نزلت كرامتى عشان عيالي؟؟

-


ادعيله اختي بالهدااايه

وان شاءلله عيالكم صغار مصيره يعقل ويرجعلك

بس اهم شي تخوفينه من الله اولا واخيرا

ثاني شي خوفيه من الامراض اللي تجي من هالعلاقات

وقوليله تخيل عيالك كبار ويسوون كذا بنات او اولاااد

وعطيه من هالقصص اللي يعتبر فيهااا

وانشاءالله اذا توكلتي بالله فالك يكون طيب

اقري على طوول صورة البقره واكثري الاستغفار

وقولي ادعية حفظ الزووج

والله يوفقك






-

الغاليه اذا ذليت روحج مو عيب ولا حرام هذا زوجج وبعدين شكلج تموتين فيه حبيبتى فى دعاء انا بعد كل صلاه اقوله واهم شى كثرى من الدعاء بعد صلاه الفجر وبعدين لا تتحسبين عليه باجر لو يستوى فيه شى انت بتزعلين عليه وبعدين انت تغارين من بنات الشوارع انت بنت ناس وانت ام العيال هى تذكرت ان ربيعتى كان زوجها مثل زوجج تعرفين شو سوت قامت تمثل عليه لم ينام بجنبها تقوم تصراخ وتصيح ولم يسالها زوجهاتقول ان حلمت فيه مسوى حادث مع واحده وبعدين خوفيه وهذا الدعاء
((اللهم انى اسألك باسمك الحبيب الكافى أن تكفيتى كل أمورى مع زوجى اللهم ألف بين قلبى وقلبه كما ألفت بين قلوب عبادك اللهم سخره لى كما سخرت البحر لموسى واجعلنى الزوجه الودوده وارزقنى ذريه صالحه منه واجعلنى ماء عينه ودم قلبه ودفى حياته واسعدنى ولا تشقني معه يا أرحم الراحمين

الله يفرج كربتك .. ويهدي زوجك .. ويصلح حالكم ..
كل انسان في هذي الحياه ماياخذ الا المقدر والمكتوب ..
اصبري واستغفري .. ماحبيت ادخل بدون رد ..

حبيبتي الغاليه
كان الله في عونك
اى شخص بيسمع الي سويتيه بيقول في البدايه اى ذليتي نفسك كثير
لكن لو يدقق ويعيش الموقف اكيد بيقول عنك انسانه عاقله وحكيمه وخايفه على بيتك
ومصلحتك .
تخيلي لو انك مااتصلتي وفعلا نفذ تهديده ورحل ايش بيكون وضعك قدام نفسك واهلك والناس؟
اكيد الي سويتيه هو الصح وعين العقل لملمتي بيتك وانقذتيه من خطر التفكك والضياع.
انتي حبيبتي حاولي هالفتره تتقربي من زوجك وتعلمينه انك تحبينه وصدقيني مهما طغى
ومهما قسى نهايته بيميل لك ويعرف قدرك.
تحياتي

الله يكون بعونك
برأيي انك ماكان لازم تتصلي فيه لأنه هو الغلطان واللي مقصر في حقك
وقتها كان لازم تتصلي بأبوه او ابوكي وهم يكلموه ويحطو حد لتصرفاته
انتي انسانه ولك حقوق ولك كرامه وانا ضد اللي يقول تنازلي وضحي
لأنك اذا تنازلتي مره معناها طول عمرك بتتنازلي
اعتذر اذا كلامي قاسي عليكي بس انقهرت عليكي واردت مصلحتك
ادعيلك انه ربي يهديلك زوجك

انااا مع ام عمووري

واللي تقول شنو بيكون موقفج جدام الناس.. الناس مالهم شغل فيج

واهلج عارفين الموضوووع والسبب عدل

واللي بيتفشل هووو مب انتي

وبصراحه انا بعد اشوفج ذليتي نفسج وايد

ريلي على عيني وعلى راسي واحبه

بس كلشي بحدود والكرامه فوق كل شي

الله يعينج

السلام عليكم والرحمة
زوجك ناشز في حكم الشرع والله أعلم وأنت تصرفك هو التصرف المزبوط لأن الرجل الناشز حق الزوجه تبعث حكم من أهله وحكم من أهلها
وبعدين يا أختي ليش تتكلمي من موقف ضعف لو كان سهراته فيه شرب وزنا أطرديه مرات يعديك بمرض جنسي ولو مش قدهاحسسيه أنك مش محتاجه ليه أنت بموقفك حيستمر في طغيانه ما قتلك تطلقي لا بس أعزلي نفسك عنه لحد ما يعرف قيمتك أحرميه منك من ودك وريه أن تصرفه يوطيه ويطيحه من عينك لو يبيك حيصلح نفسه ولو ما يبيك علي الاقل حددتي موقفك ياتصبري علي عيالك يا تطلقي
وأياك ثم إياااااااااااااااااااااااااك ولادك يحسو بشئ
وربي يخفف عنك والله لا يورينا اللي انت فيه

الله يهديه ويعطيك على قدنياتك

الله يهديه ويصلحه يااارب
اللي سويته مو غلط..لان عشان عيالج وربنا اعلم اللي فيج وعشان مارضيتي بأبغض الحلال(الطلاق)
ربنا راح يجازيج على صبرج
ويصلح زوجك ويجي يوم وياخذ عبرة ويتغير

بصراحة ما كان لازم تتصلي فيه لان هو الغلطان هو اللي يطلع ويسهر ويمقصر مع زوجتو
وفالاخير رجعك انتي الغلطانة وانتي اللي خبرتي عليه
كنتي صبرتي اشوي يوم يومين حتا اتشوفين ابيرجع ابروحه او لا ؟
فديك الساعة هو اللي كان بيتصل وبيعتظر منج
ليش انتي اللي يضحي ؟ ليش هو ما ايضحي ؟
ومادام ضحيتي وسكتي فدائما بتسكتين ولا بتقولين شي
اسفة حبيبتي والله قصيت عليج بكلامي بس .....الله يهيده ويسخره لج

حبيبتي الله يهديه بس ليش ما تجربين تستشيرين الدكتورة ناعمة الهاشمي تراها ساعدت ناس في حالاتج وأسوأ واللحين عايشين أحلى حياة نصيييييييييييييييييييحة جربي ما بتخسرين شيى

والله أختي انتي ما سويتي إلا عين العقل.....والحين ما بقى عليك إلا الدعاء وقيام الليل....مو قريتي قيام الليل تحسبين انك بتقومين الليل بطوله لأ قومي قبل الفجر بنص ساعة اقرئي قران واستغفري وصلي لك ركعتين واوتري وادعي ....وفي المنتدى ادعية كثير عن تسخير الزوج والله يصلحه لك يا رب ويسخره لك كتسخير العبد لسيده

الله يهدي زوجك يارب العالمين
انتي حاولي تجذبي زوجك لك بحركااااااات الرومانسيه ودلع والله العظيم ما يطلع با ذن الله

الله يهديه لك ولعياله :)

الي سويتيه صح وعين العقل لانج حاولي ادافعين عن حياتكم الزوجيه وتصلحين الامور علشان ماتتعقد ..

بعدين يالغلااا حطي شئ في بالج ،، الي يصير بينكم لا تخبرين احد مهما من يكووووووووووون ..

مرحبا00 انا رأيي انك سويتي الصح علشان عيالك00 واذا على الطلعات والسهرات هاذي مشكله تعاني منها اغلب المتزوجات00 ومع ذلك عايشات نصيحتي خلي هلمشكله للوقت مصيره يتغير00 ولاتعذبين نفسك وترهقينها علشانه خلاص عيشي حياتك واطلعي وسوي علاقات واذا هو ماذكرك من كيفه لاتحرقين نفسك عشانه 00 اهم شي لاتحرمين عيالك من انهم يعيشون بين امهم وابوهم00 ترى اذا ثقلتي حس هو بقيمتك00 خليها للوقت00 (تقبلي مروري)

اولا اشكركم كلكم يا بنات على تفاعلكم معاي وابي اعرفكم بشي ان هو مغرور بشكل فظيع واالله يعلم انا اشوفه باليوم 10 دقائق فقط لا غير لا يتغدى معاي ولا يتعشى معاي طول اليوم مع عيالي بروحنا انا اوديهم المجمعات انا اوديهم المطاعم وهو ما يطلعنا يجى البيت يبدل يتسبح ويطلع جاب لي المرض والهم حسبي الله عليه ما اعتقد ان في رجل نفس زوجى بتصرفاته رفاق السوء الله ياخذهم ويدردمهم ماخذينه منا حتى عيالي صايرين يتصلون فيه ويصيحون يقطعون القلب تعال طلعنا احنا كل في البيت متمللين يواعدهم ان يجى ويتبرزون وعقب يتأخر ويقول لا ما بجى اطلعكم تتوقعون شنو نفسية عيالي ، والله يعلم انا ذليت روحى واتصلت فيه عشان خاطر عيالي لا يتمون من غير اب ، لكن هو حقير سامحونى على هالكلمة احساس ما عنده طبعا جنس ما احصل منه بتاتا وانتو تعرفون موضوعي حاولت معاه ان يجلس معانا وان حرام هو يتأثم لأن ما يعاشرنى ولا يجلس معاي في البيت وان هو عايش حياة العزوبية مو حياة الازواج يرد يقول هاي حياتى ما اقدر استغنى عنها مو عاجبج نتطلق ......وعيالي اشلون اصرف عليهم وانا ما اشتغل حسبي الله ونعم الوكيل الله ياخذ حوبتى منه عاجلاً غير آجل على هالذل والعيشة اللي عايشته والله العظيم من الهم والصياح الضغط عندى يرتفع ويصيدنى عوار راس فظيع هو ما يبي احد يعرف عن طلعاته وحركاته وان ما يعاشرنى انزين الى متى انا قلت لأهله مو لأحد غريب يعنى انا غلطانه......

اذا ظهر من البيت بعدين قلبه بيثقل على عياله وعلي وانا ما ابي هالشي يصير ليحين عيالي صغار ذايبة ذايبة من الهم والقهر يمهل ولا يهمل يمهل ولا يهمل دخيلكم بنات اذا عندكم ادعية لهداية الزوج طرشوا لي وادعوا لي بصلاتكم ان الله يهديه ويرد لعقله وبيته ويفتح عينه علي....

الله يهديه ويسخره لكم =(