طالبة مشورتكم يا بنات عروس

بيور;9673130:
خدوهم فقراء يغنيهم الله

مدام هو محترمنها ولا اهانها في يوم

فما اله داعي الانفصاال

وبعدين يمكن تنفصل ويجيها رجال حاله الحمد لله زين

لاكن مايحترمهاولايحسب ليها حسااب

بالعكس المفرووض تصبر على زوجها وتتحمل ظرووفه والمفرووض توقف وياه وتساعده ماتتركه عشان هالظرف

والله يسهل اموورهم ويسعدهم

rose2006;9673268:
اذا هالانسان الي ظروفه صعبه غير الي هو عليه يعني اذا عند بيت او على الاقل يقدر ياجر شقه ويعيش بمستوى احسن من الي هو عليه هل كانت فكرت بالانفصال...؟؟ ... لا ماراح تفكر بالانفصال لانه ظروفه زينه وممكن يعيشها عيشه حلوه ومع هاذا الانسان يحبها ويحترمها طيب تزوجته وفجاه ظكة الدنيا في وظطر يعيش عند اهله هل تطلب الطلاق....؟؟ بعد لا تدرين ليش لان حبه واحترامه لها وخاصة العشره الي بينهم تبين اكثر محبته واحترامه لها هالشي راح يخليها تظحي بكل شي

مغزى الكلام انه المال يروح بس الحب والاحترام صعب تلاقيهم ويريت تعطينها رابط القسم هني بس تفتر على المواضيع الي تعور القلب.........وربي يوفقها ويتمم عليها على خير والرزق يا اختي ترى من الله سبحانه وتعالى ولما ترفظ لان ظروفه وماعنده هي تعترض على قسمة المولى عزوجل ومثل ماذكرت الاخت بيور الاية الكريمه

قال الله تعالى :
(وأنكحوا الأيامى منكم والصالحين من عبادكم وإمائكم إن يكونوا فقراء يغنهم الله من فضله والله واسع عليم) >> النور 32


تقبلي مروري وعذرا على الاطاله

حلم العذارى;9673755:

( خذوهم فقراء يغنيهم الله )

ياما ناس ..,

فقراء .. وظروفهم المعيشية صعبة جداً

لكن أهم ما يميزهم غنى الأخلاق وكرم النفس وطيبة القلب

شنو يعيبه غير المادة ؟!

ولو كل من في هالدنيا نظر إلى المادة

راح نضيع

وراح يصير كل إنسان يفكر في نفسه وبس!..

/
\

الحين هو فقير ..,

مع صبرها وتحملها

بكرى الله بيعوضها خير إن شاء الله

وراح تتحسن أموره المادية .. شوي شوي

من غرفة صغيرونة , إلى شقة محترمة , إلى شقة أكبر , إلى بيت وأستقرار بإذن الله

*
*

هي ما قبلت فيه من البداية إلا وهي تدري إنه إنسان فقير

وما عنده غنى وملك إلا أخلاقه , وطيبة قلبه , وحبه لها

/
\

خل تفكر في عواقب الإنفصال ..,

آلم الإبتعاد , التشتت والضياع , الحاجة الماسة لرجل يقف جانبها يساعدها على محن الحياة

لو صار نصيب ترتبط بإنسان ربما يكون أفضل منه ..,

هل بتلاقي الحب ؟! الأحترام ؟. المودة .. إحتمال ضئيل , يمكن تلاقي العكس

وغير جذي ..,

هي بتجرح وبتظلم إنسان ماله أي ذنب

سوى إنه حبها وأحترامها .. ويعتبرها شريكته في الحياة

وتركته بسبب فقره

*
*

ونقطة أخيرة ..,

وبتكلم فيها عن مجتمعنا البحريني

كلنا ندري إن ظروف الشباب في المجتمع البحريني قاسية وصعبة جداً

الواحد يوصل عمره 30 وهو لا زال يسدد أقساط سيارته وحفلة زواجه

وما يحصل البيت والإستقرار إلى لين طاف 45 سنة

يعني مو بس خطيبها إلي يعاني هالظروف

في إلي أخس منه بوايد

حماتي ..,

زوجها يشتغل في القطاع الحكومي (الشرطة)

أول ما تزوجت

عاشت معاه في غرفتين صغاااااااااااااااااار جداً يا دوب تكفيها وتكفي أولادها وزوجها

وحمام مشترك!.. ( بينها وبين زوجها وأولادها .. وبيت عمها بعد )

وكانت ظروف الحياة صعبة جداً بالنسبة لها

والحين ولله الحمد ..,

زوجها تطور في وظيفته

و كون نفسه

عايشة في فيلا في منطقة سكنية راقية ..,

وعندها سيارة , وزوجها عنده سيارة

وأولادها يدرسون في أفضل المدراس

صج عاشت بفقر

وعانت!..

لكنها إستحملت وصبرت

لين ما الله رزقهم وعطاهم .. وآلف الحمد لله على النعمة

*
*

شغلة ثانية ..,

دام صديقتج جامعية .. وتشتغل

ليش ما تكون نفسها وتساعد زوجها

ما أقصد تصرف عليه أو تعطيه

بس لازم يتشاركون بمصاعب الحياة

شنو بتخسر ؟!

والله يهديها ويصلح حالها