لشاعرات المنتدى فقط!!!!

مارديتوا عليه


ولا ماعيبتكم الفكرة


هيه خلاص عرفت

مب عايبتنكم الفكرة;) :(

يالله انتظر!!!!!!!!!!!كم

ياهلا فيك اختي

انا من جهتي مره مرررره عجبتني الفكره وياريت تطبق

انا بعد احب الشعر ومرات تطلع معي كم بيت بس مدري احس انهم مو حلوين او يفتقدون للوزن او مافيهم عباره اوجمله ممكن تشد فياريت نستفيد من تجربة اصحاب الخبره :D وتزودونا بكلمات شعريه وخواطريه وتبينون لنا معانيها بعد لان كم مره اشوف عبارات تجنن ويمكن الاكثريه مو عارفين معانيها من اصحاب القراءه فقط يعني يحبون الشعر والخواطر ولكن ماعندهم خلفيه عن معاني بعض الكلمات زي مثلا ممكن تقرئين كلمة :: وخلف اشجار السنديان ، وطيفك ، اروقه ، وكلمات كثيره ذات اوزان وبحور من الشعر فأتمنى انكم تفيدونا لاني حابه اكتب خواطر ولكني افتقد لمعرفتي لبعض الجمل والكلمات التجميليه التي تظفي رونق على اي مشاركه كانت .
وممكن لو كان فيه كتب ممكن تساعدنا على الانفتاح في مجال كتابة الخواطر اوالشعر الفصيح اوحتى العامي فأتمنى منكم مساعدتي بجد ودي اكتب وابحر في هالمجال ولكن تنقصني المعرفه .


وتحياتي لك :cool:

هلا فيج الغالية ياعمري... أولاً أشكرج على الرد وأشكرج على ابداء رايج الروعة وتشجيعج الأروع.. وأنا مابفيدكم بس ولكني والله بستفيد منكم انشالله..


بعدين أفا عليج أنا على أتم الاستعداد للرد على اي استفسار تريدونه في مجال الشعر ... بس مب تطيحون فيني اسئلة:o :o

وبالنسبة للكتب اللي ممكن تتعلمين منها مبادئ الشعر اعتقد بتحصلينها في المكتبات العامة..

وانا عن نفسي مجرد ما اقرا أي قصيد ولأني أحب قراءة الشعر وسماعه حتى لو كانتالقصيدة مغناة.. أشوف نفسي ماشالله أجيد تعديل القصائد أكثر من إعدادها عشان جذه أنا حابة أتعاون مع أي شاعر مبتدئ كان أو مبدع...

مش معناته هذا شعري ركيك أو غير ذلك ولكن أريد أن أنمي موهبتي أكثر وأكثر وأغلب أشعاري بالعامية وماذكر إلا بيتين من الشعر الفصيح اللي كتبتهم قبل سنتين..

وأحب الناس اللي عندهم حس فني مثل ((( ياعمري))))!!!!!

الفكرة حلوة
وانا احب اقرأ الشعر لكن ماعرف اكتب

مرحبا بج يا scream

هلا بهل الشرقية والله

الغالية شي طيب إنج تقرين الشعر هذا معناه عندج حس فني رقيق .. بس انت ماتكتبين وانا ماقدر أفيدج في كتابة الشعر لأنها في الحقيقة موهبة من الله سبحانه وتعالى وممكن تكون مكتسبة بالوراثة عن الآباء والأجداد..

ممكن تكتبين على شكل نثر في البداية أو على شكل خواطر وبالتالي مع مرور الأيام والسنين ممكن!!! تتحول إلى كتابات شعرية بالقراءة والممارسة

وأتمنى أشوف شي من كتاباتكم

هلا الغاليه روضه الدار.. انا امووووووووووووووووووت بالشعر واكتبه بشكل اقدر اقول انه جيد جدا..
واحب المناظرات الشعريه بمعنى انا نرد على بعض بابيات شعريه
....................................
لك مني كل التقدير
وتقبلي مني هذه الكسره:
...................................
ياروضه الدار مشكوره
موضوعك احلى من الحالي
اصبحت انا فيه مسروره
وارتحت له واهتنا بالي
وتراي بالشعر دكتوره!
وبالساحه ابااوقف الحالي
ابياتي ماهي بمكسوره
ولاهي من الفارغ الخالي
ابيات بالفكر معموره..
والفاظها الجوهر الغالي
......................................................

لي ييت بقول مشكورة

ما بوفي قدرك الغالي

وفي ردود الشعر وبدوره

من جداكم يسعد البالي

.................................


والسموحة:cool:

ويشهد الله حيل مسرورة

هذا أنا في زين الأحوالي

زدتني في شعري حرورة

بس ضاع الفكر من بالي

وردت أشعاري تبا صورة

من نسايخ شعرك البالي

.................................

والسموحة

انا احب الشعر وكنت اكتب لكن ما حد كان يشجعنى على هذة الشغلة
المهم تركت الشعرو اتجهت الى كتابة الخواطر وبعد ما فى حد يشجعنى على خوض هذة التجربة
ومن يزمها وانا كرهت الشعر والخواطر وما صار لى خاطر بس احب اسمع من غيرى مب من قصايد اللى اكتبها
وبعدها دخلت الجامعة وتخرجت صحافية لكن المجتمع ما ينصف عمل المرأة فى المجال الاعلامى
وندمت اشد الندم على هذا التخصص
والحين صار لى سنتين وانا لا اعمل فى مجال تخصصى
واتمنى انك تساعدينى ولو بشي بسيط


تحياتى لج
ام وديمة

أم وديمة


أنت الشو بلاج؟؟؟:eek:

أنا مب قايلتلج أنت تامرين ...

وأنا أنفذ الغالية..

شو في خاطرج؟

أباج تحاولين تكتبين مرة ثانية ... تعرفين أنا ليش طارحة هالفكرة.. لأني أبا أسوي جو من الشعر .. بحيث نكون مجموعه من مجلس الشاعرات من المنتدى... وبعدين أنا يتني فترة ما قمت اكتب ومابغي هالشي يموت فيه

عشان جذه انا عزمتكم على هالفكرة واسمحولي وااااااااااااايد

و لا تنسون ان الشعر جزء من التراث ومنا وفينا وهي اللي تلم الشعراء وتعزز العلاقات وغيره..

ماعليه الايام ياية ياأم وديمة والمناسبات كثيرة وكل شي في وقته حلو...

.....................................

وماعليج الغالية واللي في خاطرج وفي خاطر scream و westar بيصير انشالله تونا نحن ثاني يوم ... انشالله الكل بيشارك ويانا ونكون متميزين في المنتدى .. واذا صار غير هذا ترى خيرها في غيرها والافكار اذا مب عندي غند غيري انشالله بعد بنشارك فيهن...


والسموحة الغاليات :cool:

:o:o:o

ما يأمر عليج عدو ياالغالية يا بنت الغالى

ومشكورة على الاطراء الجميل الغالية وترى بسمع كلامج
تعرفون الواحد يبالة حد يدزه شوى ويحركة وان شاء الله بحاول مرة ثانية اكتب لكن ابغى منج المساعدة والعون




تحياتى لج

ام ويمة

ههههههههههههه

أنا بدزج أم وديمة بس والله ماتهونين عليه أخافج تطيحين ... عقب من وين أييب ((( أم وديمة ))) بصراحة اسمج وايد عايبني :) :) :)

اصبري جان ماسويت مجلس شاعرات المنتدى ... ومجلة تنزل كل نهاية الاسبوع ... ووووو

مابقولج شو بيستوي عقب!!!!!!!!

بتعرفين الايام الياية يا دار طويل العمر ( بوخليفة )

وغير هذا اشل شلات تعق الطير من السما... بس عاده وايد المديح تراه مب زين... عقب بتيني رفسة اخاف الا:cool: :cool: :cool:

حبيبتى والله



انتى دلوعتى ....تدرى ......والا لا .....
ترى اذا جلتى لا بتنظربين ........لا بعد روحى ترى ما تونين على
يا روضة الدار


.....انا اليوم بروح بوظبى .... ممكن ما اجدر اتواصل معكم يوم الجمعة

اسمحيلى يا الدل .......يا روضة الدار

السلام عليج الغالية

أنا من بوني دلوعه بعد تقولين دلوعتي .... تراها مشكلة خليني جذه .. لا تدلعيني .. ةعقب اذا ادلعت مشكلة:cool:

يالله رديتي من بوظبي

اترياج اليوم:D

:up:يا شاعرات المنتدى الغالي نبغى منكم شعر نرحب فيه بضيوف الفرح ياالله وروان شطرتكم::cool2:

السلام عليكم

تفضلي الريم 10

هذي قصيدة متواضعة كتبتها الحين وبسرعه للأعضاء الجدد وبالأخص انت الغالية........

تقول القصيدة:

أنور ونورنا العضو الجديد
يامرحبا فيه وبكل الضيوف...

له ولاجله ننشد قصيد
وأبيات شعر نسجه ضيا حروف...

ياريم 10 اليوم لج عيد
مليون ترحيب وتحيات ألوف...

في مجلس الشعر قريب وبعيد
المنتدى بشعركم والله ترى شغوف...


والسموحة والمعذرة !!!!!:D