هل نحن شعب يفضل الذكر على الأنثى ؟؟

انا الصراحة عندي البنت والولد نفس الغلاة كلهم نعمة من عند ربي أهم شي الصحة
عندي ولد وعندي بنت عمرها ربع سنوات وصحتها على قد ها للحين ما تحبي ولا تمشي هذي اشوفها جنة بيعيوني وقول الحمدلله رب العالمين

انا من حملت حسيت ان مستحيل يكون حملي بنت وحسيت ماعرف اتعامل مع البنات

وتوقعت انه ولد وصح يبت ولد ! بس خاطري بالبنت وايد حلوين البنات وحلو لما تلبسينهم وجذي

وريلي يحن يبي بنت وكلش تمنى ان اييب بنت !
واحس المجتمع صاير كله يبي بنات. عكس اول !! احس الكل يرغب بالبنات

في النهاية بنت ولا ولد اهم شي ايي بصحة وعافية

مو شرط احنا العكس هههه
لمن انولد ولد خالتي الكبير اتضايقت عيلتي ولمن جيت انا فرحوا مرة (على حسب كلام ماما)
بس كلامك صح كذا الي يصير بأغلب البيوت

انا عندي بنت وكنت أتمنى البكر يكون ولد بس ربي مااراد وعطاني بنت أموت عليهاا انا وابوها والحين حامل وقالوا لي بنت وكنت أتمنى ولد بس الحمد لله والشكر لربي سبحانه على نعمه الأطفال ربي يحفظهم ويجعلهم من الصالحات ويسهل لي ولادتي وكل حامل يا قادر ياحق

أكيد الأغلب يفكر بهالطريقة
يبون ولد
خصوصا إذا بكر
تلاقي الكل يدعي لك بالولد

أهم شي الخلقة التامة
و إلي من الله خير و بركة

اني بحملي الاول تمنيت اني وابوه يكون ولد .. والحمدلله على عطاياه جبت علي
بالثاااني تمنيت تكون بنت من باب التنويع لا اكثر .. بس الحمدلله على عطاياه جبت ولد وسميته هادي

الحين حامل في بداية الاشهر .. اتمنى بنت .. بس زوجي يقول يبي كله صبيان هههه ..
كلهم نعمه . اهم شي الصحة و السلامة

بصراحة انا أمنيتي يكون عندي كله بنات وبحملي الاول كنت حاسة انه بنت وأبي بنت بس بعد كنت أتمنى ولد لان زوجي خاطره بولد خصوصا انه عايلته اغلبها بنات والحمدلله يبت بنت واستانست وايد

المرة هذي حامل وقالو لي بنوتة مع انه ما تفرق عندي سواء ولد لو بنت بس عشان التنويع وانه خلاص اثنين كفاية كنت أتمنى ولد

مع ذلك في حملي بالاثنين ما همني الجنس اهم شي عندي يكون سليم وبصحة وعافية ❤️❤️

أنا مره حماي دايم تدعي لي اجيب البنات تغار تبغى هي اللي تجيب اولاد بس تتفاخر فيهم على احسابي عند اهل زوجي