شخبار الحلوين بنات عروس
بصراحة هاذي اول مشاركة لي في هذا القسم
وهالله هالله بالتشجيع
موضوعي باين من عنوانه قبل يومين كان عيد ميلاد اختي فطومه الحلوة
واحترت شنو اخذ لها ليما رسيت على بر على اعتبار انها بتدخل ال 16 سنة وصغنونة
والحين نبدأ بالهاديا وترتيبهم واخذت طريقة اختي الخوافي هدية ما تحتاج تغليف
شريت لها صندوق وردي حق الاكسسوارات
ومره كنت محتاجه تراكي حق بنتي فاخذت منها وبهالمناسبة شريت لها تراكي
وخذيت لها ساعه لان جاية الاجازة وتحتاج منبه جديد
تعرفون الطلاب كله نوم في الاجازات
اخذت التراكي والساعة وحطيتهم في الصندوق
وخذيت لها عود لان عندها عطورات اشكال وانواع فقلت خلها تجرب العود واخذته من العربية للعود
وبعد خذيت لها محفظة
وخليتها في باكيتها
وخذيت العود والمحفظة وحطيتهم في هاذي الشنطة الصغيرة
وقلت باخذ لها دبدوب بس عندها دببة وايد فاخذت لها شي غير الا وهو
وخذيت لها حصالة عشان تجمع شوي
وبعدين خذيت الاغراض كلها وحطيتها في سلة
ولانها اختي واعرفها تحب الكاكاو خذيت لها سلة كاكاو
وهذا الشكل النهائي للهدية
قلت عاد شلون اقدم لها الهدية اخذت بالونات وحطيتهم جنب سريرها ووياهم الهدية وطلعوا بهاذي الصورة
وبس سلامتكم
عاد ما يحتاج كل مره نقول ممنوع نقل الصور ولا باي شكل من الاشكال
وابغي الحين اعرف رايكم
واللي يعجبها موضوعي تقيمني
واللي ما يعجبها تكتب لي دعوة
في انتظار ارائكم
تحياتي