ساعدوني يا خواتي

من خبرتي مع بنتي

أقول لك وبكل ثقه بدون

لان لماتعملها على حالها بتحس بالبلل وبتضايق لكن لما يكون في الحفاظ ماراح تفرق عندها وراح تعملها من غير ماتدري انتي

لبسيها كلوت باغه الخاص بتدريب الحمام وفهميها ان هذا للكبار الحلوين اللي يروحوا حمام والحفاظات فقط للأطفال اللي مايمشوا(انا حطيت لبنتي هالتشبيه انهم لان مايمشوا يلبسوا حفاظ واللي يمشوا لازم يروحوا حمام )

واتمنى البنات يفيدوك أكثر

والله يوفقك

انا مع وسام ابني الحمد لله في اسبوع كان كل شي تمام واتعلم الحمام .. بس صحيح في البداية عذبني ورفض يخرج لمدة يومين ولما اضطر في النهاية خرج بصعوبة وامساك وبكى .. بس انا ابدا ما تراجعت وقررت اني اواصل مهما كانت المتاعب ....

لما تشيلي الحفاظ شيليه نهائيا وحاول ابدا ما ترجعي له مهما طال الزمن على تعليمه .. لانك لما مرة تلبسيه الحفاظ واوقات اخرى تلزميه يدخل الحمام كدة بتعمليه خلط في المواضيع فما بيعود بيعرف على ايش يركز .. بس كثر التكرار بلزوم دخول الحمام وقت قضاء الحاجة مهم جدا لتفهيم الطفل ..

يعني اول يوم تقومي من الصبح .. شيلي الحفاظ وارميه نهائيا وفهميه كل شوية بان البول والكاكا لازم في الحمام ودخليه كل نص ساعة الى الحمام مع شرح ان البول والكاكا لازم في الحمام زي ماما وبابا وزي اي حد شاطر وان انتي شاطرة تعملي البول في الحمام .. مع تكرار هذا في كل دخلة للحمام .. وطبعا التشجيع ضروري جدا وتصفيق وعمل حركات وتأدية بعض الرقصات للتعبير عن النجاح وللتعبير عن مدى اهمية الامر وممكن كمان تشجعيها باعطائها حلوى وان ممكن تعطي لها الحلوى في كل مرة تعمل في الحمام.

وفي اليوم التاني .. ابداي معها من الصبح تحاولي تدخليها الحمام مرتين واو 3 مرات ثم اتركيها وشوفي كيف باتتصرف لما تتحشر..
وعند حصول الفلتات لازم تتعاملي معها بحكمة .. يعني الضرب بيزيد الطينة بلة .. لما تحصل الفلتة ..حاولي تبدى تعابير الضيق من الامر وتفهميه ان اللي عملته شي سيء وان انا والناس كلها ما بتقرب عليك بسبب الوسخ اللي فيك .. (اخييييييييي ، ايش هذا؟؟ وليش كدة؟؟ احنا مش قلنا ان نعمل في الحمام .. ويا بابا ويا فلان تعال شوفو فلانة عملت بول على نفسها وكل الناس تبدى تعابير الاستياء والنفور من هذا الشي ) هذا الشي بيحسسها بالخجل الشديد .. اعملي نفسك زعلانة منها .. والعكس صحيح وبوسة وحضنة وبعض تعبيرات التشجيع زي اللي في استاد الكرة ممكن تجيب فايدة . الاطفال يحبو هذي الاشياء.

حاولي تواظبي على هذا الشي لمدة اسبوع كامل وقللي من خرجاتك في هذا الاسبوع وحتى لو خرجتي لازم يكون في حمام قريب. وفي الليل لما خلاص تنام لبسيها الحفاظ حتى لا تبلل سريرها ولما تتعلم الحمام تماما ممكن بعد فترة تبدأي بموضوع البول ليلا.

اتمنى اكون افيدتك ..

ماعندي فكرة ولدي لسة صغيرووون

بس ماحبيت أمر وماأرد

وقلت أستفيد معاكم من خبرات الأمهات عشان المستقبل

نصيحتي لك استري لهااا حفاظ الكلوووت بس قولها انه هذا كلوت وليس حفاظه يعني قولي لهاا اذا بغيتي ماما تروحين للحمام او فيكي ........... قولي لي وحاولي تسالينها كثير وتشجعينهاااااااا

مع انه بنتي عمرها سنه وشويه بس بديت لما اودي للحمام اقول لها سوي مثلا أس للبول اشوفها تسويهااااااااا في الحمام

اتمنى تستفيدي من نصيحتي لك