شخباركم؟
اليوم راح أنزل لكم أول طلعة لي لمطعم بسيارتي الخاصة ومفتاحي الحلو
لكن للأسف الشديد ما وصلت للمطعم رحت مخفر الشرطة
بسبب تيلر سعودي دعم سيارتي وهو الغلطان ميل على السيد اللي أنا فيه
بس الحمدالله أنا ما صار لي شي
بس السيارة تعورت:(
طيب نكمل موضوعنا الأساسي
أول شي لبست هذا اللبس
هذا فستان شاريته من السعودية منقش بورود وردية
لبست معاه فانيلة وردية
وبانطلون أسود
أحين نجي للميك آب
أول شي حطيت بودرة فير قولد نسيت أصورها سووري
وعقبها حطيب بودرة ماكس فاكس الحرة وزعتها على وجهي كله
بعدين أخذت هذي الفرشاة لتوزيع الآي شدو
أول شي خديت اللون الوردي الفاتح وزعته ع الجفن المتحرك كله
بعدين أخذت اللون الوردي الغامق وحطيته فوق اللون الوردي الفاتح ودمجتهم مع بعض
بعدين أخذت اللون الأسود وحطيته ع نهاية العين
وطلعته شوي لبرى
بعدين أخذت الكحل الأسود أول واحد في الصورة
حددت فيه عيني بطريقة حلوة ومرتبه
وبس ما حطيت كحل اسود داخل عيني لاني ابي اللوك يكون ناعم
بعدين أخذت هذا الروج ماركة مس روز
فيه محدد وقلوس
اول شي حددت شفايفي بالمحدد وتالي حطيت لقلوس على شفايفي
لان جد التحديد يطلع الشفاايف روعة ومرتبه
يمنع اضافة الصور الشخصية
وهذا كان شكل العين النهائي
لبست هذي الساعة
ولبست هذيلا الخواتم
الوردي شاريته من السعودية صراحة الأكسسوارات بالسعودية فظيعة
والثاني ماخذته من معرض الخريف اللي صار عندنا وليومكم هذا ما اتغير لونه يعني سعره مستاهل
وهذا الحلق شاريته بعد من السعودية
لبسته بس جذي لزوم الكشخة بس اهو اوردي ما راح يبان
لاني لابسه الشيلة
وتعطرت من هالعطر أسمه beautey of 16
هالعطر ما يفارق الشنطة جد ريحته مرة تجنن
لما تحطين لج منه تظل ريحته مدة وتمشين و ريحة العطر تسحب وراج
تعطرين المكان يعني
وبس أتمنى اللوك عجبكم
وحبيتوه
اللي يعجبها موضوعي تقيمني
وتدعي لي الله ينجحني ويسر لي أمور دراستي