أستفسار عن صلالة .. عمان

وينكم يا بنات عمان

حبيبتي انا العام رحت صلاله مافيها منتزهات كثير يمكن منتزه واحد لكن فيها طبيعه رووووووووووووووعه ..

اسواقها اغلبها شعبي احسن سوق عندهم سنتر بوينت وعندهم مجمع الؤلؤه او الولو وعنهدهم مركز رامز وعندهم مراكز ثانيه ناسيها اسمائها ...

واسواقهم الشعبيه ماعليها حليوه واحسن فنادق عندهم هيلتون وكراون بلازا وحنا سكنا كراون بلازا بصراحه هادي ونظيف ومريح بس الليله 900 ريال سعودي ...

وعندهم الجبال مرره حلوووووه خضراء وطبيعتها رووعه وعندهم شاطئ المغيسيل حلووو ....

وفيه الشلالات بس اذا كان فيه مطر ...

والمطاعم بصراحه مافيه شي يفتح النفس حنا قضيناها على كنتاكي وبيتزاء هت وفيه ناس حاطين لهم شراع ويسوون مضبي ومشوي ومدري وشو والله ماعليها حلووه ....

بس انصحكم ترووحون بوقت مهرجان صلاله لانه احنا كانت عودتنا في نفس اليوم اللي فتح المهرجان ومددنا يومين وحضرنا المهرجان كان رووووعه وفيه ملاهي اطفال وملاهي للكبار وفيه مطاعم بس مطاعمهم موحلوه فيه كنتاكي وفيه مخابز سويتز عندهم فطائر وكروسان وكيك وفيه عصائر فرغلي وفيه كوفي شوبز مسارح رووعه فيه المسرح التراثي يسوون فيه رقص تراثي ...

وفيه مسارح كثيره ماحضرناها كلها بس روووووووووعه وفيه سوق شبيه بالسوق الخيري فيه محلات من جميع دول الخليج رووووعه ....

ولايفووتكم الجبل الاخضر اذا فتح المهرجان لانه يبداء التصوير ع الجبل الاخضر حنا تغدينا ع الجبل الاخضر ولما بدا التصوير التلفزيوني طلعنا في التلفزيوون وماخليت احد من اهلي الاكلمته يشوفنا وطلعو بنتي بعد الفاصل وكان وجهها معبي الشاشه كلها بس قهر انا ماشفتها طبعا البنات ماقصروا صورو لنا اللقطه وللحين محتفظه فيها ....

واذا تبين تشوفين صور صلاله انا منزلتها بالالبووم في ملفي الشخصي واذا تبين زياده من عيوني انتي امري بس ...

واتمنى اني ماقصرت معك ....

تقبلي مروري

والله حتى احنانفكرنسافر ياصلاله يادبي ومحتارين

نور الخرج .. مشكورررره اختي وماقصرتي

عندج فكرة متى يبدا مهرجان صلالة بأي شهر .؟

والله ما ادري بس بسال وان شاءالله اعرف واقول لك

آنا رحت صلالة العام الماضي روعة استانست ودي اروح بعد مرة ثانية جوها يرد الروووووووووح نسماته باردة وكان غيم وبالليل ينزل رذااااااذ بارد لطييف بحرهم حلو امواجه فظييييييعة عندهم عيون وجبال وطبيعة ساحرة موت وانصحكم أجرو سيارة من المطار ترى ما تضيعين فيها خلي خارطة معك وانتي ادلين كل مكان وناسها مؤدبين وهااادئة في عندهم فندة هيلتون وكروان بلازا مثل ماقالت الاخت نور الخرج والاكل فيه مطعم لبناني مو فاكرة اسمه احلى أكل حصلناه عندهم اذا تذكرت برجع أكتبه احنا سكنا في قرية سمهرهم لأن ماحصلنا حجز في الفنادق وطبعا اهي صايرة مثل الشقق الفندفية وفيها بركة سباحة وشاطيء حلو بس الخدمة مو مثل الفنادق ويسون فيها المهرجان يوجد فيها انشطة المهرجان مثل خيمة موجود فيها مثل المعرض يعني يبيعون من كل الجنسيات طوال فترة المهرجان بالاضافة الى المطاعم والمسرح والفرق يعني اذا متمللة تقدرين تتمشين لمكان المهرجان وفيها السوق الشعبي فيه البخور وعلك البان وتحتارين وش تاخذين طبعا مافيه عود بس بخور صناعتهم يعني وفيه محل اسمه عطورات الشعلة كل العطورات والاطقم والكريمات والدخون حتة علك البان مو عادي معطر لتبخير البيت بصراحة كل شي عندها عجيييييييييييب ومو رخيص موجود محلها في شارع كله للتسوق اسمه شارع السلام اتسوقي في هالشارع آنا خذيت شناط وجينزات محد صدق انهم من صلالة لأن معروف ان مافيها اسواق بس فيها فلتات في هالشارع عندهم شاطىء المغسيل فظييييييييع روحوا تغدوا هناك عندهم لحم الجمل يشونه على طريق البر وانتو رايحين للعيون وعندهم عصير جوز الهند البااااارد عجيب والجيكو والموز يعني مزارعهم وطبعا أحسن واحد يسوي حلوى على دبس وعادي عبدالله العويسي في منطقة الحافة انتو بس اسألوا عن هالمنطقة وبس هذا اللي أعرفه باختصار طبعا زيادة على الاخت نور الخرج ماقصرت وان شاءالله قدرت أفيدك واذا تبين شي آنا حاضرة

ويبدأ مهرجان صلالة في شهر 7 و8 و9

شكرا البسكوته

خريف صلالة بدا يوم 21/6

وصلالة جميله جدا والاخوات ما قصروا الصراحة


لازم تروحي وقت المهرجان في شهر 7 وتزوري عين ارزات وعين جرزيز وشاطيء المغسيل

وعندك جنب المطار فندق بيت الحافة وفندق ظفار في منطقة القوف