مجلد تجاربي وسر تغيري بدون جهد وبتتغيري وعلى ضمانتي

أميرة الصمت;9706467:

بسم الله الرحمن الرحيم

خواتي والله من محبتي إلكن بكتب هالكلام

يا ترى قبل ما نجرب كل الخلطات اللي هالكات عمارنا فيها ما وقفنا دقيقة نسأل عمرنا ليش هالعيوب فجسمنا !!!!!!!!!!!!!!!!!!!!:eek:

أنا من سنة 2007 منزلة موضوع عن مشاكلي فجسمي وشعري واصيح بالحيل أريد مساعدة منكن وجزاء الله كل وحدة من رد على بالإغاثة بالجنة:)

بتصدقني لو قلتلكن ولا خلطة فادتني:eek:

ما أدري حسب نوعية الجسم أو أسباب آخرى !!!!!
أنا أقول نقص النظافة
كم وحدة دمرت جسمها بالخلطات كم وحدة منا صار عندها طبقات كم وحده منا طلع فيها حبوب كم وحدة احترق وجهها كم وحدة طاح شعرها بالهبل كم وحدة دمرت ووجهها بالخلطات غيرها

بأمانة كل من بيرد على موضوعي كم ساعة تجلسي فالحمام الله يعزكم تستحمي
كم مرة تستحمي فاليوم؟؟؟؟؟؟

للي تتروش دقيقتين وتطلع شغل دوام ومدارس مب فاضية وراي عيال وريل
واللي تحط صابون في ليفه ناعمة بالمرة وتتسبح على السريع مع تنشيف السريع وتتطلع

النظافة سر الجمال أنا ما بقلل أو أقصد بشي من كلامي غير كل خير أنا وحدة من البنات اللي كانت تتروس عشر دقايق وتطلع لين ما تراكمت العيوب فيني

واليوم وربي شاهد ما أشكي من أي عيب فجسمي بس شغلات بسيطة قاعدة أعالجها اللحين بحكم الجو عندنا حاااااااااار فالإمارات

أقعد فالحمام الله يعزكم ساعتين أفرك جسمي مرتين فالأسبوع أسوي ماسك الطين وماسك الأعشاب مع الحنا وتوحد لون بشرتي:)
وباقي أيام الأسبوع أقعد نص ساعة اتودن فماي وبعدين أفرك جسمي بليفة خفيفة وأسوي مساج بزيت اللوز أو زيت جونسن للأطفال وأحط بودرة في الأماكن اللي ما تتهواا :eek:
................

تعرفوا شو كانت مشاكلي
سواد يعني بشكل فضيع وبقع وشعر تحت الجلد
الشعر تحت الجلد عالجته مع أخصائية تجميلية والباقي كان علي واللي تعاني من الشعر تحت الجلد تسير تعالجه لانها تسبب البقع البنية وشكل مقرف:ss:
ونصيحة
من يعرق جسمج استحمي علشان ما يسود جسمج مع الترطيب مرتين فاليوم والتجفيف جيدااااااااااا من الماء

لا خلطات ولا عوار راس النظافة وإخراج الجلدة الميته هو سر جمال الجسم والترطيب :)
اشتري حمام المغربي والله ماشي يماثله ومعاه يكون الطين والأعشاب
نصيحة خت مجربه
وعرفي السواد من الجفاف الجسم محتاج ترطيب وايد
ابتعدي من خلطات التبيض أصلا ما تعرفي اثارها الجانبية
_______________
واللي تشكي من ترهل الصدر أنا جربت طريقة ودخلت كذا منتدى وتعبت ويمكن بعض العضوات يعرفن إني أريد حل للترهل ومن يومين جربت
الفاصوليا البيضاء مطحونه تحطينها على صدرك وإنتي طبعا لابسة ستيان وكل ما تشوفي إن جلدك امتص الفاصوليا المطحونة ترد تحطي كمان وتسوي رياضة تصفيق من خلف مية مرة ودهن الصدر لما تتسبحي بزيت الزيتون مع تدليك بسيط
خواتي صارلي يومين وربي حسيت صدري اشتدد وقاعدة أكمل:)
وقريت رد إحدى العضوات في منتدى مغربي تقول إن فأسبوع يكون الشد ملحوظ
وطريقة مغربية قديمة حليب نيدو وماء الورد تكبر الصدر وتشده

وتصدقن من شهرين وأنا أدور على حلول لشد الصدر وتعبت من التمارين والحركات اللي ما نفعت معي إلا تمرين تصفيق إلى الخلف
_____________
سواد المناطق الحساسة بتروح مع الحمام المغربي وإذا ما نفع عند البعض أفالون حلو
__________________
العيون الواسعة والحلوة
نواة التمرتطحن وبعدين تحمص لين ما تطلع سوده لا تحطو زيت بلا زيت التحميص وبعدين خليه يبرد وحطيه فكحال رطب شوي كل ما تبي تتكحلي
______________

خواتي أنا حطيت تجاربي كلها من جسم لين عين بس للفايدة والدعاء لي براحة البال
___________

إنا أرحب بأي نقد أو سؤال

على فكرة حاسة بيني هجوم:)