سؤال اللي تجوبني عليه والله العظيم ادعي لها

هلا حبوبتي
انا ماعندي خبرة كبيرة
بس اللي مريت به مع بنوووتي
اكتشفت انه عيال هالزمن شيبان وعجاايز
ومايقعدون بدري
لا تحاتين دامه يلعب ونشيط وينتبه على الاصوات والالون ويعرفج خلاص عديه شي طبيعي وهذا احنا في شات امهات قطر اشوف كل وحدة ولدها كمل السنة وبعدهم ما خطوووا ..
فالشي عادي واذا تحاتين انطري عليه شهر وودي عند دكتور اطفال احتياط بس
مثلا انا بنتي ما سننت الا عالتسع شهور كملتهم وعقب طلع اول سن لها وغيرها اصغر سننوا قبلها ..عادي يختلف من طفل للثاني

والله يخليه لج وتفرحين فيه وبخوانه وخواته

حبيبتي لا تخافين عادي انا على ما جفت من عيال العائلة ما يقعدون الا متأخرين يعني بنت خالتي ولدها ما قعد الا بنهاية الثامن وانتي حاولي كلا تقعدينة وتسندية بشي عشان يتعود ويصلب روحة

عااادي الاطفال قدرات ويفرق من طفل لاخر بس اهم شي تحاولي تجلسيه بين رجليك بدون مايستند علشان يتعود يجلس زين وحطي له لعبة يلعب فيها وجلسيه في كرتون حطي له لحاف صغير علشان يتماسك وترى الاطفال يحبوا يلعبوا فيه بس بمراقبتك ومايكون كرتون حاد وربي يبلغك فيه

طبيعي وكل طفل يختلف عن غيره

الله يا أختى أنا ما عندى خبره بس بيتهيأ لى أنه عادى عشان ابن واحده صاحبتى ابنها قعد على 8 شهور بس سنن على الشهر السادس أو السابع و بعد كده قعد عادى خالص. لكن واحده صاحبتى تانيه ابنها على 8 شهور و لم يجلس و مسننش و راحت بيه على الدكتور و قالها ان ابنها ضعيف و كان محتاج مقويات و الله مش عارفه حاله ابنك من انه نوع و لذلك انصحك انك تذهبى بيه على الدكتور عشان تطمنى عليه. و ده كل اللى عندى بمنتهى الامانه

أرجوكى ادعيلى بالزوج الصالح

ماله داعي الخوف و القلق لانه امر طبيعي في هالسن

في عيال لعمر ولدك و مايحبون حتى بس مره وحده يمشون

تقدرين تساعدينه انك تحاولين تخلينه يجلس بروحه بدون مسند طبعا تكوني جنبه عشان تلحقين عليه لايطيح

هو رد فعله يبي يحمي نفسه منالسقوط مره و مرتين و بيعرف شلون يصلب عمره

الله يبلغك فيه و تشوفينه معرس :)

هذا طبيعي لا تخافين وبالذات الاولاد يتاخرون بكل شي حتى بالنطق والمشي ....لا تنسين تدعين لي بالشفاء فقط هههههههههه

عااااادي خيتو لاتخافين ولا تحاتين
بكره تتعبين من الركض وراه ان شاء الله

عاااااادي فيه ناس عيالهم تحبي قبل لاتجلس ان شالله لما يصير عمره 9 شهور بيجلس الله يخليه لك يارب

حبيبتى عادى انا كنت زيك وخفت على بناتى بس الحمدلله قعدو بنص تسع شهور والمشى برده اتاخرو ممكن الاطفال قدرات انا مثلا بناتى توام واحدة مشت سنة والتانية سنة وشهرين ماتقلقيش حبيبتى

اختي عادي لاتحاتي الاطفال قدرات ولا تقارني طفلك باطفال ثانييين ولا تتاثري بكلام اللي حولك اللي

يقارنوا ويسالوا ما جلس مامشى ماتكلم اهم شي تحسي حركتة وسمعة وملاحظته اوكي خلاص

ان شاء الله بتشوفي يجلس ويمشي والله يوفقة وتشوفية معرس

كل الحاصل ان في اطفال يتأخرو .. مش كلهم واحد ..
والان ابنك جالس يتعلم يعني بعد فترة يمكن اقل من شهر خلاص بيكون اتمكن ..
لا تقلقي ابنك ما اتأخر كثير .. انا ممكن اقولك ان في مشكلة لو مثلا عدة السنة وهو لسه ما جلس

ويمكن يكون انتي ما بدأتي معاه بدري ... يعني المفروض من بداية الخامس تبدأي تعلميه يجلس على كرتون او على زاوية الكرسي ..

ما عليه شر ..

هلا مافي داعي للقلق هذا شي طبيعي بنتي بدات تجلس وهي 9 اشهر

عااادي الاطفال قدرات ويفرق من طفل لاخر بس اهم شي تحاولي تجلسيه بين رجليك بدون مايستند علشان يتعود يجلس زين وحطي له لعبة يلعب فيها وجلسيه في كرتون حطي له لحاف صغير علشان يتماسك وترى الاطفال يحبوا يلعبوا فيه بس بمراقبتك ومايكون كرتون حاد وربي يبلغك فيه

عادي للحين صغير وكل طفل ومقدرته بس لالالازم اتنوميه على بطنه وهو مو نايم طبعا لان النوم على البطن يقوي الرقبة والعمود الفقري وبالتالي يقدر يجلس وحتا بعد يحبي
ووها المعلومة مو من عندي من كتاب امريكي مترجم اسمه
هكذا تعتنين بطفلك منذ الولادة وحتى سن الخامسة
صراحة انا وااايد استفت منو لان مالي احد اهني من اهلي

الله يجزاكم الجنه فالآخره و العيال وراحة البال فالدنيا كل من ردوا علي ويبلغكم بعيالكم وتشوفونهم معاريس الف الف الف شكر ياحبايبي .

عادي أختي لا تحاااتي.. خليه ع المشاية
وحاولي بين فترة وفترة تجلسيه..

عادى الاطفال بيقغدوا لوحدهم من 6 الى 8 اشهر انتى اديله فيتامين د وكالسيوم عشان يساعده