ابي مساعدتكم

زوجج .. توه مفتح عيونه على سوالف ( النت )

ف صاير متعلق فيه وايد , وما يقدر يفارقه

ذكرتيني بنفسي قبل حوالي 6 سنين

أول ما عرفت النت .. كنت مدمنة إدمان غير طبيعي

لدرجة إني أهملت دراستي .. بس بعدين صحيت لنفسي

وقمت أهتم بدراستي .. وصار النت عندي شي عادي جداً

*
*

بس حبيبتي !..

تصرفي بسرعة مع زوجج

خلي ينظم وقته .. بين الشغل والنت .. وزوجته .. وطلعاته

وخصوصاً توكم معاريس جدد

ولازم تعيشون اللحظة ب لحظتها

لا تحرمون نفسكم من لذة البداية

ترى مع الأطفال .. بيصير ماكو وقت كلش

وغير جذي إنتي تفهمين وتعرفين إن بحر النت ( غزير جداً )

فكوني حذرة وحريصة على إنه زوجج ما يغرق فيه

في الشات , في المواقع الإباحية , في الصفحات الشخصية مثل ( الفلكر , التاج .. إلخ )

فلا تخلين زوجج أبد .. يدخل هالسوالف

لأن ممكن تآثر عليه

وتطلع لج مشكلة أكبر من قبل .. وتتغربلين

*
*

زعلي منه شوي وأثقلي

وتغيري عليه .. صدقيني بيحسي فيج

وبيجي بنفسه يسآلج

شنو فيج ؟!

صارحيه بكل هدوء , و رومانسية

إنج متضايقة من إستخدامه الغلط على النت 24 ساعة

قولي له النت له أوقات وإستخدامات محدودة

مب هاللون !..

وهو بيتفهم لأنج زعلانة .. وصارحتيه بكل هدوء

خلي عنج الصراخ والعصبية ما تنفع

*
*

ومرده بيحس لضيقج من النت .. وبيخف عنه

وشي ثاني لو راح الشغل !..

حاول تفتشين بطريقة مهذبة بدون ما تدشين في خصوصيات ما خصوصيات

اللابتوب , شنو يدش , شنو يسوي

( الرجال مثل الأطفال )

فلازم تخافين على طفلج الكبير من الوقوع في الغلط , وفي شباك النت

وتخلين عليه مراقبة .. يمكن يدش مكان غلط -لا سمح الله -

/
\

وصدقيني .. مرحلة وبتعدي والله!..

وبترتاحين

مالج إلا صبرج .. وذكائج , وحسن التصرف