة ((مربة خرز البقر )) على كوب لبن دافئ ثلاث مرات يوميا ً.
- من أجل نتيجة مرجوة يجب استخدام من 2 إلى 3 علب .

تستخدم للاطفال والكبار صيف وشتاء


ماركة خضر العطار -مصر
سعرها تقريبا مايعادل 4 او 5 درهم اماراتي

والله ما توقعت ان في امهات يعانون هالكثر مثلي .......الله يكون في عوني وعونكم ..

مشكووووووووووورييييييييييييييييييييييييين كلكم كلكم على نصايحكم وتجاربكم مع عيالكم وان شاء الله نلاقي حل لهالموضوع ....

اختي ش.المشاعر مشكووووووووووووووووووورة والله على نصيحتج وبحاول اخاي احد يجيب لي اياه من مصر وعسى ينفع وياه مو اجي احطه بالحليب يقوم يرفض شرب الحليب بعد ...!!!!!!

جزاكم الله خير ...وخبرونا لو في تحسن صار مع عيالكم .....

السلام عليكم،

شفت برنامج The Doctors من فترة على MBC و كانت في ام مجننها ولدها مثل ولدج الله يخليه، ما يحب ياكل بالمرة وكل ما يحطون الاكل بحلجه يطلعه.
الدكتور راح عدها للبيت وفحص الطفل ماطلع بي شي وكل شي تمام عنده، عاد الدكتور قال للأم أول شي مادام الطفل وزنه ما ينقص ونشيط وكل شي تمام ما المفروض تقلقين كلش وتثيرين قلق الطفل، في بعض الأطفال يحب يعاند الأهل ويحب تكون له شخصيته المستقلة وهاي دليل على تطور قدرات الطفل (يعني مب شي مب زين لاسمح الله)
وفي أطفال يريدون ياكلون بايدهم ، مو مشكلة غسليله بعدين.
قاللها لا تخافين بس سوي هاي الطريقة:
1) لازم الطفل يكون اله كرسي خاص يجلس عليه وقت الأكل.
2) لازم تضبطين مواعيد أكل الطفل (فطور، غداء، عشاء) وتكون مع العائلة
3) لازم يكون الطفل جوعان وما ماكل شي من ثلاث ساعات.
4) اشتري له صحن خاص وملعقة فيها رسوم كارتونية يحبها والوان جذابة، حتى لو مايعرف ياكل وحده
5)حاولي تطبخين للطفل كل شي يقدر ياكله بروحه وبيده بدون ملعقة.

اللحين مثلا وقت الغداء كل العائلة مجتمعين، خليه على الكرسي وحطي الاكل قريب منه، مش قدامه.(مثلا بطاطس وخضار مشوية أو مسلوقة أصابع، توست بالجبن، كفتة على شكل أصابع .. الخ)
ابدأوا بالاكل وامدحوا الاكل (الله هذا الطبق لذيذ جدا)،أهم شي ما تطلبين من الطفل ياكل وماتظغطين عليه ابدا أبدا (لانو الطفل عنادي بطبعه)، خليه ياكل براحته وعلى كيفه وطولو بالاكل شوي حتى يتشجع،
والله انو الطفل بدأ ياكل وحده ويطلب من الاكل البعيد عنه ، حتى الام ماصدقت عينها.
جربي وان شاء الله تنحل مشكلتج ومشكلة كل الامهات