امس سويت هالكوكيز حق بنوتاتي الحلويين
تعرفوون اليهال يحبون هالسوالف
وخاصه لما نخليهم هم يحطون المقادير ويحركون
فآنا جهزت كل شي وخليتهم هم يحطون بإشرافي وانا اصور
استمتعت وايد معاهم وهم بعد حبووا الكوكيز وايد وخلصووه بسرعه ماشاء الله عليهم
المكونات:
(آنا سويت نص المقادير هذي)
نص كوب زبده منعمه (أو إصبع )100 غرام
نص كوب زبدة الفول السوداني (ناعم أو خشن)
نص كوب سكر عادي
نص كوب سكر بني مضغوط
بيضه وحده
1وربع طحين جميع الإستعمالات
نص ملعقه صغيره بيكنج باودر
نص ملعقه صغيره بيكنج صودا
ربع لعقه صغيره ملح
1 كوب شوكلت نصف محلى اللي من هيرشي على شكل دموع (ماكان عندي فحطيت جوكلت عادي قطعته مربعات صغيره بالسكين)
الطريقه :
يحمى الفرن على درجة 375 درجه
تخلط الزبده مع زبدة الفول السوداني والسكر بالخلاط ثم تضاف البيضه
يضاف البيكنج باودر والبيكنج صودا والملح الى الطحين وينخل ويضاف إلى خليط الزبده بالتدريج
ثم يخلط الجوكلت مع الخليط بالملعقه (السباتيولا)
وبالملعقه تقسم الى كور في الصينيه المدهونه قليلا
ويخبز فالفرن لمدة 10 -12 دقيقه (انا حطيته على 350 لأن على 375 تحمر الكوكيز وايد في عشر دقايق )
وفالأثناء عطيت بنوتاتي الباقي ..هالحركه حتى احنا نحبها يوم كنا صغار أكثر من الكيكه أو الكوكيز نفسه لووووول
ويخرج من الفرن ويترك ليجمد قليلا ثم يقدم
وبالعافيه على أطفالكم
