قصة ولادتي بولدي

الحمدلله والشكر له ولدت بالسلامة صار لي الان 25 يوم

طبعا انا بكريه وبكتب لكم قصتي ،،،،

بسم الله

سبحان الله ياما قريت وسمعت من تجارب الامهات اللي يولدون وخفت وهوجست وما نمت الليل من التفكير

لكن سبحان الله

عشان كذا اقول للبكريات لا تهوجسون ولا تفكرون شي بيعدي والله احنا معطينه اكثر من حجمه

صح تعب لكن سبحان الله هونيها وتهون

المهم قصتي ،، انا طبعا كملت التاسع ويوم وما جاني طلق نهاااااااااااائي بتاتا البتة ولكن اللي

صار معي في اخر يوم من التاسع نزلت معاي مويه وماكانت كثيره مره يعني نص و نص

وكان مع المويه شوي لون وردي وطبعا ما صار هالشي الا من كشف الدكتوره بعد قدرته

سبحانه ،، لانها كانت وهي تكشف علي في اخر مراجعات لي عندها كانت تحاول توسع الرحم

لانها تقول رحمك راقي فوق مره وانتي خلاص ع النهاية ،، المهم

في اخر موعد مراجعه لي قالت لي الدكتورة خلاص لازم نسوي لك تنويم نعطيك طلق صناعي

رفضت انا وقلت لها عطيني فرصه كم يوم اذا ما حسيت بشي جيتك ،، قالت على راحتك

المهم ،، يوم الاربعاء نزل معاي مويه الظهر وما رحت المستشفى رحت العصر لبيت اهلي

وكان عندهم ناس واجد ،، المهم طول وانا جالسه معهم كنت احس بالمويه تنزل لين احسها

خلاص ملت ملابسي يعني ماعاد ينفع منديل ولا اي شي ،، وحسيت اني جسمي تعبان

مرهق ولكن مافي اي طلق ولا اي تقلصات ،، اتصلت على زوجي على الساعة 9 ونص

ورحت المستشفى وماعلمت اهلي لانهم مستغربين اني سريت بدري بس قلت لهم

ان زوجي تعبان ويبغى ينام ،، طلعت من بيت اهلي ورحت المسشفى ع الطوارئ وكشفوا علي

قالت مفتوح بس نص سانتي ونوموني والساعة 6 الصباح عطوني حقنة طلق صناعي في المهبل

بعدين بديت احس بتقلصات ويوم جت الساعة 12 الظهر خلاص صرت ما عاد اتحمل الألم

وخلوني لين جت الساعة 2 وانا خلاص وقتها مستويييييييييييه ع الاخر دخلوني غرفة الولادة

وشافوا الرحم لقوه 4 سم ،، وانا مو قادره اتحمل الالم شي يخوووف بصراحة ،،

وطلبت إبرة الظهر والساعة 4 ونص جا دكتور التخدير وعطانياه بصراحه مريييييييييييحه

مره ياحلوها حلوااااه ريحتني مرررررررره ،، ولكن ولكن ،،، طوووووووووووولت ما ولدت يعني

عطوني الابرة الساعة 4 العصر وماولدت الا الساعة 9 الليل ،،، وعيب الابرة متعبة

وقت خروج البيبي لان جسمك كله بنج ماتقدرين تتحكمين بنفسك نهااااائي

والطبيبة كانت تصرخ علي تقولي ادفعي وانا مو قادرة والجنين صار معلق بالنص يعني خطر

بس مو قادره ادفع

المهم ولدت وشوي شوي حسيت البنج على وشك يروحرفعت ظهري ابغى اعدل نفسي

الا ويطيح ظهري على ورا وصرت ابكيييييييييي قلت اكيد صار لي شي منها

وناديت الطبييبه وقلت لها قالت عادي ماتخافي لسه البنج موجود

وطلعت وعاد تعالي شوفي شنو كرشو وشنو كلف حمل وشنو حوسه وبهذلة الله يعين بس

والله يهون ع الجميع يارب