السلام عليكم
انا بدخل بالموضوع على طول من كثر ماني مصدومه من تصرفات زوجي
تخيلوا يعايرني اني ماني موظفه ولا اقدر اساعده بمصرف البيت ويقول اي زوجين بالدنيا يشاركون بعض في كل شي في العيال في المسؤليات ببناء البيت بالفلوس وبكل شي وبعدين تقوه العلاقه الي بينهم قتله طيب انا مو بيدي شي دورت على وظيفه ومالقيت وانت الي واجب عليك تصرف على البيت مو انا
قالي مو مطلوب منج تصرفين على البيت صح بس معناتها لا تراديديني ابد ولا توقفين بالند لي باختصار ابيج مثل حريم باب الحاره وتحسنين لي لان احسانا مني اني اصرف عليج اصلا انتي واقفه على اكتافي انا مو مطلوب مني قدام الله الا الاكل اللبس والسكن غير كذا ماكو شي محاسب عليه جرحني بهالكلام كثير
بعد الكلام الي قاله لي وكرر كثيييييييير اول مره قلت يمكن من الضغوط الماديه الي عليه ثاني وثالث لين خلاص صار كله يكررها صرت احس اني ثقيله عليه وانه متحسف انه تزوجني وتفاجئ بالمسؤليات طلبت منه اني اروح بيت اهلي بس قالي لا تكبرين الموضوع هذا شي طبيعي اني اتكلم بالماديات صرت مااقدر اطلب اي شي كل الناس تشتري وتلبس انا اطلب من امي من غير مايدري من الكلام الي قالي اياه اخر شي تجرات وطلبت منه فلوس علشان ملابس الصيف لولده عطاني وقالي انشاء الله يبين بعينج وتردين الاحسان بالاحسان مو تغلطين بشي صرت اي غلط اسويه يقولي انا الي عطيج ذاك اليوم وسويتلج وطلعتج وعشيتج بمطعم ووووووو كل شي يذكره من اول ماتزوجنا لين الحين مايبيني اغلط كلش حاولت ادور وظيفه بكل الطرق مااحصل الا تسويق وهو مايرضالي اشتغل تسويق طيب انا ايش اسوي دراسه ودرست الحمد الله جامعيه بس ماكو فرص للتوظيف ابد مو ذنبي هالشي بعدين يقولي حتى لو توظفتي كم بتدفعين للبيت ماراح تقدرين تتوظفين بنص راتبي يعني بظل انا افضل منج
ماادري انا مكبره الموضوع وفعلا كل الرجال كذا او كيف اتصرف اذا عادلي هالاسطوانه
مع انه زوجي كريم مايقصر على احد كلش على اهله مزوج اخوانه مع انه اصغر واحد فيهم وطيب وحتى معاي كريم بس يعايرني
مع انه زوجي كريم مايقصر على احد كلش على اهله مزوج اخوانه مع انه اصغر واحد فيهم وطيب وحتى معاي كريم بس يعايرني