انا حبيت انقلكم تجربتى لما عملت
الاكلير بالشيكولاته وطلع حلو الحمد لله
تيجو معايا بقى نشوف بيتعمل ازاى
اولاً: المقادير:
2 كوب ماء
2كوب دقيق منخول
1/2 كوب زيت ( وهو فى الاصل بيستخدمو زبده بس انا فضلت الزيت)
1/2 ملعقه ملح
وحوالى 3 او 4 بيضات
فانيليا
2كوب دقيق منخول
1/2 كوب زيت ( وهو فى الاصل بيستخدمو زبده بس انا فضلت الزيت)
1/2 ملعقه ملح
وحوالى 3 او 4 بيضات
فانيليا
ثانياً: بقى الطريقه
تعالو معايا بقى بالصور
دي المقادير
اول خطوه هنحط مقدار الماء مع الزيت مع الملح على نار متوسطه حتى الغليان
وبعد كده هنضيف مقدار الدقيق على الماء مره واحده مع التقليب
ونقلبه كويس وهو لسه على النار لمده دقايق بسيطه لحد ما يبقي عجين لين ومايلزقش فى اطراف الوعاء بتاعنا
وبعد كده ننقله فى وعاء تانى لحد مايبرد العجين
ونبتدي نضيف مقدار البيض بيضه بيضه مع الفانيليا ومنضفش البيض مره واحده
نكسر على العجين بيضه ولا توضع بيضه اخرى الا بعد اختفاء اثر البيضه الاولى
نكسر على العجين بيضه ولا توضع بيضه اخرى الا بعد اختفاء اثر البيضه الاولى
انا فى عجينتي دي استخدمت 3 بيضات بس
وبعد لما نخلص خفقه وبقي خليط متجانس نحطه بقى فى كيس الحلوانى
وبعد كده نرصه فى صوانى كالتالى
وبعد كده نحطه فى الرف الاول من الفرن على درجه حراره 200 مئويه ونكون مسخنين الفرن من قبل طبعا ومنفتحش عليه الا بعد 1/2 ساعه علشان ميهبطش مننا
وعلى ما يخلص نحضر الحشو والتزيين
انا عملت للحشو كريم شانتيه بالشيكولاته وزينته بصوص الشيكولاته والتوفى
ملحوظه صغنونه ممكن نعمله حشو كاستر او اى كريمة نحبها
هنا بعد ما طلع من الفرن
نبتدي نفتحه وهو سخن زي السوندويتش كده ونشيل اى عجين من جوه عشان الحشو
وده شكله النهائى بعد الحشو والتزيين
ها بقي عجبكو الاكلير بتاعى ولا نو
لو عجبكو متحرمونيش من صالح دعواتكو وتقيمكو
