السلام عليكم يا جماعة الخير
أعتذر على جرأتي ... و لكن أحتاج منكم العون
الله يجزاكم خير
أنا زواجي بعد شهر رمضان بإذن الله ..
إدعو لي بالتوفيق الله يرضى عليكم
و السيد خطيبي يبي المرأه يكون شعرها طويل
بل طويل جداً
أنا شعري لطول كتفي و باهت و مقصف و خفيف
ساعدوني أمانه
شاسوي..؟
و الله يجزيكم خير
هلا اختي
الله ييسر لك زواجك يارب وان شالله تكوني احلى عروس
المهم هذي الطريقه يارب تكون مفيده لك ان شالله
الطرريقه روحي اشتري زيت الحشيشه الخضرا هي تباع بالتووله ربع توله او نص توله
انتي خذي نص توله لنتيجه اسرع وافضل وخذي معها زيت الخروع من انتاج شركة العجمي لانه مضمون %
وعن تجربتي اضمنه لك بأذن الله المهم افتحي العلبه وصبي فيها زيت الحشيشه الخضرا
ورجيها رجاً مبرحاً خخخخخخخخ وبعدها ابيك تستخدميها على فروة الرأس افريكي بنعومه+التدليك للفروه
مرتين بالاسبوع يعني مثلا يوم السبت ويوم الاربعاء وبنص الاسبوع ابيك تاخذي حنا بدون اي ايضافات
بس حنا ومويه اخلطيها وحطيها على شعرك لمدة ثلاث ساعات للفايده فقط لانه حنا نبي الفايده مو اللون
فهمتيني .. واستمري عليها واهم شي ثقتك بالله وراح تشوفين النتيجه بأذن الله واضحه مع اول اسبوع
واذا عندك اي استفسار انا حاظره..
هلا اختي جربي الحنه احن علاج للتطويل لان الطول مايجي الامن تغذيه الفروه وهالشي مايجي من اصباغ واهمال يعني غذيه بالحنه وعليج بزيت النارجيل الاخضر القديم روعه للتطويل وسريع
والله يحقق مرادج ومراد بو الشباب
عليج بالخروع اختي والله انه احسن شي نفع معاي
اختي استخدمي زيت الخروع مخفف بزيت السمسم
زيت الخروع ينبت الشعر و يكثفه و زيت السمسم يطوله
والله يوفقك حبيبتي
دار العز
مس مهاي
Bronzage
أنوار الحب
مشكورين و ماقصرتو
الله يهنيكم دنيا و آخره .. نبدأ بإسم الله من اليوم
اخواتى انا كمان شعرى تلف من المكواه والفرد وانا على وش زواج