صديقتي والمعرس :(

sarah_uk;9606155:
المفروض اختي يقولو له الصدق عشان بعد كذا ماينصدم وتصير مشاكل

يخبروه ان البنت طلعت من صف السادس بس حافظه المصحب وتعرف بالكمبيوتر

وحابه تكمل دراستها

واذا هو من نصيبها مافي شي راح يمنعهم من الزواج

بالتووفيق

وردا على سؤالك لا ماصارت لي بصراحه لوول

حلم العذارى;9606693:

الحياة قسمة ونصيب!..

والواحد , ما ياخذ إلا رزقه إلي كتبه الله له

والتعليم ما هو عيب ولا هو مفخرة

يعني إذا كنت متعلم مب معناه إنك تكون أرفع من كل البشر

وإذا كنت أمي مو معناه إنك فيك عيب و أقل من باقي الناس

خل موضوع خطبتها يكون طبيعي كلش , حالها حال غيرها من البنات

يسآلون عن المعرس ويعرفون أخلاقه ودينه

وهم أيضاً يخبرون أهل المعرس إن البنت مو مكملة دراستها

وحابه تكملها -بإذن الله-

*
*

والله يا عزيزتي ..,

أعرف وحدة جامعية ( عندها بكالوريس هندسة ) , متزوجة واحد ما كمل الإعدادية .. عاااادي!

وصديقتي عندها بس ( إعدادية ) , متزوجة واحد ما شاء الله مكمل دراسته في الخارج

/
\

يعني هذي مب عيب ولا شي

المهم الأخلاق , الدين , الشخصية

والله ناس جامعيين .. لكن ما عندهم لا ثقافة ولا شخصية

وناس مساكين على قد الحال , ومثقفين جداً

*
*

خلي صديقتج .. لا تضعف

لأنها بنظري إنسانة مميزة جداً

يكفي إنها حافظة كتاب ربها كامل

وأنا متعلمة وناوية بعد أكمل تعلمي .. مب حافظة القرآن

وش تبي أكثر من هالميزة ؟!

وجزاها عند رب العالمين

*
*

ما توفقت في هالمعرس .. تتوفق مع 10 غيره

وتوها كتكوتة 19 سنة .. فلا تخاف على نفسها من شي

ام عبووره;9606731:
اكيد قبل مايجي ويخطب عنده معلومات عنها ويمكن عارف
وتوكلي على الله وشوفيه وبعد الشوفه قولي له

روبا;9607005:
يعني معقولة اهله شوفها و ما يعرفون اذا دارسة ولا لأ..... بعدين يا اختي ابوها مو واجب عليه يخبره بتعليمها .... الي في الشرع و الدين اذا كان فيها عيب خلقي او مرض يخبر به الخاطب اما غير ذلك مو واجب اخباره و بعدين يكفي حفظها لكتاب الله يحمد ربه بيتزوج وحده حافظة لكتاب الله و بإذن الله بتحفظه في بيته و عياله

خجل;9607077:
انا من رايي انه في يوم النظره الشرعيه هي تقوله منها احسن يمكن يعجبه شكلها ومنطقها لما تقوله ويتغاضى عن الشي هذا

moonf@ce;9607370:
اختي هيفونة

صديقتك يكفيها فخر حفظ كتاب الله كاملا ومثل ما قلتي هي مثقفة ومطلعة

يا ما ناس يا اختي ما تعلمو بالمدرسة بس تشوفيهم كأنهم خريجين وياما ناس العكس متخرجين وما يعرفوا يفكو الخط كل واحد حسب قدرته على تنمية عقله ومهارته
قولي لصديقتك ابدا ما تخاف يكفيها فخر وهي بهالسن حافظة كتاب رب العالمين

بس الافضل انها تقوله يوم النظرة الشرعيه انها ماقدرت تكمل دراستها لظروف معينة وانها ناوية تكمل تعليمها
وتقوله انها واضحة معاه من الحين
وصدقيني اذا لهم نصيب مع بعض راح يصير بغض النظر عن تعليمها واهم شي الاخلاق والدين

الله يوفقها للخير باذن الله

♥بنوته زايد UAE♥;9607788:
عاااادي انا اخت ريلي ماخلصت الثانويه وقالولهم عن التعليم مارفضواا ..

وبعدين مب شرط ان الواحد يكون عنده شهاده كفايه انها متثقفه وجافظه من القرآن

الاقمار6;9608575:
السلام عليكم
الاخوات كفو ووفو بالكلام
وانا من رأيي تقوله يوم النظرة او تخلي احد من اهلها يوم النظرة يخبره انها ما كملت لظروف بس راح تكمل وانها حافظة المصحف وتعرف بالكمبيوتر ، لازم يقولون له هلاشياء عنها وعن ثقافتها بعدين يحسبها اميه وما تعرف حتى تفك الخط ربي ييسر لها