تصاميم لفلل صغيرة

وياج سنفونية حب .. مهندسة

البرنامج اللي يساعد على رسم الخرائط هو الاتوكاد .. و طبعا لازم تكونين تعرفين للبيسك عشان تقدرين ترسمين بهالبرنامج
وفي برامج اخرى بس هذا افضلها وهذا اللي معتمد في اغلب المكاتب الهندسية

وبالنسبة لتصميم الخريطة لفيلتكم الصغيرة
ما ينفع بالكلام والوصف
لازم خريطة الموقع اللي فيها ارضكم
مساحة الارض ( الطول * العرض)
على كم شارع مفتوحه .. في اي تصنيف تبع اشتراطات البلدية ؟؟

و بعدها نبدأ نصمم .. و عادة تكون غرف النوم والقسم البرايفت في الطابق العلوي
و القسم الببلك والعام في الطابق السفلي يعني مجلس الضيوف والمطبخ وغيره في الارضي

و بالنسبة للغرف والحمامات .. انتي اللي تحددي اي غرفه فيها حمام و اي غرفه ما فيها
والغرف اللي ما فيها حمام يكون في لها حمام مشترك بينها

و بالنسبه لافكار للخرائط تحصلينها في مواقع وايد بس سوي بحق في قوقل و بيطلع لج مليون خريطة وخريطة .. بس البحث ما راح يطلع لج خريطة 100% مثل ما تبين ومثل ما يناسب ارضكم على الواقع
:)

وتحيتي لج
واي مساعده حاضرين

مشكورة اختي سنفونية حب على الرد


وسوري صار خطأ مطبعي وانا اكتب .. المفروض بدل ما اكتب الدور الثاني اكتب مكانه الدور الارضي <<< صلحته الحين (a)


والبرنامج هذا انا الصراحه ما عندي خبرة في مثل هالبرامج لكن بعطيه حق احد يفهم فيه اكثرر ..

وعن خريطة الارض للاسف للحين ما شفناها والملكية بعد للحين ما انتقلت لنا بشكل رسمي ..
وحتى ما ندري للحين كم المساحه بالضبط ولا ندري عن مخطط البلدية للحين لان الارض في مكان جديد وحوالينها كل اراضي ما انبنوا ولا ندري حتى هي تطل على كم شارع للحين :(


لكن احنا مثل ما نقول قاعدين نحط خطوط عريضة لبيت المستقبل :o
فقررنا ان الدور الاول يكون فيه 4 غرف نوم واذا صار في مجال بعد بنسوي صالة واذا ما في مجال ما بنسويها .. زوجي يقول ان مصاريف الحمامات وايد تكلف ويفكر يحط حمام بس في غرفتنا اما باقي الغرف ما نحط فيها ونسوي حمام واحد فوق مشترك لكن انا مو عاجبني وافضل ان كل غرفة فيها حمامها الخاص ..
وعن الدور الارضي فكرنا حاليا نسوي مجلس حريم ومجلس رجال ومطبخ واسع نسبيا مع غرفة طعام وصالة واسعة وحمام عام تحت .. وفي فكرة بالنسبة للمطبخ شفتها في بيت حماتي وعجبتني وهي انها مسوية ستور صغير حجمه كبر حمام صغير ومسوية فيه كل ارفف مقسمة وحاطه فيها اغراض ماجلة البيت يعني مواد الطبخ والاكل على جنب ومواد التنظيف والنظافة على جنب ووو ..... الخ ، يعني كل شي في قسم بروحه وانا افكر اذا صار في مجال بسوي نفس الفكرة :)
وبرا بنسوي حوش ( مختلفين انا وزوجي هو يبي يزرع فيه شوية وانا رافضة وافضل ان نزرع برا عند باب البيت علشان نتجنب الحشرات داخل البيت ) وبنسوي كراج يسع لسيارتين ..

هذه مثل ما قلت الخطوط الرئيسية وحاولنا بروحنا نرسم تصميم خخخخ لكن مو عارفين نتممه بالذات للدور الارضي (a)
حطيت افكارنا ويا ريت اللي تقدر تفيدنا بأفكار ثانية ما تقصررر


نسيت اقول ان احنا حاليا عايلة صغيرة خخخخ فقط 4 افراد انا وزوجي واولادنا صبيان 2 :D

ماما حسون;9600252:
السلام عليكم


كيف حالكم اخواتي (f)


هذه اول مشاركة لي في الموضوع واتمنى القى الردود اللي اتمناها


لو سمحتوا تقدرون تساعدوني بتصاميم وافكار لفيلا صغيرة ..


على اساس ::
الدور الاول بيكون فيه 4 غرفة نوم <<< هل لاااااااااازم كل غرفة يكون فيها حمام او مو شرط ؟
الدور الارضي يكون فيه مجلس رجال ومجلس حريم وصالة ومطبخ مع زواية صغيرة لغرفة طعام وطبعا تكرمون حمام ..
غير الحوش والكراج برا ..


ويا ريت اللي تعرف مواقع حق خرايط وتصاميم تساعدني وسمعت ان في برامج تساعد على انشاء خريطة او شي من هالنوع ..
اللي تعرف يا ريت ما تبخل علينا :)

بما ان خبرتي صغيرة في هالسوالف
الا اني هالفترة رحت كم بيت توه قيد الانشاء
وكان احد البيوت مثل فكرتش
الطابق الارضي صالة ومجلس ومطبخ وغرفة طعام
ولاتنسين تخلين عالاقل حمامين كل واحد في جهه
علشان لو كانت عندش عزيمة
واحد للرجال وواحد للنساء

في الطابق الاول خلي كل غرفة فيها حمام
اكيد غرفة لش والى ابو العيال:wink: لازم يكون فيها حمام
واولادش عقب بيكبرون وبيحتاجون حمام
:wink:


نسيت شي
اذا تقولين عندش بس ولدين
وفوق فيه 4 غرف
طبعا وحدة لش ووحدة لكل واحد من عيالش
لان البيت مثل ماتعرفين بناءه وتأثيثه يحتاج فوق السنتين
فأكيد اولادش بيكونون كبروا ومحتاجين لكل واحد منهم غرفة لحاله
بتبقى غرفة فاضية خليها غرفة للدراسة
فيها مكتبة وكمبيوتر

هلا اختي

اول شيء مبروك عالبيت مقدماا وربي يجعله خير عليكم

نحن اللحين شرينا بيت جديد ونحن عيله زيكم تونا اربع اشخاص عيالي صغار سته سنين وثلاث سنين

المهم راح احاول اعطيكي فكره مبسطه عن تصميم بيتي وان شاء الله اقدر افيدك

الدور الارضي ::

المدخل الرئيسي يدخل على استقبال وفيه مجلس رجال وغرفة طعام وحمام خاص فيهم وعلى هالقسم باب يقفل عليه

الباب يخرجك على سيب او ممر على يسارك باب المطبخ وعلى يمينك الدرج اللي يطلع للدور الثاني

وقبال هالباب مباشره قوس كبير يفتح على صاله واسعه يمكن استقبال حريم فيهاا

ومن هالصاله قوس يخرجني على استقبال صغير وعنده غرفه حجمها حلو وعندها حمامهاا

الدور الاول:: اول ما تطلعين صاله كبيره وعلى يمينك جناح النوم طبعاا اول ما تفتحين الباب مكتب ويفتح على غرفة النوم وفيه حمام

وبعد الجناح غرفه صغيره ممكن تخلينهاا للدراسه او اي شيء تحبين

ومن هالصاله في قوس يفتح على موزع غرف النوم في جناح ثاني بس على اصغر هذا مخليته غرفة لاولادي

وفي الموزع غرفتين ثانيه وحمام مشترك عندهم ومخزن صغير جنبهم فانا مخليه وحده من الغرف غرفة العاب لاولادي ووحده غرفة نوم للضيوف

وطبعاا في سيرفز { بوفيه صغير }
وبعدين السطح فوق

صح نسيت اقولك

في المطبخ باب يدخل على جزء فيه { مخزن ,, وبعدين غرفة غسيل ,, وبعدين باب يفتح على غرفة الخدامه بحمامها وغرفة مكواه في النهايه}

وبس

هذا بيتي المتواضع واتمنى اني قدرت اوصل الفكره لك وتستفيدي

لكي ودي