خطيبي راح يقتلني! - منتديات عروس

c

cheekygirl119

عروس مشرقة

04-06-2009 | 09:32 PM

سلام يا بنات
انا مشكلتي عويصة مع خطيبي

صايرين مثل القطو والفار

على كل شي نتهاوش
بسبب وبدون سبب
انا اقول يمكن لان باقي 20 يوم على زواجنا والعد التنازلي بدأ من جي يمكن الجو مكهرب

بس ساعات يبط جبدي على اشيا ءوايد يخليني غصب اتهاوش معاه

مثلا لين يبيني اسوي له شي مثلا اكوي له ثياب
اكوي له اساله اكوي لك الشي الفلاني
يقول لي اي عيل البس هاي بدون هاي؟
انا ماخذ لي وحدة اربيها !

يقولها بطريقة يستفزني فيها
لين سكت عنه
يقول انا مااتقبل مزح
واهو يدري مزحهه ثقيل وانا حذرته من قبل مزح ثقيل ماحب
ولكن كل يكرر هاي الكلام معاي
ولين سكت عنه يزعل ويقول مابيمزح معاي

ولين رديت عليه بعد يزعل
شاسوي معاه؟
امره مو طبيعي

عطوني حل
لان اخر مرة كانت امس الي كلمته فيها
حتى مااتصلت له ولا ابي اكلمه
واهو بعد قال لي مابي اجوفج الا يوم الزواج
يعني يغلط وبعد يشره عليي

ب

بحرينيه اموره

عروس مشرقة

04-06-2009 | 09:38 PM

حبيبتي طولي بالج هاي الي صار بينكم اتوقع انه بسبب توترات الزواج وانكم بتبتدون حياة جديدة
احسن شي تسوينه انك تحلين اي اشكال بينج وبين خطيبك في نفس الوقت لاتراكمين لان بهطريقه تزيد الحساسيات
واهم شي تطولين بالك وتكلمينه بكل لطف وتتفاهمين معاه لان بيصير زوجك جريب وبتكونين معاه في بيت واحد
والله يوفقج يارب وايسر لج امرج آمين

c

cheekygirl119

عروس مشرقة

04-06-2009 | 09:42 PM

مشكورة اختي لردج السريع بس مشكلته
مايعترف بغلطه
ولين حاولت اتكلم معاه باسلوب حلو واحاول اجيب كل شي بمزح عشان ماسبب له احراج
اهو يحرجني صراحة
يعني ماعرف شاقول بس مسبب لي ازمة بجملة ان اهو ماخذ له وحدة يربيها
يعني بمعنى ان انا ياهل وماعرف اسوي شي
وانا والكل يشهد اعرف اسوي كل شي والحمد الله بس لاني اساله اذا يبي الشي او لا يقول لي ان اهو ماخذ له وحدة يربيها؟

ح

حلمـ .,

مشرفة سابقة

04-06-2009 | 10:10 PM

عزيزتي ..,

هدي أعصابج

وصلي على النبي .. ذكري ربج

شي طبيعي إلي تمرون فيه

لأن ما باقي شي عن الزواج .. والإستقرار النهائي

والأعصاب مشدودة .. وكل شي توتر

فحاولي تسيطرين على أعصابج وخل يتملك قلبج ( الصبر والحلم )

/
\

وخذي الموضوع من منظور ثااني

وهو التقبل بشكل عام!..

أنا خطيبي دائماً يمزح معاي مزح ثقيل .. وحذرته مسبقاً إني ما أحب المزح الثقيل

لكنه أستمر من باب اللعانة والعناد

ودوم يذم في شغلي ( لو كويت له , لو غسلت , لو نظفت .. إلخ )

ويقول عني بيبي وما أفتهم شي

ودلوعة ومب مالت زواج .. طبعاً كله من باب الغشمرة

في البداية ما كنت أتقبل وكنت أزعل وأعصب وأقلب الدنيا

وهو لين شاف عصبيتي , هو بعد يقلب الدنيا

ونصير متخاصمين

ونزعل من بعض

ويكبر الموضوع من لا شي

ونتراضى بعدين ولا كأنه شي صاير

حاولت بعدين مع الأيام

أكون أحسن منه

وكلما يقولي شي أكتم الغيظ داخل قلبي .. وأبتسم له وخلاص

تعودت على برود الأعصاب والهدوء معاه

صج بداخلي مقهورة

بس ما بتابعه بكل شي

وبالعكس لين يقولي إنتي بيبي

أستانست وأتشقق

وأغيظه بالكلام .. أقوله أكيد بيبي توي بنوتة شحلاتي .. ودلوعة أهلي , ومتربية على الدلال

أكيد أنا بيبي

أنا طفلتك إنت .. وعادي لو تدلعت وأستهبلت عليك

هني ينكسر من كلامي ويسكت

*
*

حتى مرة ..,

كنت أرتب له السيارة .. لا شعورياً قاعدة أرتب

وقام يمدحني وكان جاد .. بعيد عن الغشمرة

يقول أنا خذيت خوش وحدة , ما فيها على ترتيبها ونظافتها

/
\

يعني يا حبيبتي ..,

معظم الرجال فيه الطبع الخسيس

المزح البايخ والثقيل

وما عليج إلا التقبل والتعود والصبر

وصدقيني هو منه ومن نفسه بيمل من مزحه معااج

وبيخفف منه

وإذا شاف صدرج رحب و تتقبلين مزحه

هني هو بيسحتي وما بيحب يتمادى أزيد

لكن!..

يشوف فيج العناد .. هو بعد بيعاند

وبتكبر المسائل .. لسبب تاااااااااااااااااااااااافه

/
\

باقي 20 يوم عن الزواج !..

أحرميه من شوفتج خلاص

علشان يشتاق لج وايد

ولين شافج في الزواج ( بعد ما يحتاج أوصف شعوره ) بيستخف عليج

بس صيري أحسن منه

ودزي له مسج حب وراضيه

حلاتها المرة هي إلي تدلع .. وتغرق بالحب

تكلموا بالتلفون دائماً وخلو بينكم مسجات

خلي الشوق يشتعل بينكم من الحين إلى موعود الزواج

*
*

والله يهديكم ويصلح حالكم

c

cheekygirl119

عروس مشرقة

04-06-2009 | 10:37 PM

مشكورة حبيبتي
كلامج ريحيني وايد

بس صراحة اخاف ادز له مسج
لان اعرفه طبعه عنيد وماراح يعبرني
ولا ابي اتصل فيه عشان مايكلمني باسلوب كريه وتكبر السالفة

شاسوي؟
ادز مسج وخلاص؟

ح

حلمـ .,

مشرفة سابقة

04-06-2009 | 10:47 PM

مشكورة حبيبتي
كلامج ريحيني وايد

بس صراحة اخاف ادز له مسج
لان اعرفه طبعه عنيد وماراح يعبرني
ولا ابي اتصل فيه عشان مايكلمني باسلوب كريه وتكبر السالفة

شاسوي؟
ادز مسج وخلاص؟

العفو ..,

ويا رب تكونون مرتاحين على طول

وشيلي من بالج فكرة إنه عنيد

خطيبج أكيد يحبج!..

دزي له مسج حب و شوق ..,

حتى لو ما رد

مرده بيرد عليج

ما بيحقرج على طول

ولين ما عبرج

دقي عليه بوقت متآخر هاللون على الساعة 1 أو 12 ونص

وعاد تدلعي عليه ولا كأنه صاير شي

صيري وياه قمة الهدوء و البرود والدلع

أهو إلي بيموت عليج ويركض وراج .. وما بيرضى يزعلج بشي والله :wink:

c

cheekygirl119

عروس مشرقة

04-06-2009 | 10:55 PM

مشكوورة وباجرب
بس مو ساعة 12 او 1 باجر ساعة 3 عشان يمديه ينام لان يرد من الشغل ساعة 12

وباخبرج شنو يصير وياي
يعطيج العافية

م

ملاك العمر..

عروس جديدة

04-06-2009 | 11:14 PM

ترا السوالف ذي اللي تصير عاديه ولابد من حدوثها

عشان توصلون لدرجة تكونون متفاهمين فيها مع بعض لازم بالبداايه تبذلون ليما في النهايه ترتاحون

نسبة قليله اللي حياتهم خالية من المشاكل

بس بالرغم من ذي حاولي انج ماتقبلين ولا تسكتين له على اسلوبه اللي ما يعجبج

لان لين سكتي من اول مره راح يتعود

اهم شي ما تضغطين عليه وتتفاهمين معاه

وحاولي تكلمينه بلغة الاطفال لان الرياال دلوع زوجته

c

cheekygirl119

عروس مشرقة

04-06-2009 | 11:21 PM

الدلع ماينفع معاهم
ادلعه يقعد يتفيرخ لي يسوي روحه مستغرب لاني دلعته
ويحسب ابي منه شي

ر

رحمتك ارجو يا رحمن

عروس مبدعة

04-06-2009 | 11:36 PM

cheekygirl119;9663683:
الدلع ماينفع معاهم
ادلعه يقعد يتفيرخ لي يسوي روحه مستغرب لاني دلعته
ويحسب ابي منه شي

معلش حبيبتي طولي بالج ولا تبكين ولا على بالج لا عاد تدقين عليه وروقي وطنشي وبردي اعصابج والحين اهتمي بروحج واعملي ماسكات لبشرتج واهتمي بجهازعرسج وحين بيجوف انج منشغلة عنه بيطير عقله وبيصير بيركض ليراضيك , بس الحين متل ما قلتلك قومي اشربي عصير بارد وابتسمي وحاولي تهدي اعصابك علشان تكونين ليلة عرسك قمر 14 (f)
وهو اكيد بيحبج بس هو بعد متوتر ومحتاس يعني عريس وعرسه قريب ههه:wink:
ان شاء الله الله يوفقكم ويوفق بين قلوبكم ويسخره لك ويسخرك له ويجعل المحبة والمودة عامرة بينكم دوم

c

cheekygirl119

عروس مشرقة

05-06-2009 | 01:04 AM

الله يسمع منج ان شاء الله
والله يهديه بس

طلع عيني وطلع روحي

دزيت له مسج ومارد عليي بعد

وخلاص ماراح اتصل ولا شي
خله براحته
باجوف شنو يسوي
انا اعرف اطباعه واعرف انه بطنش لي ومابرد عليي
بس بحاول اني اطنش مع اني مااقدر مااشغل بالي فيه
بسمعليش بحاول اشغل نفسي في جهازي
يعطيكم العافية على النصائح الحلوة

f

fate88

عروس برونزية

05-06-2009 | 01:23 AM

دايما فترة الخطوبة جدي

نزعل ونتصالح !!!

يمكن ان عرسكم قريب وانتي مشوشه وهو متشوش اكثر ترى هو يحبك لو مايحبك

ابتعد عنك من زمان ويقول لك الحياه اذا مافيها مشاكل يعني الزوجين كل واحد مو مهتم في الثاني

بس حطي في بالك مشاكل تختلف عن مشاكل :)

بالتوفيق وعقبال عرسي اني وخطيبي :)

س

سراب الأمنيات

عروس رائعة

05-06-2009 | 06:15 AM

هلا اختي ... يمكن لانه قريب زواجكم ومتوترين .. حاليا انتي خلاص هدي بالج وشغلي نفسج باي شي وهو مارده بيكلمج ولين كلمج خلج طبيعيه ولا تجيبين سالفه هواش ما هواش .. وخله جم يوم ما يجوفج علشان يشتااق لج اكثر .. والله يتمم عليكم على خير .. بالتوفيق ان شاء الله

c

cheekygirl119

عروس مشرقة

05-06-2009 | 03:27 PM

مشكورين خواتي صراحة بجد ريحتوني

وانا باحاول اشغل نفسي بأي شي عشان مااتضايق

يعطيكم العافية للمرور الطيب

ن

ناويه اعقل

عروس مبدعة

05-06-2009 | 06:27 PM

لاتحاتين ... هذا توتر ماقبل الزواج وراح يستمر سنه كامله ..

وماينحل غير بالتفاهم

c

cheekygirl119

عروس مشرقة

05-06-2009 | 06:34 PM

اتمنى
الله يسمع منج

ط

طفلتك

عروس مبدعة

05-06-2009 | 07:10 PM

حبيبتي اكثري من الاستغفار

ن

نجــــد

عروس ماسية

05-06-2009 | 07:35 PM

الله يوفقك ويهنيك
بس زي ماقالولك البنت هذا كله توتر قبل الزواج :)

تتهني ياقمر ان شاء الله

c

cheekygirl119

عروس مشرقة

06-06-2009 | 01:57 AM

يسلمو حبيباتي للمرور الحلوو
ان شاء الله يجي كل خير
يعطيكم العافية

z

zumerdah

عروس برونزية

06-06-2009 | 03:00 PM

هذا كله توتر قبل الزواج ,,

لانه زواجكم قريب فتكون الاعصاب مشدودة انتي وهو وكله معصبين ومنرفزين ,,

وبعدمن مابقى شي عن زواجكم المفروض تنقطعي عنه يعني لايشوفج ولا تشوفينه لن يوم العرس احسن عشان تشتاقوا لبعض وتخف المشاكل والمعارك بينكم ..

خلكم بعيدين عن بعض الحين واكتفي بالاتصالات والمسجات وان شاء الله الله يتمم لكم على خير ..