هدية لأم زوجي

اشتريلها عبايه حرير مع عطر او دهن عود او بخور << يعني شي راقي

والله يقومها بالسلامه ان شاء الله

مشكورة حبيبتي على الرد بس هي ما تحب تلبس عباية حرير...

يعتمد على ذوقها .. اشتريلها شي تحبه
يعني تقدرين تشتريله طقم ذهب بسيط واكيد راح يعجبها

بالتوفيق

فكرة في موضوع الذهب بس عمي أبو زوجي قال بياخذلها.. ف موب حابة أكرر الهدايا..

هلا حبيبتي خديلها اي شي ناقصها في البيت وتحتاجو بيوفرلها وقت ومجهود زي جهاز او مكينه الخ بتفرح كثير منك

دهن عود راقي مثلا ..

او شي من ادوات المطبخ تحتاجة .. زي الكاتم مثلا

ممكن تاخذين لها جلابية و شيلات وملافع راقية مع نعال كرمج الله كلهم متناسقين وخليهم في صندوق خشبي مزين بالورد الطبيعي والقرآن الكريم
او غرض هي محتاجه له و انتي تعرفينه .. وغلفيه بطريقة حلووه ومميزه
------

ان شاء الله ما عليها شر و تقوم لكم بالسلامة

ممكن تشترين لها ذهب مضاااعد((اساور)) طقم مع هدية ابو زوجج

الأمهات يحبوون الذهب لهم اكثر شي

واذا تلبس ساعات فسااعه ماركه

مشكورات على الرد وإنشاء الله أستفيد من ردودكم...

عندج عود المميز (عود+مبخرة) من عند الرصاصي ب250 وريحه واااااااااااااايد تخبل..

اخذيلها جلابيه راقيه ...

ممكن اتغير كفر غرفتهم وهاي احلى فكره وطبقتها ونتيجه حلوه..

ممكن تسوين حفله او عزيمه باسمها مثلا توزيعات منج.. اطلبوا بوفيه من قوس قزح..

وان شاء الله تطلع بالسلامه يارب..

اخذي لها دهن عووود .. وعوود ومبخر

وجلابيتين دق كرستال .. وشيل..

وتقدرين تحطينهم ف صندوق اوو حطيهم في العربانه الجزاز..

و اذا ماتبين امممم

اشتري لها دلال وفناجيل وبيالات و يكون شي فخم << بس هاي احسها تناسب هديه للعيد

وان شالله اكون افدتج يالغلا ^_^

حبيبتي انا عجبتني فكرة الحفلة احسها غير
ويبي صندوق خشبي وزينيه مثل ما قالوا وحطي في جلابيات وعطور وبخور وبعد اشياء تحبهم انتي تعرفيه اكتر منا