ساعدوني بتخطيط شقتي :)

مبرووووووووووووك يل كيتى والله فرحتلك اوى
اصل دايما افتكر كلمتك انك بتتجوزى بالتقسيط المريح هههههههههههههههههههههه
ربنا يتمملك على خير يارب
بصى
اللى مساحتها 4.25و3.40دى خليها اوضة النوم لانها اكبر اوضه

الاوضة اللى جوا خالص دى دى خليها ليفينج عشان لما مثلا اصحاب خطيبك او اى حد جه وانتى مش هتطلعى بره تبقى اعده فيها برحتك وكمان لانو مستقبلا ان شاء الله لما تجيبى كتاكيت كده ههههههههههه هيخلوهالك فلة من اللعب فتبقى جوا افضل

التالته بقى تبقى اوضة الاطفال ان شاء الله

المطبخ بقى انا من عشاق المطابخ الامريكان بس انتى مش تفتحيه على الريسبشن
افتحى الحيطه اللى جمب الباب اللى هى على الطرقه عشان مش تبقى مكشوفة لو حد عندك وتبقى برحتك واعمليها طوب حرارى بجد بيبقى حلو جدااا ولما تفتحى الحيطة استغليها من تحت بقى واعملى فيها مطبخ كده هتكوزنى استغليتى كل حته
ولو حابه تفتحىى الحيطه بتاعة الريسبشن يبقى مش كلها اعملى زى شباك كده فى نص الحيطه واعمليه بردو بطوب حرارى وتقفليه بالوميتال بحيث يكون حد عندك تقفليه وتبقى حره جوا ولو عاوزه تفتحيه تبقى تفتحيه بردو برحتك

يارب تعجبك الافكار
واى خدمه انا بحب الديكور جداااااااااااااااااا
اى الوان اى تنسيق قولى وانا فى الخدمه

ميرسي اوي يافلووووووور
هههههههههههههههه على رايك ياستي بالتقسيط المريح ...ربنا يسهل يارب
افكارك جميلة خالص بس هقولك حاجه...اودة النوم قريبة اوي من الباب دي حساها صعبه اوي
انا كان ف دماغي ان الاودة الي جوه خالص دي اودة النوم
والي جنب المطبخ اودة اطفال
والي بره خالص دي تبقى ليفنج ومكتبة وكدا

وبما انك خبرة بقى هههههههههههههه قوليلي ف المطبخ والحمام احط الحاجات فين
يعني البانيو والحوض والتواليت
والغسالة والحوض وغسالة الاطباق
عشان توصيلات المية وكدا :)

وميرسي ليكي تاني ....كفايه انك الوحيده الي رديتي :)
وعلى فكرة انا بحبك خالص بحسك عسولة وخدومة كدا

هو الموضوع عويص اوي كدا :)

kitty_kity;9629643:
ازيكم يابنات عاملين ايه
انا دلوقت المفروض اني احدد كل حاجه هتتحط فين ف الشقه...بالذات الحمام والمطبخ عشان توصيلات الكهربا والمية وكدا

ياريت تساعدوني ف تحديد الاماكن
ده بلان الشقه شوفوه وقولولي رأيكم







وكنت بردو بدور على فكرة لتوسيع المطبخ
وحاليا بفكر اعمله مفتوح على الريسبشن
ولا اسيبه؟؟؟
وياريت لو في افكار كويسة لاستغلال مساحة المطبخ حتى اخر قطرة :D

الف مبروك يا كيتي بجد فرحنالك اوى ربنا يتمملك بخير ان شاء الله و تتجوزى في المعاد و نفرح بيكي
بصي يا ستي الاوضه اللي بره دي خليها ليفنج لانها لو نوم هتكون مكشوفه اوى
و النوم الرئيسيه خليها اللي جوة خالص دي و التانيه اوضه الاطفال
المطبخ من راي بلاش تعمليه مفتوح لانه مش عملي مع طريقه اكلنا و الروايح بتكون معبئه الشقه و مش بتبقي حلوة ممكن بس تعملي في الحيطه اللي علي الريسبشن دي شباك كبير برخامه كبيره و تقفليه بالموتال بحيث انك منها لما تحبي تفتحيه هيبقي شكل الامريكن و في نفس الوقت و انتى بتطبخي تقدري تقفليه عشان الريحه و ممكن من بره تجيبي كرسيين اللي هما زى بتوع البار كده الطوال دول و تحطيهم هيبقوا حلوين اوى
الحمام بقي الكبير
هطي التواليت في الحيطه اللي في وش الباب و جمبه غساله الهدوم و البانيو يكون في الحيطه اللي علي اليمين و الحوض في الحيطه اللي بيفتح عليها الباب
الحمام التانى
ممكن بلاش فيه بانيو او تجيبي بانيو قدم و تعمليله تقفيله اللي هي بتبقي كلها ازاز دي بيكون شكلها حلو اوى و التواليت برده في وش الباب و الحوض في الحيطه بتاعت الباب
المطبخ بقي خلي الحوض و غساله الاطباق علي الحيطه بتاعت المنور

سويتي رونا ميرسي ليكي اويييييييييي
انا فعلا مش ناوية اعمل بانيو ف الحمام الصغير لان مالوش لازمه
احنا هنبقى ف الاول اتنين بس :)

وفعلا معاكي حق الحوض وغسالة الاطباق يبقوا ف الحيطة الي جنب المنور
بس غسالة الهدوم احطها ف الحمام ولا ف المطبخ؟؟؟ متهيالي بلاش المطبخ لانه صغير اصلا مش ناقص :(

kitty_kity;9631923:
سويتي رونا ميرسي ليكي اويييييييييي
انا فعلا مش ناوية اعمل بانيو ف الحمام الصغير لان مالوش لازمه
احنا هنبقى ف الاول اتنين بس :)

وفعلا معاكي حق الحوض وغسالة الاطباق يبقوا ف الحيطة الي جنب المنور
بس غسالة الهدوم احطها ف الحمام ولا ف المطبخ؟؟؟ متهيالي بلاش المطبخ لانه صغير اصلا مش ناقص :(

انا كمان من راي بلاش في المطبخ خليها في الحمام احسن عشان متزنقيش المطبخ و في نفس الوق انك عندك الحمام مساحته حلو فمش هتديقه او حاجه
و بعدين بصراحه انا حاسه ان المطبخ كفايه عليه التلاجه و البوتجاز و غساله الاطباق
و ممكن غساله الهدوم تحطيها جمب البانيو لان كده او كده الحته دي مش مستغله
و كمان من راي بلاش تجيبي التلاجه البابين لانها هتاخد عندك مساحه كبيره و كمان اصلا هي من جوه تحسي مكان التلاجه بتاعها صغير اوى مش زى التلاجات العاديه

شكرا اوي ليكي ياسويتي
انا اساسا لما اتفرجت عليها انا وخطيبي هو عجبته الي بردو كانت 26 قدم بس بابين فوق بعض..يعني هي عرييضه كدا ومش متقسمه من جوه
وكانت ال جي تقريبا
خلاص ابقى اشوف كدا...ربنا يسهل
طب ممكن تقوليلي بالنسبه لفرش الاوض رايك يبقى ازاي
كل حاجه مكانها ايه يعني

مبروووووووووك اختي ايه رأيك تعملي غرفة غسيل صغيرة او مخزن علشان هناك تكون المكنسة وهالشغلات واهم شي غرفة النوم بعيدة عن الباب

اه انا عارفه التلاجه دي و شكلها حلو جدا و جميله من جوة

بصي بقي يا ستى
الريسبشن
حطي الكنبه بتاعت الصالون او الانتريه في الحيطه اللي في الوش اللي فيها الشباك و الكراسي يبقي كل اتنين على جمب او كنبه اتنين من ناحيه و قصادها 2 فوتيه
و السفره البوفيه يكون على الحيطه بتاعت الطرقه و السفره نفسها تبقي بالعرض قدامه و الناحيه التانيه تحطي النيش بس ميبقاش في وشها اوى يبقي على جمب شويه عشان ميزنقش المكان معاكي او تحطي النيش جمب البوفيه بس يكون جمبه من ناحيه الصلون مش من الناحيه التانيه
الليفنج تحطي المكتبه بتاعت التلفزيون في الحيطه اللي الباب بيفتح عليها و قدامه كنبه تلاته و على الشمال كنبه اتنين و فوتيه او اتنين على الحيطه التانيه بس انا من راي يكون فوتيه واحد بس كفايه
النوم الرئيسيه بقي السرير يكون في الحيطه بتاعت الحمام و جمبه الكوميدينو و الدولاب يكون في وشه و التسريحه في الحيطه بتاعت الباب

kitty_kity;9629643:
ازيكم يابنات عاملين ايه
انا دلوقت المفروض اني احدد كل حاجه هتتحط فين ف الشقه...بالذات الحمام والمطبخ عشان توصيلات الكهربا والمية وكدا

ياريت تساعدوني ف تحديد الاماكن
ده بلان الشقه شوفوه وقولولي رأيكم








وكنت بردو بدور على فكرة لتوسيع المطبخ
وحاليا بفكر اعمله مفتوح على الريسبشن
ولا اسيبه؟؟؟
وياريت لو في افكار كويسة لاستغلال مساحة المطبخ حتى اخر قطرة :D

اولا الف مليون مبروك يا كيتى والله فرحتلك موووووووووووووووووووووووووووت
ثانيا بصى انا عاجبنى تخطيتط للشقة يعنى فعلا اول لما تدخلى الييفنج هتبقى حلوة اوى خصوصا انها جمب الباب وجمب المطبخ يعنى محدش هيكشف الشقة ولا تحركاتك لو فى ناس عند جوزك ان شاء الله وجمب المطبخ انك تقدمى الاحجة بسهولة برضة
بصى بقى تحطى الحاجات فين انا المطبخ مش عارفة هو عريض ولا طويل ولا ايه بس عمتا لو عندك شباك حطى تحته البوتجاز او هقولك رسمة مطبخ صاحبة مما مقفلاه خشب من اوله لاخره هو تقريبا نفس شكل مطبخك
انتى اول لما تدخلى من الباب على ايديك اليمين عاملى تقفيلة خشب ارفف كدة حطه عليها اكسسورات للمطبخ وبعدين التلاجة على طول بس وخده كيرف كدة وبعدين مقفلة بقى ضلفة فوق وواحدة تحت وبعدين الحوض وتحته تقفيلة سلة المهملات وفوقه تقفيلة المطبيقة والحوض عنين وحطة فوقه على طول البتاعة بتاعة سائل التنضيف اللى عاملة زة علب الشامبو دى وبعدين عاملة رف تانى فو قواخد كيرف وزية بالظبط تحت وبعدين فى الوش الشباك وتحته البوتجاز وبعدين جمبه من ناحية الشمال حاطة قطعة برضة واخده كيرف فوق وتحت وبعدين تقفيلة بقى لحد الباب تانى من ناحية الشمال
يارب اكون قدرت افهمك تقسيمة الحاجت والمطبخ واكون افادتك انتى بقى ممكن تحط فى الناحية دى اللى هى الشمال الغسالة بتاعة الاطباق او اى حاجة تانية
وبالنسبة لحتة اوبن كيتشن ياريت بلاش احنا طبيخنا واكلنا مينفعش معاه خالص الزيت والتسبيك معرفش بحسه انه لو برة يبقى احسن او لو انتى كان عندك طرقة مثلا المطبخ فيها كان ممكن تعمليه على الاوض مفتوح على الاوض زى فكرة روح القبطان كان هيبقى ممكن حلو
ربنا معاكى يارب واى حاجة انا موجدة

بصي يا كيتي خليكي فعلا الاوضه اللي جوه هي النوم واعتقد ده احسن ترتيب ليها
بس عايزه اسأل سؤال مهم اوضه النوم مافيهاش شباك يا كيتي؟
اعتقد ان المفروض يبقي فيها شباك زي ما انا حاطه في الرسم


في حاجه كمان انا عدلت في الاوض لاني عارفه ان شقتك ع الطوب بس السؤال لو عدلتي الريسبشن كده يا تري هتقدري تفتحي شباك فيه؟ والا هيبقي مافيهوش تهويه لان من اهم مواصفات الشقه الصحيه انها تبقي بيدخلها هوا وشمس



ده المطبخ والمفروض هتحطي دواليب المطبخ فوق الرخامه اللي فيها دواليب المطبخ والتلاجه وممكن فوق الحوض بس يفضل تسيبيه فاضي
وعلي فكره مطبخك نفس مقاس مطبخي بس انا صممت بتاعي بشكل مختلف عشان الباب والشباك مكانهم مختلف



اما الحمام بقي


انا افترضت ان شباك المنور هنا




ليا رأيين يا كيتي ممكن تسغني عن البانيو الزاويه او العادي وتسخدمي قدم وتقفليه ازاز حواليه
وكمان انا شايفه سوري ان غساله الاطباق مالهاش اي لازمه لانك كده كده بتنضفي الاطباق قبلها
ويارب اكون افدتك

دي افكار ممكن تفيدك



























يارب تتوفقي ان شاء الله ولو بردو احتاجتي حاجه انا معاكي

شكرا ليكم اوي يابناااااااات
ميرسي ياسويتي تعبتك معايا ياقمر

ايسمار...هو طبعا ياريت اعمل غرفة غسيل بس فييين؟؟

غدغووووودة الف شكر ليكي ياقمر انا يعني فهمت بس مش اوي هههههههههه بس ميرسي وعقبالك يااااااااارب

حبيبة حبيبي
هو اكيد طبعا في شبابيك والريسبشن له بلكونه بس انا بما اني معرفش مكانهم لاني ماشفتش الشقه ولا مرة فمش قادرة اقول يعني ههههههههههههههه
بس ماشاء الله افكارك جميله

لو المطبخ تكون فيه بلكونة تكون غرفة غسيل بحيث تكون مغلقة حتى لو من زجاج الجزء الاعلى او المنيوم انا مش متخيلة الا لما اشوف بعيني ربنا يبارك ليكوا

ميرسي ياايسمار وشكرا لاهتماااامك :)

هو ليه الحمامين جنب بعض

ظروفهم كدا يالولو ههههههههههههههههه والله ماعرف

عايزة اعرف الاحسن افتح اودة الليفنج دي ع الريسبشن ولا لا
بابا بيقولي افتحيها واعملي الريسبشن كله ارضيته لون واحد وفيه لمعه...بحيث تديكي وسع جامد مع الاضاءة وكدا
قولولي رايكم ضرووووووووري لان احتمال اروح بكره ان شاء الله اقول لراجل