صباح / مساء الخير
كيفكم حباااااايبي ،،،، وحشتووووني حييييييل
اليوم راح اوريكم كيكة اعملها ع السرريع اذا كنا رايحين في طلعه كذا
خصوصا اذا رايحين ع البحر او حديقة او شي ،،، يعني طلعات عائلية وجمعات برى البيت
[GLOW="FFFF99"]
ملاحظة : لا احلل نقل الموضوع باي شكل من الاشكال
تبون الطريقة اخذوها بس صوري لا تنقلوها
[/GLOW]
المقادير
4 - 5 كاسات طحين
كاس ونص حليب
كاسين سكر (كذا بتكون حلاوتها خفيفة اذا تبون حلاوتها اكثر ضيفوا بعد ربع او نص كاس)
كاس زيت
4 بيضات
4 ملاعق باكينغ باودر
برتقاله (بنحتاج قشر البرتقاله وعصير نص برتقاله)
الخطوات
ناخذ البرتقاله ونغسلها كووووووويس
بعدها نبشر قشر البرتقاله ونعصر البرتقاله وناخذ شوي من العصير تقريبا فنجان
وبعدها نضيف كل المقادير على بعض
ونخلطهم بالمضرب الكهربائي لين يصير عندنا الخليط جاهز
والحين انا ما احطها في بايركس ولا صحن كيك
لا اخذ علب الالمنيوم
وادهنهم بشوية زيت مع طحين
وبعدها اصب الخليط
والمقدار تقريبا سوى لي 4 علب
وانا اسويها في هاعلب لانها بتكون احسن للطلعات
اريح من المواعين وسالفة وووو
ولان الككية طعمها يطلع نفس طعم كيك امريكانا الجاهز
فاسوي هالحركة احلى خخخخخخخخ
وندخلها الفرن على حرارة 180 درجة لين تستوي من تحت
وبعدها نحمر الوجه
وبتطلع عندنا بهالشكل
طبعا يفضل ا احنا نتركها تبرد في الثلاجة يوم كامل او نص يوم
يطلع طعمها احلى
واذا بنطلع اكيد لا ننسى نغلفها
وهذا شكلها بيكووون عند التقديم
ها شنو رايكم فيها؟؟
انا بالنسبة لي احب اسويها دووم
حتى لو ما كنا بنطلع بس لازم يكون في منها بالثلاجة
حلوة وخفيفة للعصر مع شاي او قهووة خصوصا الحين العصرية طوووووووووووووويلة
<<<<< ماتشبع هذرة
خلاص اتررككم الحين
وانتظر آرائكم واي استفسار انا حاضرة
وهالله هالله بالتقييمات :o
