زوجي والمواقع الاباحيه .. !!!

ادعيله بالهداية
وكلميه الحين لما يرجع وقولي له ان الصلاة تمنع عن الفحشاء والمنكر
ليش تسوي جذي قاصرك شي مقصره معاك بشي
انا لو ما احبك ما زعلت عليك ولا ضايقني هالشي بس اخاف من عقاب الله عليك واخاف عليك من نار جهنم تحرقك وتحرق عيونك
وبس لاتزيدين شي وادعيله بالهدايه ادعي ان الله يهديه ويصلحه


دمتم سالمين
اختكم شريفة

الله يعينج يالغلااا ..

فديتج لازم اتواجهينه ،، وقوليله انت اتصلي وتعرف الله فكيف اتسوي جذي ماتعرف ان هالشئ حرااااااام ..

ليش انا مقصره بحقك ،، قولي اذا شئ قاصرنك بس مب اتروح وإطالع هالمواقع ......

ولا تنسين تدعيله ان ربي يهديه ..

حسبنا الله ونعم الوكيل

هذا مرض وادمان وماله علاج لو تركه يوم يومين
يرجع ولا كن شي صار والله مالك الا انك تدعيله
بالهدايه (الله يهديه ويهدي جميع انسان باع عيونه ودينه علشان يتفرج على صور ناس ما تخاف الله )

اختي انتي متاكده انه يشوف والا بس مجرد شك؟

ودامه يصلي معناته فيه خير فديتج ومحد مايغلط

والمواجهه غلط لان يمكن اهو في لحظه الشيطان لعب في راسه
بالعكس فديتج اذا حسيته انه يسوي هالشي

اجلسي معه وسولفوا وضحكوا خليه يلهى ولايصير عنده وقت يطالع هالاشياء

يعني لاتزعلين لو كل وقته معاج كله زعل وهواش ونكد تتوقعين انه بيكون مستانس لو جلس معاك؟

الموضوع كله في يديج فديتج بس حاولي ماتوقفين على كل حركه وتسوين منها هوشه وسالفه

الرجال يحبون الدلع مايحبون وحده تنكد عليه

والله يوفقج فديتج

بقولكم شصار ..

لما رجع من المسجد انا كنت قاعده عالسرير ومصكره الليت واول مافتح الباب انا لفيت ويهي ولما قرب حطيت يدي على ويهي .. قالي اشفيج .. قلتله زعلانه .. قالي ليش ؟؟؟ قلتله ماقريت المسج؟؟ قالي لا اي مسج ؟ شسالفه ؟؟ قلتله روح اقرا المسج وبعدين بتعرف .. وراح قرا المسج وقرا اللوحه ... ورجع .. قلتله قريت .. قال ايه .. وقالي انتي شاللي شفتيه ؟؟ وقالي انتي فاهمه غلط !!

قلتله لاتحاول ولاتنكر .. انا عارفه ومتأكده .. قالي تعالي معاي وريني شاللي شفتيه .. قلتله مايحتاي كل شي واضح !! اعترف وخلاص ...

وقالي باروح اشوف شنو اللي شفتيه وبارجع .. وعقب جاني .. وقالي هاي اللي مزعلج؟؟ قلتله ايه .. لانك تسوي الغلط وهالشي حرام .. قالي انتي فاهمه غلط .. وانا مب قصدي وانا مادور هالاشيا ولا ابي اشوفها بس هي تطلع بالغلط في اليوتيوب (على سبيل المثال) على صوب وانا اضغط عليها وهكذا ..

قلتله بس هالشي غلط .. والله بيعاقبك .. وقلتله انا لاني احبك وابيك احسن واحد ومابيك تسوي الغلط ومابي الله يعاقبك على هالشي .. وسألته انا مقصره معاك؟؟ قالي لا ..

يعني يابنات هو ماعترف اعتراف كامل .. تعرفون السالفه صعبه .. وصعبه يقول نعم انا دخلت وشفت وسويت .. فقالي انا غلطان وانا اسف .. وقالي لاتفتكرين اني افكر في هالاشياء او اني ابيها .. وقالي انتي عندي وانتي مرتي ووو الخ ..

وقلتله انا مابيك تقول انا اسف وتقولي ماراح اسوي جذي مره ثانيه عشاني ؟؟ قلتله انا ابيك تقتنع من داخلك ان هالشي غلط وانك ماراح ترد لهالشي .. لانك تخاف من الله .. وقلتله النت فيه كل شي .. فيه الشات وفيه صور وفيه مقاطع وووالخ .. لكن مو معناته ان احنا ندخل ونشوف ونسوي ..

يعني انا قدامه احسن مثال .. النت عندي 24 ساعه .. وهو يروح الدوام وانا قاعده فالبيت واقدر ادخل مواقع خايسه والعياذ بالله منها .. ولكن لا والف لا ... لاني مقتنعه ان هالشي غلط ولاني اخاف رب العالمين .. فليش اطيع الشيطان الرجيم ؟؟

وبس ..

احسه خجل من تصرفه .. وقالي بخلي الكمبيوتر مبطل 24 ساعه عشان ماتشكين .. قلتله انا واثقه منك وخلاص .. ورحت معاه مسحت اللي كتبته في اللوحه .. وكنت بكتب كلام ثاني بس هو اخذ القلم من يدي وكتبلي كلام وكتب انه اسف ..

الصراحه كسر خاطري وعور قلبي .. وعرفت ان الكلمه الطيبه والنقاش الهادي يجيب فااااااااااااايده .. انا اول شي قلت بزعل وماراح اكلمه وبقوله وخر عني وكل واحد من صوب وكنت بكبر السالفه بس سبحان الله في لحظه جاتني فكره اني اكلمه بهداوه واتناقش معاه بمنطق حلو يجيب فايده واقوله انا احبك ومابيك تسوي جذي وانا اخاف عليك ومابيك اتعاقب .. وفعلا هذا هو الحل ولله الحمد .. وحتى احس انه انحرج وعينه دمعت من كلامي .. وبجذي بيحبني اكثر .. :)


اتمنى اللي عندها نفس المشكله تجرب طريقتي .. لان الهواش والتهزيئ ماراح يجيب حل .. والمواجهه مطلوبه ..

ولحد يفكر انه يبي ينفصل .. لاني فكرت فيها وقلت هاي سبب مقنع للانفصال .. وفي نفس الوقت قلت .. ( ليش ياربي بليتني بهالبلوه .. وانا استخرت وايد .. وانت اخترته لي .. اكيد في حكمه واختبار من رب العالمين .. ولازم اصبر واتصرف صح ) قلت يمكن رب العالمين يبيني اساعده واخليه يصير احسن وبجذي اخذ اجر ... وقلت هذا ريلي .. ماراح اتخلى عنه عشان عيب واحد ,.. بالعكس انا بحاول اساعده .. واكيد رب العالمين بيساعدني ..

والحمدلله .. انا الحين راضيه وسعيده :)
وبدعي ان الله يهديه دايما ويسخره لي ..
بنات لاتنسوني من دعائكم .. والله يهدي ازواجكم ويسخرهم لكم .. ولحد يعيب او يطنش لان اي انسان ممكن يبتلى !!!

الله يهدية ليكى يارب ويجمع بينكم على خير

الله يوفقك انت زوجك الى صالح الاعمال ويالف بين قوبكم بالموده والرحمه


اللهم اني مسني الضر وانت ارحم الراحمين

جزاك الله خير يا الحكيمه.

اول شي اهنيكي اختي على تفكيرك الرائع وعلى طريقتك الحلوه لان هني اقرى وايد بنات يستعملون العنف الصراخ او الهواش وطبها شي غلط والبعظ يواجه بس للاسف ماتتمالك نفسها وتصرخ وتتهاوش

يمكن اهو صح لان فعلا اختي اليوتيوب وايد شغلات في انا احيانا اخلي بنتي تطالع كارتون تخيلي اختي تطلع على الجانب الي يسمونها اقتراحات للمشاهده شغلات غلط قمت شريتلها قارئ السيديات وحطيتلها كرتون بغرفتهااههههه انا كاني بقول قصة حياتي المهم الله يوفقك ويخليلك زوجك ويخلكي له ...

ماشاء الله تبارك الله

:)

الله يوفقكم يااااااااااااااااااااااااااارب ويسعدك ويسعد زوجك معاك

انتي حكيمه وطيوبه .. وهو طيب أصلا لانه اعترف بذنبه وأعتذر وتاب .. ( كل ابن آدم خطاء وخير الخطاؤون التوابون ) مافي أحد مايغلط لكن الله يثبت لك زوجك على التوبه ويهديه

:)

أنا سعيده علشانك والله

الله يخليكم لبعض ان شاءالله

ربنا يكملك بعقلك
ويرزقك ورزوجك التقي والهدي و العفاف والغني