ساعدوني في مشكلة زوجت اخي لاتحرمونا من ارائكم

مادري كيف ابدا معاكم بس اقولكم زوجت اخي في مشكله تبي الحل منكم لانها طفشت من زوجها لدرجة انها تدعي عليه ليل ونهار اقولها ادعيله واصبري تقول اناطفشت منه ماذقتو المر الي انا ذقته مشكلتها ان زوجها مايصلي يسمع اغاني ليل ونهار على افلام والظاهر انه يشرب المسكرات جالس وحده في غرفة عند التلفزيون والكمبيوتر اربع وعشرين ساعة والله العظيم لو شبت حريق في البيت مادرى اهمل بيته وزوجته وعياله تخيلو لدرجة اهماله ان عنده اثنين اولاد واحد هذي السنه بيدخل المدرسة واحد عمره اربع سنوات ماطهرهم يعني مادخلهم السنه بيذبحهم من الجوع يقول ماعندي فلوس الراتب كله لديانه للعلم ان راتبه تسعة الاف وبيته ملك ابويه اعطاه الله يخليه ويحفظه والله بس الناس يتحسنون عليهم يقولون حلتهم تقطع القلب الله يجزاهم الخير لاوبعد مقاطع اخوانه وجماعته الصراحة كرهوه جماعته يعتبرونه ميت وحاكر عياله في شقه لايخرجهم يمشيهم شوي ولايخليهم يسيرون وذلحين تقولون وين اهله واهلها الصراحة اهله عجزو منه ينصحونه يقلهم مالكم صلاح فيه هذولا عيالي اهله يعتبرونه ميت يقولون مالنا ولد واهلها تروح عندهم يرجعونها يقلون ولد عمك وسيرة الطلاق هذي مشكله وعلى فكرة مايتقبل النصيحه مستحيل وسبع المستحيلات انه يسمعها لاتجي معه لاالقوة ولاالهداوه عاد انا لقيت حل يمكن ينفع معه هو صح اني بكذب عليه كذبه بس مو اي كذبه لاكن شسوي ماينفع معه الاكذا وانا بقلكم وانتم وشرايكم واعطوني رايكم الله يخليكم لاتخلون المسكينه زوجته قلت ابرسله مسج بالجوال واقلة اناحلمت فيك حلم مره مو زين واجبله اي حلم يخرع واقلة وديت الحلم عند شيخ ويقول انك بتموت ولازم تتوب قبل مايجيك الموت ها وشرايكم والله انكم لوتعرفونه لكان عذرتموني في هذي الكذبة وانا ادري انه حرام الكذب في الحلم لاكن العين بصيره واليد قصيره ويش اسوي كله علشان زوجته وعياله المساكين وابغاكم تعطوني نصيحه مؤثرة جدا جدا جدا عشان ارسلها مع الحلم واعذروني على الاطاله وسامحوني اذا طفشتكم من المشكلة وساعدونا الله يوفقكم دنيا واخرة الله يجزيكم الجنة:confused: نسيت اقلكم شئ انه ماكان كذا كان زي العسل لاكن هذا رفقاء السؤ الله لايبارك فيهم انشاء الله واحذرو من رفقاء السؤ الله يكفينا شرهم