اليوم سويت حلو بعد الغدا و حبيت اشارككم فيه ,
طبعا كنت مسويته من قبل ب الجالكسي و هالمرة غيرت حطيت نوتيلا .. طلع حلو
بس مو مثل لذة الجالكسي طبعا .. الجالكسي احلى منه بوااااااااااااايد :15:
جربوه بالجالكسي اينن ..
المهم ..
نبدا المقادير
نوتيلا ( و يفضل جالكسي تذوبينه مع قيمر )
3 و نص أو 4 بسكوت المطاحن
1 نستله كبير
1 زبدة
( شوفوا .. يفضل تسوون العجينه نصين .. يعني مقدارين عشان تسوونه دوائر صغار للتقديم
بس انا مستعيله ف سويت كله مرة وحده لوول :tongue: )
نبدا بالطريقة :-
1- طحني البسكوووت و خلطي وياه النستله و الزبده (بعد ما تذوبينها) الى ان تصير عندج عجينه. (طبعا مو تحطين البسكوت كله ,, لا حطي شوي منه و صبي عليه كل الزبده و النستله و زيدي البسكوت شوي شوي الى ان تحسين تماسكت العجينه )
2- فردي العجينه على قصدير مدهون بزيت (لمنع الالتصاق)
و طبعا رتبي الاطراف بالسكين.
3- مسحي الككاو على العجين
4- لفيها على شكل رول و حطيها ب صينيه و دخليها الفريزر
5- اذا تيمدت ( جمدت) طلعيها و قصصيها دوائر
* بالهناء و الشفاء *
* كل الحقوق محفوظه ل منتديات عروس *
و اتمنى لو تم نقله يذكر المصدر
( ان شالله بسويلكم شكله و هو صغار احلى ) :)