بنات الرياض

حياك الله اختي بالرياض:)

بالنسبة لمحلات الفساتين فيه لمسات طيبة بشارع العليا العام وعبدالله السيد بطريق الملك فهد

واذا تبين موديلات حلوة واسعارها معقولة بس لاتزعلين اذا لقيتي احد لابس مثلك خخخ

مجمع الموسى تقاع موسى بن نصير مع العليا العام ومجمع حياة مول طريق الملك عبدالعزيز

اممم وش بعد >>نسيت خخ

المهم هذي الاميز واكيد فيخ ثانية بس اذا ذكرت برد لك:)

حياك الله مرة ثانية حبيبتي:)

مرحبا (f)
أولاً // ترى هذا أول رد لي بعد التفعيل (r)

ثانيًا // يا ليتك محددة الميزانية في كل غرض.

من ناحية الفستان الابيض فيه العبد الواحد + بروفيناس+ زهرة اللوتس + فيه محل باسواق النمر + عماير السيركون... امممممممممم فيه أكثر لكن ناسية :ss: بجمع و اجيب لك.هذولي تبدأ من ال 4000 و فوق , فيه اسواق مكة و المتنبي حبيبن و رخيصن , بس مش ولا بد النوعية. و إذا ملزمة تبين رخيص فرفرية فرفرة, انخليه نخل لحد ما تلقين.

من ناحية فساتين السهرة.. إذا ما تفكرين بالماركات الكبيرة .. برضه طريق العليا العام - اغلب حوايجك بتلقينها هناك في طريق العليا العام- فيه باكو , ميموزا , و واااجد محلات راقية هناك و يجيبون سهرات . برضه مول سنتيريا في التحلية فيه بالدور الثاني كذا بوتيك يجيب حاجات حلوة سواء سهرات أو ملابس خرجات راقية . عندك برضه هارفي نيكلز بالفيصلية روععععة . عندك مملكة المرأة في برج المملكة فيها بوتيكات روعة و فيها الماركات الكبيرة . جيفنشي + ارماني + الشلة الباقية + ساكس . برضه القرعاوي قلري . فيه بوتيكات ماركات , و بوتيكات غيرها حلوة.

أممممممممممم . . .

ملابس اللانقري مدري كم الميزانية عشان أحدد لك الاماكن ..؟
يعني فيه بمملكة المرأة , و فيه بطريق العليا العم .. و فيه بالهرم :2_29:.

بالنسبة لمحلات العود .. فيه الماجد , فيه القاسم - له فرع بسنتيريا - فيه حبيبات الشعب القرشي + العربية للعود :biggthum:.




هذا اللي عندي الحين و أن شاء الله البنات ما يقصرون .

صباح الورد عليكم

مشكوريين خواتي على تفاعلكم

وبصراحة انا حاطة مبلغ كبير للفستان يعني ابي شي يكون راقي وايد

حتى لو تعدى 20,000

اما بالنسبة لباقي الفساتين فباخذ من الغالي ومن المتوسط فاذا في اماكن اكثر للعرايس يريت تساعدوني

حتى محلات العبايات .. ابي موديلات حلوة وراقية وايد


جزاكم ربي كل خير

تمام ..
أجل ليه ما تطلبين من بروفيناس ..؟ لكن ياخذ عليك وقت من شهر لشهرين تقريبا . يجبونه لك من اوربا و على حسب ذوقك.. و اللي يحببني بشرعاتهم أنها تجي على طابع اوربي..! مدري إذا يعجبك الستايل أو لا..؟ و قبل مري على مملكة المرأة فيها بوتيك يجيب بعض المرات لكن قطعة قطعتين بس خق الصراحة . و ديماتريوس
لكن الله يعينك على زحمة الرياض :( , كم راح تجلسين فيها ..؟ حاولي يكون معاك وقت عشان الفرفرة و الزحمة .على فكرة إذا مو مشترية المجوهرات و تهتمي في الغريبة و الواااو . فيه بسنتيريا محل فوق يجيب مجوهرات افريقية تجرح بعدين دام عندك ميزانية , شوري عليك لا تبتعدين عن الماركات الكبيرة .. سواء في ملابس الخرجات أو السهرة , اغلبها في الرياض و إذا رايحة الجدة أكوس و أكوس .. هه . عندك كل الماركات العالمية الكبيرة ب الخياط ( 1) و خياط (2) .

عموما أنا مثلك أجهز .. و السهرات و ملابس الخرجات مخططة اروح ابتداء ل ( سنتيريا ) (برج المملكة ) و سايت مملكة المرأة فيه.. ( ميموزا ) ( رباعيات ) ( و هارفي نيكلز) ببرج الفيصلية , هذولي بطريق العليا العام. إذا بتستنين إلى عقب الاسبوع الجاي اجيب لك التفاصيل , لأن ممكن افيدك أكثر .. بحيثي أكون مسوية مسح على السوق. و الاسبوع اللي بعده بروح للجدة.


بالنسبة لمحلات العبايات + المفارش , أشوف و ارد لك خبر .




و دعواتي لك و لي بالتوفيق و التيسير و كل البنات يا رب .

مشكووووووورة اختي

انا راح اكون في الرياض بعد اسبوعيين تقريبا لمدة 4 او 5 ايام

ان شاء الله الاقي وقت واخذ كل اللي احتاجه :(

عصفوره حبيبتي انا كنت ر ايحه بشهر 5 الرياض اغلب الشغلات الي تبينها بشارع العليا العام ومجمع المملكه والفيصلية والعليا طبعا بتلاقين الي على الشارع العام ..

بس يبي لج اقل شي اسبووع ..

ننتظر بنات الرياض يفيدونج ويفيدونا معاج ..

موفقه فديتج ..

اسبوع صعب علي .. وان شاء الله يمديني اخلص اغلب الاشياء

لان يمكن امر دبي بعد على شهر 8 بس اخاف ان سفرة دبي مش اكيدة علشان هل سبب محتاجة اخلص اغلب تجهيزي من الرياض

ان شاء الله البنات يفيدونا اكثر :)

وموفقة اختي