تجربتي مع الولاده في المستشفى الامريكي

السلام عليكم ورحمه الله وبركاته
:BOUNCE8:
شلونكم يا بنات وشخبار الحمل معاكم
:21_95:
حبيت انقل تجربتي البسيطه في الولاده لكل الي سأل عن المستشفى الامريكي

اول شي بدأ فيني الالم على الساعه 8 العشاء وقلت اذا الم طلق بخليه يزيد شوي وبعدين باروح المستشفى وبالفعل الم زاد الي الساعه 1 الفجر واللم شديد وقلت باروح انا ماتوقعت الم الطلق جذي :cry:
( مانبي انخرع البكريات خخخخخخخ)
وحسيت الطريق طووووووووووووووووووويل من الرفاع الي الامريكي :drive1:
وصلت المستشفى وانا في حاله ودخلوني على طول الغرفه الVIP لان انا مختارتها من قبل قتلهم ابي ابره الظهر علشان اسهل الولاده وقبلها قالت لي الدكتوره الكا اذا تبين ابره الظهر لازم تاخذين موعد عن طبيب التخدير اشوفك قلت انا بعد شله اروح له ماله سالفه ( على كيفي خخخخخخ:think:)
وماتدرون ان وانا في حاله من الام اقولهم ابي ابره الظهر لتقولي الدكتوره لبنى لاااااااا:mad2: بقيت اذبحها قتلها ليش قالت لان ابره الظهر لازم يبيلها حجز واشوفك الدكتوره واقيم حالتك وبعدين اييج حق الولاده الحين بس بنعطيج المهدئات العاديه
والله حسيت اني باموت يوم قالت لي قعدت افكر اذا 3 سانتي وانا في عالم عيل 7 8 9 10 شلون
ومعا الوقت الدكتوره حست ان الياهل وايد تعبان ودقاته كلش تضعف الصراحه كنت خايفه منها حسيتها ماتفهم لكن اثبتت لي شي ثاني
والساعه 5 الفجر قالت الحين الحين قيصريه :pain:
وللعلم انا مسويه ولادتي الاولى قيصريه لان نفس المشكله البيبي يتعب مع الطلق
قتلها من بسوي العمليه لتقول انا قتلها محد معاج طالعتني لتقولي انا توني مسويه قيصريتين روحي سأليهم قتلها لا بس كنت اتوقع بتتصلون على الدكتوره الكا قالت الكا امس على الكول اليوم انا وطلعت من غرفتي بس شكلها متنرفز
ودخلوني العمليات وانا انتفض من مكاني كلشي فيني يرجف والم الطلق للحين فيني وحسيت اني باموت
وبسون لي بنج نصفي وقعدوني وانا منثنيه علشان اطق الابره مالت البنج ياني طلق وماقدرت اتحمل الاول القعده الي اقعدونج اياها والثاني الابره في ظهري والثالث الطلق وغير الرجفه الي ماوقفت بس الحمدالله ثواني وتبنجت وبتدت العمليه وطلعو ولدي وكان ازززززززززرق كان الحبل السري معقود على ارقبته وطلعوه وكملت العمليه والصج كنت وايد مرتاحه وماتوقعت الدكتوره لبنى تفهم يوم خلصت العمليه وبشيلوني من السرير ياتني وقالت لي ليش ماكنتي تبين اسوي لج العمليه:21_184:
انا توهقت قلت وعليه حطت في خاطرها :sm215:
قتلها لا لان شكلج صغير وخفت ماعندج خبره
لتقولي انا شكلي صغير قلت اشوه استانست
قتلها اي شكلج في العشرين وخفت انج يديده
ومسكينه استانست يوم قتلها في العشرين :ongue:
والصراحه عقبها كلشي ممتاز وكانت صحتي احسن بواااااايد من عمليتي الاولى في التخصصي والسبب ان في التخصصي سولي بنجين نصفي وماتبنجت وبعدين كامل وطلعت وانا وااااااااااااااااااااااااااااااااااااااااااااااااااااايد تعبانه
بس في الامريكي ارتحت وايد صج نظامهم وايد قديم على قولت امي نفس مستشفيات الهند لان امي مسويه لوزها في الهند هههههههههههه :poster_vt:
بس النرسات وايد حلوين ودفعت 20 دينار في اليوم علشان اخلون البيبي في الحضانه لان النظام الجديد اخلون البيبي عندج وانا ماقدر اخليه وانا قيصريه ومحد ببات معاي فصعبه اشيله واحطه
واذا رحتو هناك طلبو برياني خخخخخخخخخخخخخخخخ
وايد حلو طبعا انا ماكليته الا اخر يوم لان الايام الي قبل ماكانت لي نفس اكل واخر يوم الغدا خذيت برياني وايد عجبني :poster_oops:
ونسيت شغله انا ولدي صاده بصفار وهذي الشي عادي لكن ياني دكتور هندي ما اعرف اسمه هذي مب شاطر وايد في دكتوره اطفال هنديه عيووووووز وايد شاطره واعجبتني
وللعلم بعد لما ترقدت كل يوم الصبح دكتوره يديده اتيني والصج كلهم زينين وحجيهم زين وافهمون وانا طبعي وسواسيه اسأل عن الدجاجه من جابها والبيضه من باضها خخخخخخخخخخخخخخخ:B_wink:

لكن الحمدالله مرت الولاده على خير كنت افكر فيها من قبل لا احمل وكنت حاطه امل اني اولد طبيعي خصوصا ان الاولى قيصريه لكن قدر الله وماشاء فعل
انشاء الله تجربتي سهله وخفيفه وتشجعكم تجربون الامريكي
والسلام عليكم ورحمه الله وبركاته