:1_42:[BLINK]مساءكم:15: رومانسيه :15:وحب[/BLINK]....:1_42:
قوه بنات شلونكم إنشاله بخير؟؟؟
اليوم جايبه لكم مجموعه عطوراتي إلي دايم أستخدمها ومن تخلص لازم أجيب نفسها يعني العطورات إلي ما أستغني عنها أبدا وصديقاتي نفس الشي...
أنا باحطها لكم مع الصور وأنتوا عطوني رايكم... وراح أرتبها من الأحلى و باضيف تصنيفي ولا تضحكون على التصنيفات :bomb: لأني راح أكتب تصنيفاتي الخاصه يعني كل عطر وشنو يحسسني فيه إذا أحط منه....
1- HOT COUTURE by Givenchy
طبعا هذي التوب عندي يعني صار لي 8 سنين أستخدمه ومن يخلص أرجع أشتريه من جديد والحلو فيه أن ريحته قويه وأتم فتره طويله وفضيعه مع الخلطات العربيه ومع البخور. والأحلى أن ريحته مثيره لي أخر درجه يعني زوجي وااااايد يحبها. ودايما لما أحط منه يسألوني شنو عطرج وشنو عطرج....
وفي منها القديم وفي الجديد بس القديم ريحته أقوى وأحلى. اي ويصير تحطين صورتج فيه من داخل حق الحركات يعني خخخخخ :tongue:
( التصنيف: مثييير)
2- مخلط وصال من أجمل
واااااااااااااااااااااااااااااااااااااااااااااااااااااااااااااي على هالعطر فديته أحبه من جد عطر روعه وقمه... يعني ريحته تجنن وتطير العقل وعلى الفكره فيه سر الرجال واااايد يحبونه. يعني زوجي ميت يبغي يعرف أي عطر استخدم بس أنا ماعلمه خخخخخ أحسن عشان يشمه فيني وبس ومايعرف السر خخخخخخ.:wink:
واذا استعمليته خالي او خلطتيه مع اي عطر بعد يطلع جنااااااان.
واذا حبيتي تطلع ريحتج روعه جربي أخلطيه مع هوت كوتور العطر الي فوق... جربي و بتذكريني.....
أهو على فكره عطر رجالي ونسائي في نفس الوقت.. وليحين أذكر لمن جات فتره ونفذ من السوق والله بغيت اصيح :confused: تخيلو عشت شهر من غير وصال؟؟؟؟؟؟؟؟؟؟؟؟؟؟؟؟؟؟؟؟؟؟ لا لا هذا ظلم حتى الهنود مال محلات أجمل حفظوني من كثر ماروح اسأل اذا نزل وصال ولا لا... بس من بعدها تأدبت وتميت أخذ لي كميه أحتفظ فيها للإحتياط أي كلشي ولا وصال بعد مافيني شده.... خخخخخخ >>>>كتبت قصه عن وصال :21_184:
(التصنيف: كمان مثييييير)
3- Miss Dior
ريحته حلووووووه وجايه على مخلط عربي وريحته مع البخور والعود قمممممه. بس ماعليكم من الجديد تراه ويع كلش ماعجبني يعني فرررررق بينه وبين القديم. و الحلو أن ريحته أتم مده طويييييييييييييله في العبايه.
(التصنيف:شييييك)
4- Chance- Chanel
طبعا مايحتاج أعلق على هالعطر لان أسمه كافي. أنا كل العطورات إلي حاطتها ريحتها أدوم فتره طويله لاني أدور على العطورات إلي جذي....
( التصنيف: صيفي)
5- Still - J.Lo
ممممم أحب هالعطر وايد لأنه يذكرني بصديقتي كانت دايم تحط منه ونسألها عنه. الحلو فيه أنه مميز وريحته غريبه. يعني حلو حق الوحده إلي تحب تكون ريحتها مميزه عن باقي البنات وطبعا ريحته أتم فتره طويييييييييييييييله اطول مما تتوقعين.
جربيه مع الكريم ماله وااااايد عجيب ويعطي لمعه ونعومه وريحه حلوه للجسم.
(التصنيف: مميز)
6- Juicy Couture
هالعطر ريحته قويه بس جايه على شتويه. عطر حلو وراقي يعني من شكله و لما تحطينه تحسين انج شيك و كشخه. أنا خاشته للمناسبات عشان أحس إني كشخه صج خخخخخ
وحلو حق هديه يعني أحسه يبين في العين.>>>انشاله فهمتوا قصدي :tongue:
( التصنيف: كشخه)
7- Live Jennifer Lopez
وبعد جينيفر لوبيز لأن بصراحه عطوراتها روعه وكل واحد أحلى من الثاني. هالعطر نزل منه كذا لون بس أحلى لون الي مغطاته حمره. عطر حلو وبارد وصيفي وريحته تنعش خخخخخ
(التصنيف: صيفي منعش)
8- Pink Sugar
وااااااااااااااااااااااااااااااايد أحب هالعطر بصراحه المفروض أحطه رقم 5 بس الحين تعبت مافيني شده :tongue: ريحته سويييييييييييييييت وحلو يعني أحس هالعطر مال بنوتات.
وقصته قصه. كنت دايما اوصي ربعي أن يجيبون لي هالعطر من لكويت و كنت ابيه وكل مايخلص أدور وحده تروح لكويت عشان تجيبه لي و مادري شنو. أخر شي حصلته في اسواق رويان عندنا في البحرين والله انصدمت وانقهرت :mad: يعني طول هالفتره موجود وأنا احوس وأدوره وأوصي ومادري شنو خخخخخخ لا وأرخص بعد الي عندنا.
و الشاور جل ماله فضيييييييييييييييييييييييع صج صج حلو حتى الكريم. عموما أنا بانزل لكم صورة الباكج كامل وانتوا جربو..
(التصنيف:سويييييييييييييييييت)
أول شي هذا العطر بروحه
وهذا البكج أو الطقم
9- Rock'n Rose - Valentino
أحب أستخدم هالعطر بعد ما اتسبح على طول لآن أحس روحي فرش لان ريحته صايره كأنها بودره أو صابون أو شي ناعم. و حته شكله حلو.
( التصنيف: نعومه )
10- Midnight - Britney Spears
عطر بريتني هذا بعد وايد مميز وحلو وريحته بعد سويت وحلوه... في منه الوردي القديم Fantasy بعد حلو بس أنا أحب البنفسجي أكثر! أدري انه قديم بس مو مهم أهم شي عندي يكون العطر حلو وريحته أتم مده طويله وعلى فكره أسعارهم في السعوديه والامارات وااايد رخيصه بس في البحرين مادري ليش مانزل البنفسجي عندنا بس موجود في السوق الحره. شنو السر مادري. :ss:
(التصنيف: سويت).
هذي الوردي
وهذي البنفسجي الحلو
وفي عطر نسيت أحطه إلي أهو FlowerBomb طبعا ريحته واااايد حلوه...
( ملاحظه): كل العطورات إلي حطيتها حلوه مع البخور والعود.
وبكره إنشاله باعلمكم خلطتي الخطييييييييييييره المميزه إلي تخلي ريحتج تفوح وتطلع ريحة خطيره تبط الراس :wink:
انشاله تعجبكم مشاركتي
و أدعوا لي الله يوفقني مع زوجي ويعطينا إلي في بالنا......
:87457:
