السلام عليكم ورحمة الله وبركاته
كيفكم بنوتات ؟؟؟؟ وش اخباركم
طبعا اغلبنا نعرف امبولات اكرينال وسمعنا عنها إنها تطول الشعر
وبما إني انهبلت وقصيت شعري لاشعوريا من فتره وجاه نوع من انواع القراده وعيا لا يطول
وماكان لي خلق على الزيوت وما ابي احط حنا (ناوية تصبغ على الصيفيه) قلت يابنت وش وراك تجربي
واذكر اني قريت من زماااااان موضوع كاتبته وحده من الاخوات هنا في المنتدى اسمها السندويشه او ما ادري مش
ذاكرة الاسم عدل ماعليكم مني تراني مسويه ريجيم الله يذكرها با الخير الاخت نزلت الموضوع من عام 2005
وجلسه شهور وانا ادور عليها با الصيدليات لين ماعرفت انها تنباع بقزاز
الموهيم الموضوع يفيد بمقتضاه (احلا يا المثقفه) انوا البنت طال شعرها شبر بشهر مع الامبولات
وقمت توكلت على ربي خامس العيد او رابع عيد الفطر (عشان الامانه ما ابي اللخبط لاني اخاف كل ما اجي بحط رد في المنتدى اللقى تذكر قول الله عز وجل { ما يلفظ من قول إلا لديه رقيب عتيد }
فلا تكتب بكفك غير شيء ***** يسرك في القيامة أن تراه وكل ما اقرى ها الكلام يوجعني قلبي واخاف اغلط بكلمه او يوم او تاريخ حللوني ) كأني طولتها صح
الموهيم
استخدمتها كا التالي
اول شهر 4 مرات با الاسبوع
والتساقط خف من ثاني استخدام واول اسبوع وقف نهائيا(مع انو التساقط الي عندي بسبب مضاد حيوي صار لي شهور اكله وهو معروف انه يحت الشعر ولا انا ماعندي ضعف في الشعر ولا حاجه) يعني الي تساقطهم ضعف في بصيلات الشعر راح ينبسطون على ها الامبولات
وثاني شهر 3 مرات با الاسبوع
وثالث شهر مرتين با الاسبوع
والرابع مره وحده با الاسبوع
بس للأمانه انا كنت احط الامبوله بس نص ساعه واذا طولتها مره اخليه ساعتين او ثلاث وهو مكتوب على الورقه الي تجي مع الامبولات انه اقل شي نص ساعه ويفضل انه ينحط با الليل وينغسل با الصباح
واذكر ان الاخت السندويشه (ان شاء الله يكون اسمها صح ) كانت تحطه با الليل وتغسله با الصباح
يعني لو كنت اسوي زيها اكيد كان بيطول شعري اكثر
طبعا انوا اكيد تبون تعرفون وش كثر طال شعري
خلال ها الاربع شهور طال شبر وشوي تقريبا (قولوا ماشاء الله)
طبعا بعضكم يعتبرها قليله بس با النسبه لشعري بدون زيوت وحنا مستحيل يطول و بدونهم يصير الموضوع اصعب
من المشي على القمر
وبا النسبه للكثافه زادت كثافته والحمد لله
وانا ناوية بإذن الله اني ما اقطعها كذا فجأه عشان مايحت الشعر الجديد
يعني راح اقطعه با التدريج
راح اخليه مره كل اسبوعين وبعدها مره كل ثلاث وبعدها مره كل شهر وهكذا .................
وماراح اكذب عليكم ان شعري الان جالس يتساقط بس مقارنه بتساقط الناس الي تاخذ نفس المضاد الحيوي الي انا
اخذه مايعتبر شي والحمد لله
وهذي صورة الامبولات
وهذي صورة الكمية الي استخدمتها بس في علبة سقطة سهوا ومعاهم التونك بس ما استخدمته كثير
وهذي الامبولات من الداخل وعددهم 8 بس انا ماخذه وحده
وهذي صورة الامبوله نفسها بعد ماكسرت راسها وركبت انبوبة التوزيع وحطيتها باالارض لكن بسبوسي العزيز لازم يشمها ويترك بصمته عليها (فديت ها الشنبات والله)
