من هي أفضل طبيبة بمستشفى التأمينات بالرياض.... ارجوكم انا على وشك ولادة .

واللي تعرف طبيبة جيدة بمستشفى ثاني ...

يكون اسعاره معقولة مو غالي مرة ... لا تبخل علي ..

========

تحياتي؛؛؛

أحسن وحده عندهم إهي شاهدة بس هذي حجزها بالأشهر ويمكن ماتحصلينها بعد ، بس بصراحه ماأنصحك في مستشفى التأمينات أبدااااااا

أنا عن تجربه خاصه فيني وفي ولدي وفي زوجي بعد وكثير قريباتي ذمووووه وجتهم البلاوي منه عشان كذا انا تشاااااااااائمت منه مررررررررره يعني مافيه أكثر من إنهم يصرفون لي دواء بالغلط ضعف لي دقات القلب تدريجياً ولما رحت لهم قالوا لزوجي وقع إنه إحنا مالنا مسؤلين عن أي شي بيصير لزوجتك وكانت حالتي خطيره مرررره يعني على شفا حفره .... والمشكله اللي يقول الكلام هذا دكتور سعودي ، هم على بالهم إن وصفة الدواء اللي عطوني إياها بالزباااااااااااله ;) لكن زوجي مايرمي أأأأأي ورقه تطيح في إيده خصوصا تقارير او وصفات او اشياء رسميه وطار للسياره وجابها من الدرج ولما شافوها معه المستشفى كله صار يخترش وإشتغلوا زين لين ماعدت المسأله على خير والحمدلله .. كذلك قريبتي حرمه كبيره عطوها قطره للعيون وهي عندها سكر ---> العين الله يخلف راحت ... هذا والخافي أعظم من اللي صار لولدي يوم كان عمره 7 شهور تخيلي طفل يعاملونه بقسوه وإهمال مع إني ماخذه غرفه خاصه له ودافعه لهم مبلغ وقدره وحالته كانت صعبه وكذلك زوجي .... أما الولاده فحدث ولا حرج فإذا كنتي من النوع اللي عادي عندها إنهم يطنشونك وقت الولاده وينافخون عليك وكل وحده تتفنن بتطويل لسانها عليك وإنت مانتي رايقه لهم ذيك الساعه فيمكن يناسبك الوضع :eek: أما إذا كنتي لأ فأنصحك بمستشفى ثاني أبرك لك بعدين تراهم داااااايما يستعجلون بالعمليات القيصريه ...

من تجربتي الخاصه : أنصحك بمستشفى المملكه أسعاره حلوه وفيه دكتوره تولد جنااااااااااااااااان إسمها " صباح " تجي درجة ثانيه " فاطمة الديجاني " انا ولدت عندهم ولدي وانا الحين حامل بالسابع وناويه أولد عندهم بعد ونفسية الممرضات هناك زززززززي العسل تخيلي جايتهم أنا من الساعه 9 الصباح مافيني طلق ولا شي بس نزلت معي مويات " موسة الراس حقت البيبي انفتحت " وماولدت إلا الساعه وحده بالليل ، لو هم التأمينات كان بعد خمس ساعات أو اقل من جيتي لهم ولدوني قيصريه وكان تشوفين أنفسهم الشينه عليك أعووووووووذ بالله لكن هذولا والله لاطفشوا ولا ملوا ولا كلوا مني حتى يوم أروح لهم الرحم منفتح بس 2ونص سم ..

كذلك فيه دكتوره مررررررررره ممتازه وهي طبيبتي الخاصه اللي أراجع عندها ممكن تولد في أي مستشفى انتي تطلبينها فيه يمكن تعرفينها دكتوره " نوال " في مستوصف الطبي الحديث عسسسسسل ذيك الدكتوره وأصابعها تعاملك برقه مو بعنف زي بعض الخايسات ، بس هااااه أخر مره رحت لها تقول مستشفى التأمينات حرمت أروح أولد فيه ههههههههه مادري وش مسوين لها هي بعد هناك :D

والله يسهل عليك إن شاءالله وتولدين بالسلامه ..

:confused: :confused: :confused:

يمااااااااااااه خوفتيني ....

:confused: :confused: :confused:

لالالا خلاص بلا تامينات بلا همممممم
ياعالم ياناس وين الواحد يلقى الامان واليدين اللي تخاف الله ..
طبعا القيصرية افود لهم لا سرعة ولا مبلغ ... ويفتكون من الزعاق والصراخ للي بتولد ..
والله انا خايفة ...

بس ما قلتي لي الله يحفظك ويحفظلك اللي ببطنك ...

ما تعرفين شئ عن مستشفى الاسرة ... او دار الشفا ..

او اي واحد قريب في البلد يعني ...

ووش رايك بالمركز التخصصي الطبي ؟.

اتمنى تسرعي علي بالاجابة ..

انا انبسطت من سوالفك الله يكثرها ...

:) :) :) :) :)

التخصصي الطبي يمدحونه وأنا كنت ناويه أجربه بولادتي هذي الله يسهل علي وعليك ;) لكن قلت يابنت خليك على مثل مايقولون " وجه تعرفه ولا وجه تنكره " وترا يقولون دله حلو بس انا بصراحه مادري عنه أما اللي ذكرتي الأسره ودار الشفا ماعندي فكره عنهم ولاأعرف احد ولد فيهم انا قلت لك دله لأن بنت خالي ووحدة من حمولة أختي وكم وحده بعد أعرفها ولدوا فيه ويمدحونه ..

بس تعالي مستشفى الملك فهد " الحكومي " تراه حلو لو تقدرين عليه

عاد تصدقين تذكرت شي ضحكني قبل فتره كنا بإستراحه وكنا ثلاث بنات كلنا حاملات هههههههه وكلهم محتارين وين يولدون خصوصاً انهم بكريات عاد هم قالولي روحي انتي لمستشفى المواساة الجديد خلينا نجرب فيك :confused: قلت لهم لالالالالالا جديد مادري عنه قالت وحده منهم وش دراك يمكن عشانه جديد ولا فيه ضغط عليهم يمكن يحطونك فوق روسهم ولايدرون وش يسوون فيك من الدلال ههههههههههههه عاد الله أعلم والحين وحده منهم خلاص بتولد بالتخصصي اللي قلتي عليه اما الثانيه لين الحين ماستقرت على شي

وسلاااااااااااام

عزيزتي الادار الشفاء انا ولدت فيه بنتي خدمته عاديه بعد الولاده بس انتي عارفه يدخلون مع الدكتوره قابله قالكتساعد في الولاده بس شفت الموت من ها القابلهوقفت فوقي ويديها على اعلى بطني وتضغط مثل التنفس الصناعي قالك تساعد في الولاده بعدها جلست سنتين اتألم من ضغطها الله لا يوفقها لا وازيدك ناسين القطن بداخلي بعد الخياطه لاني نزفت عندهم بقوه من اثر ضغطها وما طلعت القطنه الابعد عشر ايام
المستشفى التخصصي يمدحونه كثير بس عارفه اختي مدحوا لها مستشفى الاسره الي في العريجاء فيه دكتوره حلوه وخياطتها جنان بس خدمتهم لك عليها انا الحين مثلك حامل في الشهر الخامس وحايره وين اولد بس اذا ولدتي بأالسلامه عطينا خبرتك والله يسهل عليكم جميعا :) :)

يسلمك يارب فدفد ,,,,

ما قصرتي ...

والله محتارة ؟

===================
ام دانية ...

هلا بيك.... الاسرة انا والدة فيه ولدتني دكتورة فلبينية عسل ونفسها زينه

اسمها ادفينيا .. ماعليها كلام ..

ويمدحون وحدة اردنية اسمها هادن ...

بس المشكلة :( يوم دقينا عليهم قالوا راحوا ثنتينهم :confused:

ماعاد فيه الا فاطمة ... وفاطمة هذي مااحبها اخاف منها بسبب كثر الحالات

اللي تصير عندها فيها وفاة الجنين ..:rolleyes:

وحدة اعرفها ولدتها فاطمة واثناء الولادة مااكتشفت انه الحبل السري حول الرقبة الا متاخر ..

قالت قيصرية بس لو عاش بيكون متخلف ...

رغم انه حالة الحبل السري حالة مشهورة وبسيطة يعني من بدري تعرفها

الطبيبة ويعيش الطفل سليم معافى ..

لكن اهي تاخرت وفقد الجنين الاكسجين لدقائق مما ادى انه يكون متخلف لو عاش ..

وصديقتي ... حملت خارج الرحم وعطتها مثبتات :mad: وكبر الجنين وانفجر

في قناة فالوب ... وراح الانبوب الموصل للبويضة ..

يعني مافي الا بويضة وحدة الان..

ويوم كلمتها وقالت ليش تعطيني مثبت وهو خارج الرحم ..

قالت انه قريب من الرحم وقلت يمكن ينزل للرحم .

ويييييييينا فيه ... يانااااس وين ارووووح؟.

والله خايفة رغم اني متوكلة على ربي وهو يسهلي دربي ...

بي الاحتياط امرنا فيه رب الارباب .

==========================
راح ان شالله اكلم باكر مستشفى المملكة ..

المشكلة الحين اني انا وزوجي نرفض بتاتا يدخل رجال ...

علشان كذا نبغى نروح اهلي ....

والله يعين ان شالله استخير والله يكتب اللي فيه الخيرة .

عزيزتي عطرالليله لاتحتارين ولا شي ووكلي الله سبحانه وتعالى وفعلاً زي ماقلتي الإستخاره فالخيره فيما اختاره الله ، لكن فيه عندك الحمادي تراه رووووعه ماعمري شفت وحده إلا وتمدحه ، بعدين مستشفى المملكه اللي انا ولدت فيه الطاقم الطبي كللللللله نسائي تخيلي انا زي ماقلت لك جايه من الصبح لين الليل وتقريبا ولادتي تعسرت شوي الله يهديه ولدي ;) وأبلشني حجازي مايع إذا درى ان زوجي طلع من المستشفى جاء يتميع يبي يدخل يقول بتطمن على البيبي :mad: بس أنا كان زوجي محررررررصهم وشاد عليهم ومطلع العين الحمرا وقايلهم ياويله رجال يدخل واناماني موجود إلا إذا كانت الحاله تستدعي يعني في حالة الضروره والحمدلله مااحتجت لالرجال ولا شي لأن خبرة الممرضات والدكتوره الموجوده كانت ممتازه ووفت بالغرض ، ونسيت اقول الممرضات مع انهم كافرات سبحان الله كأنهم خواتي وإلا امي تشوفين الخوف بعيونهم واللطافه عليك وتمسحلي وجهي كل ماتعبت ومايبعدون عنك يعني كل شوي طله عليك هذا اذا ماجلست وحده عندك حتى لو كانت مشغوله تصلح اوراقها عندك وفيه عندهم مسكنات حلوه للولاده خليهم يستعرضونها عليك تختارين وحده منها قبل الولاده لأن عندهم أكثر من نوع

وتولدين بالسلامه إن شاءالله

ياحبني لك ...

والله انتي اللي عسل ...

الله يوفقك .... شكلي ان شالله باروح عالحمادي ....

والله يكتب اللي قيه خير وصالح ..

الله لا يحرمني الخط يرد علي ...

والله يهل علي وعليك وام دانية بعد ...

:) :) :) :) :) :) :)