ردودكم حياه او موت

هى ماهى قصه ولا حدوته هذه حقيقه لى اخت وصديقه احبها والله اكتر من اختى وهى عارفه انى منتسبه لمنتدى عروس وعارفه ان فيه قسم للمشاكل والحلول طلبت منى اعرض قصتها لان امورها فى وضع متعثر وردودكم عليها ممكن تحل مشكلتها المهم قصتها هى
هى متزوجه ولديها اولاد ومتزوجه جوزها عن قصه حب المهم اتجوزوا لكن طبع جوزها الخيانه والكذب استحملته كتير واستحملت اهاناته وعلاقاته على اساس نزوات وفى يوم من الايام اكتشفت انه متزوج من امراه غير الجنسيه وعندها حوالى 50 سنه وهو عمره 30 وعمر زوجته 22 المهم بعد ما اكتشفت تركت البيت والمهم صحبتى دى مومنه اوى بحكم ربنا وقضاءه قعدت تصلى وتدعى ربنا وتستحلفه ان يظهر لها زوجها المهم كان تاثير ربنا على زوجها بعد زواجه من اخرى ترك عمله وقعد بالبيت بدون عمل لمده ثلاث سنوات من غضب ربنا عليه استحملت صديقتى معاه كتير الا انه وعدها انه انفصل عن السيده الاخرى ولكنها لم تسامحه صديقتى ومرت الايام وجاله عقد عمل برا بلدهم وسافر وفضل تدعيله ان ربنا يكرمه عشان اولادهم وخصوصا انهم 4 اطفال وقالت يمكن ربنا هداه وتدعى ان ربنا يفرجها عليه وبقاله على سفره سنتان بينزل لهم اجازات وعلاقته بصديقتى كويسه ومش بيبخل عليهم فى شى المهم دبرت امورها هى وزوجها لاخذ شقه لان شقتهم ايجار وفعلا اشتروها بالتقسيط لكن اخذ جزء كبير من مقدم الشقه من اهلها لاكمال ثمن الشقه وبيسدد فى المبلغ براحته المهم فوجات صديقتى ان جوزها باعت لها موبيل مستعمل بتاعه وهى بتقلب فيه لقت حروف متسجله على اسم شكت فيه من اللحظه الاولى وبالفعل زهبت للرسايل لقت كلام حب وغرام من سيده فى البلد الى جوز صديقتى شغال فيها ولقيت جوزها باعت رساله لنفس السيده بيقلها انتى فييين طمنينى عليكى شكت اكتر اتصلت بالرقم من تليفون ابنها ووجدت سيده ردت عليها وعرفت بالصدفه انها مطلقه وانها بنفس البلد الى يوجد فيها زوج صديقتى المهم دلوقتى جوزها نازل لصديقتى اجازه لمده 10 ايام قال ايه يقعد مع ولاده ويشبع منهم المفروض رد صديقتى تعمل ايه تواجهه قبل ما يجى ولا تعمل ايه والفلوس الى زوجها مديون بيها لاهلها تعمل ايه هى خايفه تحكى لاهلها على الى شافته فى موبيل زوجها القديم يثوروا عليها بالله عليكم جوزها جاى كمان اسبوع تعمل ايه وتقابله هى واولادها ازاى ياحبيبتى كانت طايره لما عرفت انه جاى بس لما عرفت ببلاويه قاعده تنزف وما قادره تتحرك ولا تراعى حتى ولادها