كيف الحال يا عرايس
اليوم صورت لكم بسبوسة الاوريو .... بس مو من البدايه ... نسيت ... بس لحقت على النص تقريبا... والصراحه هذي اول مرة اشارك بموضوع في المنتدى:21_207:.... فإعذروني على الصور فيها منها الكبير والصغير :shy:
اول شي المقادير:
نص كوب سكر _ نص كوب زيت _ ثلاثة ارباع كوب سميد _ 3 بيضات _ ملعقة صغيرة فانيلا _ 1 ملعقة اكل B.P
8 حبات اوريو _ كيس شعيريه _ ثلاثة ارباع علبة حليب مركز محلى
اول شي نكسر الشعيريه ونخليها في صحن
وناخذ الاوريو ونشيل منه الكريمه البيضا ونكسر الدائرة الواحده ل3 او 4 اقسام
في الخلاط نضع البيض + السميد + الزيت + B.P+ الفانيلا
نخلطه لين تنمزج المقادير مع بعضها عدل ونصب الخليط في صحن الخلط ونحط عليه الاوريو ونخلطه شوي وبرقه عشان ما يتكسر الاوريو ( ما صورت هاللقطه خخخ) ونصبه في البايركس
ناخذ الشعيريه المكسره لقطع صغيره ونخليها على الخليط ، لحد ما تتغطى كل الصينيه ونضغط شوي شوي على الشعيريه ( انتبهوا لا تضغطون بقوة بس شوي)وانا ما استخدمت الكيس كله بقى شوي لأن حسيت الكميه كبيره
نغطي الصينيه بالالمنيوم ونحطها في افرن لمدة نص ساعه او اكثر شوي لحد ما تصير ذهبيه من تحت,,, الفرن درجة حرارته 180 ( طبعا يكون ساخن قبل لا ندخلها)
بعدين لما تحمر من تحت نشيل الالمنيوم ونفتح علها من فوق لغاية ما تصير ذهبيه
انا نسيتها داخل ... بس الحمدلله ما احترقت ... بس شارفت على الاحتراق:21_133:
ناخذ الحليب المركز ونصبه على البسبوسه وهي حارة
ونخليها لين تبرد ونقطعها
وهذا هو الشكل النهائي .... البسبوسه لذيذه و سهله و ومكوناتها موجوده في كل بيت :21_91:.. اتمنى انكم تجربونها وتخبروني رايكم
و إذا عجبكم الموضوع قيموني
و إذا عجبكم الموضوع قيموني
