العاب و مسابقات اطفال .. اقتراحاتكم بليز

امممممممم عندك مثلا لعبة المعلومات العامة تكون اسئلة بسيطة وتناسب اعمار الاطفال وكل سؤال موجود بورقة والاوراق في كيس وكل وتعمل مسابقة وتخلي الاطفال تسحب ورقة وتجاوب على السؤال واللي يجاوب صح تكوني محضرة هدايا ولو بسيطة من ابو ريالين

- عندك كمان لعبة مثلا ترسمي راس قطة او اي شكل اخر وناقص هالرسم عين مثلا وتعصبي عين الطفل
بقماشة وتمسكيه قلم ويحط العين في مكانها المناسب .... وشوفي عاد الضحك والوناسة

_ كمان في لعبة خفيفة مثلا تحطي عدة اشياء بكيس وتطلبي من كل طفل انه يدخل يده جوا الكيس ويعرف ايش في الكيس من خلال لمسه للأشياء الموجودة واللي يعرف اكبر عدد هو الفائز طبعا

_ امممممممم لعبة الصندوق تحطي فيه اشياء وكل طفل يخمن ايش جوا الصندوق وطبعا انتي تساعديهم من خلال ان مثلا اللي جوا الصندوق شي يخص الدرسة .. المطخ .. السيارة ... الخ

هذا اللي ببالي ان شالله اكون ساعدتك

راح ان شاء الله استفيذ من موضوعك في الايام الجايه ..
اذا الله كتب وبديت استعد حق عيد ميلاد ولدي ان شاء الله ..

عندج لعبة انهم ياخذون معلقه وينقلون من كرسي الى كرسي..
ثمره معينه او بيضه او حتى كور ..
والا اكثر عدد الاشياء الا نقلهم يحصل الهديه..!

تقدرين تسوين كل شخص يدخل له رقم ..
!ن كان كبير ولا صغير ويصير سحب بنهاية الحفل ..!
ويفوزون حلو وتشوويق ..

او لعبة التجميد اي تقعديهم على كراسي ..
وتحاولين تضحكينهم والا يظل جامد ولا تحرك يفووز ..
حلوه وكلها ضحك ..


تعطين طفلين عدد من البالونات وتخلينهم ينفخوهم ..
والا ينفخ اكثر عدد ويه انتهاء الوقت هو فاايز ..!

لعبة الهديه الا مغلفه وووايد على بعض ..
وكل واحد يشيل من تغليف شوي..!
لحد ما يفووز اخر واحد يشيل تغليف منهاا..

اتمنى اكون افدتج ولو بالقليل ..!

مشكورات عزيزاتي الدمشقية و ام علااووي فعلا افكاركم نفعتني و ذكرتني بألعاب تايهه عن بالي :)


انا قبل شوي قعدت حطيت افكار حق العاب بسويها و منها بعض الافكار اللي ذكرتوها

- راح اسوي سحب بنهايه الحفله على الارقم اللي مادخلو في المسابقات

- راح اسوي مسابقه " حبل المعلومات " الفكره طرت على بالي اني اربط على حبل مجموعه شرايط و بالنص يكون شريطه بلون مختلف أو اي شي و يكون على الطرفين طفلين اسئلهم اسئلة و كل ما يجاوب ينتقل لشريطه من الشرايط اللي على جانبه و اللي يوصل لنص الحبل او الشريط اللي بالنص اول هو الفايز
شرايكم بهاللعبه؟ :)

- فكرت بلعبه صندوق المفاجآت يعني صندوق داخله اشياء بس الفكره ماكانت مبلوره براسي و الحين عرفت شبسوي مثل ماقلتو اخلي الطفل يتوقع شنو في اللعبه :)

- لعبه " المبالغ النقديه" راح اطبع على اوراق ارقام تمثل مبالغ نقديه مثلا 1 دينار , 50 دينار , 100 دينار
وننثرهم عالارض و بعد ربط عيون الاطفال يجمعون البطاقات و اللي يجمع مبلغ نقدي اكبر هو الفائز

- لعبه " بالون الحظ" انفخ بالونات و داخلهم اوراق و الطفل يختار بالون و يفقعه و نشوف شنو موجود ببطاقته هديه فوريه او سؤال او طلب يأديه .. مشكله هاللعبه اني اخاف من صوت فرقعه البالونات

لان راح يكون امهات مع عيالهم و صديقاتي موجودات فأبي اسوي لهم مسابقات عشان لا يملون يعني شرايكم شنو ممكن يكون في العاب تناسب كبار يعني اعمار 12 سنه و طالع