مسؤلتي بالدوام

السلام عليكم ورحمه الله وبركاته

بنات انه طالبه في الحقوق والحين عندي تريننق قبل التخرج قدمت تدريبي في الشؤون القانونيه في الداخليه من تاريخ 4/4 لمده شهرين يعني اليوم اخر يوم

يوم رحت هناك صدموني انه حاطين لي برنامج مدته ثلاث شهور ناقص اسبوع قلت لها اهو بس شهرين قالت لي مسؤلتي وهي نقيب ان مابتضررين خليه ماختلفنه

المهم طلع ان مسويه لي برنامج لمراكز الشرطه والسجون والمحافظات والخ..

اول شهر ولله الحمد ماشفت شي

بديت الشهر الثاني وكان عندي اروح التوقيف للاحداث والنساء تخيلوو وصلت هناك يقولون لي خطاب من الجهة ماوصلنه عشان ندخلج وتبدين تريننق طلعت برع في عز الشمس اتصلت في الشؤون القانونيه كلمني واحد قالي دقيقتين اشوف لج الحل الله وكيلكم تيميت نص ساعه عقبها حركت قلت خلاص بارجع البيت اتصلت له الايقول نسيتج انشغلت تخيلووو عصبت عليه وقلت له لو واحد منكم مسوين له هالحركه قوتوا قوامه روح قول للاداره اذا عندهم طالب للتدريب يتابعونه شصار وياه .

كلمت بنيه تشتغل هناك وقلت لها اني بارجع روحي خبريها وانه بنص الطريج تخيلوو اتصلوا لي ردي اكا طرشنه الكتاب(n)قلت له عشم بليس بالجنه انا مانطرته عشان ادخل انه دخلوني بس مابيخلوني اسوي شي الا يقولي على هواج وصكره بويهي.

المهم داومت وجذي عقب اسبوع اتصلت فيهم اني بخبرهم الحين فتره امتحانات ماباقدر احضر وشايب من اثبات لكم الا تقولي اللي ردت علي انتي فلانه الفلاني قلت نعم الا تقولي انتي واصل عليج خطاب ان ماتداومين من الاساس:confused:شتبون فيني هني والله احس مرارتي بتنفقع واروح الدوام واتكلم مع مسؤلتي اللي بالجهة اليديد قالت لا بنكلمهم انتي تداومين عندنه وهاي ثاني اسبوع.

يننه يوم بودي لها جدول الامتحانات اقسم لكم بالله يابنات وانا اعطيها نظرتها لي كانها تشوف حشره كرهت نفسي ذاك اليوم وتحملت ماقلت شي قالت بخاطب النيابه ان انتي بتاخرين وماتبروحين لهم الا بعد امتحاناتج.

الا اليوم صج ماقدرت اسكت رحت الدوام الجديد واهو النيابه رحت الا يقولون لي خطابج ماوصل اتصلي لها وخلها تطرشه فاكس اتصل مكتبها ماترد اتصلت بالبنت قلت لها خبريها قلت لها انزين شوي واتصل اخذ الخبر منج اقسم لكم ان رديت اتصلت ومابقيت الا ثيابي شالته مسؤلتي الا تقولي فلانه هاج عاد بس ها خطاب مابطرش انا طرشت مره لهم والمحامي العام عنده خبر عنج قلت لها رحنه لهم وقالو الا يبونه مايصير شوفوا ردها الحين

اذا موعاجبج ردي بيتكم :)شتبون فيني هني قلت لها ليش ارد دام انيي واصله الا تقول عيل خلاص وتصكره بويهي الحقيره

ماقدرت ايود روحي تميت اصيح البنات هدأو فيني قالوا ماتسوى تنزلين دمعه عشانها بس شي يحر القلب عيب شنو تتكلمين معاي جني انا ماشتغل عندج انا مجرد طالبه ومن حقي انج تراعيني وتداريني

قالي ابوي خليها علي بسفل فيها قلت له لا في يدها تقريري اتصل بمسؤل التدريب بالجامعه وطلعت انها طالبه عنده وقالي مالها حق تكلمج جذي ومن اهي وانتي ماتشتغلين عندها يمكن انتي ماتداومين ومن جي تعاملج هلون قلت له مستعده اييب لك ارقام الجهات اللي رحت لها واسئلهم عن اخلاقي وحظوري قال عيل مالها حق تسوي شي قلت له تقريري بيدها قال ماعليج بطلب التقرير وبخاطبها وديا اذا مانفع بستعمل نفوذي وياها

بنات شوروا علي صح اللي سويته وشاسوي