ابغى حل ساعدوني بنات البحرين

هلا اختي
الله يسهل عليكم

اذا ما تقدروون على القروض حطو جمعية

واذا سويت حفلة في الخطوبة
سوي العرس عائلي والبسي الفستان وصوري واستانسي
وبالتوفيق

هلا اختي , اولا عندكم شقه بس ناقص الاثاث وحفلة العرس لو للحين ما عندكم شقه ؟؟ وعلى الذهب فهو غالبا يضل في الكبت ما ينلبس الا قليل بس مادري عنش يعني تلبسينه واجد لو لا .. وفي ناس واجد لين احتاجو يضطرون يبيعونه فاذا بعتينه شي راجع ليش ومادري على اهلش بيعارضون يعني ؟؟ الشي ليش لانه , وخلي عرسش بسيط يعني لا تكلفين واجد والله ييسر لكم ويوفقكم ...

السلام عليكم حبوبة
الله يعينكم خيوو والله يسير الامور ويوفقكم ان شاء الله<<< الدنيا مرة
لا تحاتين ولا شي ولا تبيعين ذهبج بعدين اهلج بيزعلون
اذا سويتي حفلة خطوبة <<خلاص اخذي روحج وروحوا حوار كم يوم شهر عسل
او اخذوا لكم فندق ليلة وحدة << نوع من التغيير
او لبسي وصوري معاه نوع من الذكرى <<< ولين الله عطاكم سوي حفل استقبال في صالة الشكر او اي صالة حلوة ورخيصة او بيتكم

اشكركم بعنف
ذوق الاميرات

السلام عليكم اختي شوفي يلغالية يعني المشكله في شنو هل ما تقدرون تسوون عرس مثلا او باسكن وللحين ما فرشتو شقتكم يعني وضحي مشكلتك اكثر علشان افيدك بالحل الي يريحك ان شاءالله.

مرحبا اختي :)


اول شي لا تفكرين تبيعين ذهبش لانها اكبر غلطة بتكونين سويتينها في حياتش... خليه ما تدرين مع الايام وش بيصير في المستقبل ان شاء الله بيجونش اولاد ويمكن تحتاجين اكثر من الحين ....


بالنسبة للحلول .. اول شي ما ادري اذا بتسكنين في غرفة لو في شقة .. علشان تعرفين شلون تبتدين في التجهيز .. ومادري اذا بتبنون والله عندكم مكان جاهز ... المهم حاولوا تشتركون في جمعيات اكثر من وحدة .. يعني حتى لو تضغطون على روحكم شوي وبالجمعيات كملي تجهيزاتكم سواء للشقة او غيره


حاولوا تبتعدون عن القروض مو تجوفون انها الاحل الاسرع وتروحون وراها .. لانها بترهقكم بعدين خصوصا اذا كان حال خطيبش ضعيف لان بعدين بتكبر وراكم المسؤلية في الصرف واولاد


فحاولوا مع الجمعيات .. وبالنسبة لحفلة الزواج اذا سويتين حفلة خطوبة .. في العرس حاول تسوين شي بسيط مو لازم ترهقين خطيبش على حساب ليلة وحدة والناس تستانس وتظلون طول عمركم تدفعون على حساب ذيك الليلة


اممم هذا اللي عندي


واتمنى اني ساعدتش

أحلام والله حابين نساعدج بس انتي وضحي لنه مشكلتج اكثر يعني اذا على الحفلة محلولة مو زلام حفلة اهم شي تستقرون مع بعض واذا المشكلة في الشقة فهذي يبي لها كلام ثاني؟؟

الله يوفقج وويسر امورج كلها

عزيزتي أنا ظليت سنه كاملة خطوبة ، يعني في البحرين عادي تظل الوحدة سنة و أكثر و الكل عارف الظروف الصعبة اللي يعيشها الشباب.

لاتبيعين ذهبج لأن ما تدرين بالأيام اليايه شنو فيها ، و الله بيسهل أموركم ان شاء الله.

وحاولي ما تسويين حفلة زواج ، يعني حنه وجلسه بين الأهل .. ( أنا بنت عمي توها متزوجة ، سوينا لهم جلسه في بيت عمي و عقب الجلسة حنوها مباشرة و كانت الحفلة عائلية و صديقاتها المقربات )

وربي يوسع عليكم في الدنيا و الآخرة و يستر عليكم

اشوفها عادي سنة وحده مخطوبه

ليش مستعجله على العرس؟؟

خلي الاوضاع تتعدل وبعدين عرسو

اني صاري لي سنة وثمانية شهور تقريبا مخطوبة

الواحد شنو يسوي مع هذه الظروف

بس حرام تبيعين الذهب خليه حق المستقبل صدقيني بتحتاجونه اكثر

تصدقين اني للحين مااخذت ذهب اتفقنا اشتريه حق الزواج !!!

[FRAME="11 70"]لا تبيعين شي الله بيعوضج وصبري لين ما الله يفرج عليه[/FRAME] :)

لاتبيعين الذهب مثل ماقالو البنات والله يسر امورك

لالالالالالالالالالالالالالالا تبيعين الذهب
صح هو زوجش وتبين اتساعدينة بس لاتبيعنةذهبش
خلية بروح يتصرف يطلع قرض يحط جمعية لكن تبعيني ذهبش راح اتعلمينة على شي من الحين
وبعدين طول عمرش راح تندمني لانة يمكن يتعود كل ماصادكم ظروف بيقولوش بيعي شي

وبعدين ليش مسعجلين في ناس يظلون سنوات طويلة ويكونون نفسهم وبعدين يتزوجون
او سوي كلشي عائلي وبسيط
او ممكن تشتغلين وتساعدينة
لكن تبيعين ذهبش لاتسوينهاا انتي توج عرووووس وترى ممكن احد يسالج وين الذهب شنو بتوقلين؟؟؟؟

مو لازم تسوين زواج اهم شي شقتش جاهزه

سلام اختي
لا تبيعين ذهبش ، ولا تسوين عرس روحي حوار او فندق أو أبها نفس ماقالت وحده من البنات ، مو شرط تعرسين الحين صبري لين ماتتعدل اوضاعكم والله بيسهل لكم الامور ان شاءالله

في ناس يظلون بالسنتين مخطوبين ماعرسوا، حارسوا شوي لا تاخذون قرض حق العرس ، اذا بتعدلين شقتكم اخذوا قرض حرام تاخذون قرض وينصرف على عرس مو لازم عرس

أو اذا خاطرش في عرس سوي عرس عائلي ولا تسافرين او سافري وسوي لج عرس عائلي ، العرس بكون عائلي في بيتكم او ماتم ، البسي فستان ابيض تأجري لج في اماكن وايد ياجرون ، الشعر والمكياج روحي اي صالون على كثر ميزانيتش ، التصوير صوري جم صورة مثلاً 30 صورة ، امم المسرح اخذي مسرح بسيط

احسن من ان تاخذون قرض او انج تبيعين ذهبش

اذا عندش المهر تقدرين تساعدينه فيه او سوي لج عرس بمهرش وبس

اني عندي اهمشي المكان قبل العرس اني للحين مخطوبة كملت سنه مابي اعرس الا اذا جهزت الشقة

اشتركي في الزواج الجماعي

ولا سوي بس جلوة ..

صج خلي زوجش يشترك في الزواج الجماعي خوش فكره قالتها البنت اللي قبلي

خله يروح يسجل اسمه

ممكن سؤال ؟ اذا مايضايقكِ : ليش تبون تزوجون الحين ؟؟

انتظروا شوي الله بيسهل عليكم الامور

وين صاحبة الموضوع
نبي نشوف شسوت؟
وشنو ظروفها بالضبط؟