بسم الله الرحمن الرحيم
أسئلة وأضحة وأجابتها أوضح بس مثل ماهو معروف فيه نآس تحب تستهبل من باب اللقافه
1 - إنتي بغرفتك منسدحة ع السرير ومطفي النور ومتلحفة باللحاف يجي أحد أخوانك ويفتح الباب عليك بقوة ويسآلك تبين تنآمين ؟؟
- " لآ برقص على وحده ونص .. وحده بوضعي وش بتسوي .. أكيد بنام "
2 - أنتم معزومين عند نأس ورحتوا لبيتهم وأول مافتحوا الباب لكم قال ولدهم الصغير : جيتوا ؟؟
- " لآ رحنا .. أكيد جينا وأنت يعني وش تشوف "
3 - أنتي ماسكة الملعقة وتبين تأكلين وحده تناظرك وتقول جيعانه بتأكلين ؟؟
- " لآ أجل بتصور مع الآكل .. والله حآله "
4 - أخوكٍ لآبس ثوبه وكأشخ ومشخّص بالشمآغ ومأشي بالبيت متجه لباب الشارع ، يجي أحد من أهلك وينآدي بصوت عآلي : هآه تبي تطلع ؟؟
- " لآ أبدخل .. أكيد بطلع أنت وش تشوف حضرتك "
5 - زوجك رآكب السيارة وشغل الموتر ويدوس بنزين ويطلع لكم وآحد ويطق القزاز ، وزوجك بكل ذوق يفتح القزاز ويقول له : آمر يالحبيب ؟؟ ويقوللكم : بتمشون ؟؟
- " لآ بنفحط ونسوي خمسآت .. أكيد نبي نمشي "
6 - أنتي بالكلية أو بالدوآم وقمتي من مكآنك عقب ألف سالفة وسالفة يتخللها الحشّ والضحك ورحتي عند الباب تلبسين عبايتك ، وتجي وحده ملقوفة وفآضيه من البنات وتقولك : فلآنه وين بتروحين ؟؟ بتروحين البيت ؟؟
- " لآ بطلع بعز القآيله أتمشى وأشم هواء .. أكيد بروح البيت يعني وين بروح هالحزه "
7 - مآسكة سماعة التيليفون وقاعده تضغطين الآرقام ، يجي أحد من أهلك ويقولك : تبين تكلمين أحد ؟؟
- " لآ بس بتفرج على التيليفون والآرقام .. أكيد أبي أكلم ولآ وش مجلسني هنا "
8 - مآسكة كتاب مذآكره وجالسة تحفظين ومتحمسة ، ويجي أخوكٍ يسألك : قاعده تذآكرين ؟؟
- " لآ بس أتآمل الصفحأت .. أيه أذاكر ولآ ليه ماسكة كتاب "
9 - تتسبحين بمسبح الآستراحة ، تمر عليك وحده من خوآتك وتقول : فلآنه تتسبحين ؟؟
- " لآ أتروش .. اللي يسمعك يقول ماتشوفين .. أيه أسبح .. يعني جالسة بالمسبح وش أسوي أرقص "
10 - برنآمج أهداءات يتصل وأحد ويطلب أغنية ، ترد عليه المذيعة بكل سخآفه : أنت بتحب هآي الغّنّيه ؟؟
- " لآ ماأحبها بس طالبها أستهبل .. أيه أحبها أجل ليه متصل ومتعب نفسي "
آخر سؤال :
شنو تسوين بالعيد أكيد تروحين لأهلك وتسلمين عليهم وتقولين لهم : كل سنة وأنتم طيبين ؟؟!
- " لآ بروح أكفخهم وأسوي هوشه .. أكيد بعايدهم أجل النأس وش يسوون بالآعياد "
آسفة أني رفعت ضغطكم ....!
لآ تحرموني من مروركم ودعوأتكم الصادقة ولكم بالمثل
منقووووووووووووووووول