بنات شوفولي حل .. ابي اطلع .. بس عندي بيبي شسوي!!

الاقمار6;9591127:
تصبري اختي اهم شي صحة ولدك يا اختي يعني الطلعه اهم ولا البيبي اكيد ولدك اهم شي بهدنيا شغلي نفسج باي شي عزمي صديقاتج عندج غيري جو معاهم اشتري لج كتب واقعدي اقري فيهم وان شاءالله راح تمر هلمرحلة على خير انا خالتي كان ولدها خديج يابته بسابع وقعدت معاه ما تطلع كلش كنا انروح ليها ونقعد معاها يوميا لحد ما كبر شوي ولدها وقامت عاد تطلع وتسافر معاه والحمدلله.

rose2006;9591521:
ميس ديووور ياااعمري والله تصبري والله يارب يخليه لك لاتطلبين منها ماطول تحن ترى الحنه موزينه انتي حاولي بس تظغطين على روحك مرحله وتعدي اهم شي ولدك واذا على الطلعه ان شاء الله تطلعين وتستانسين ومع حموودي بعد ...

في منتهى الذوق;9591535:
حبيبتي اذا انتي زعلانه من ام زوجك لانها ماتمسكه تراها مو مسؤوله عنه

تلقينها مسكينة ماصدقت عيالها يكبرون يجوونها عيال عيالها مره صعبه

بس ياعمري مالك غير انك تصبرين الين مايكبر شوي ويصير تقدرين تشيلينه وياك

وولدك محد بيهتم فيه اكثر منك

اعذريني اذا قسيت عليكي

تحياتي

Cute Mother;9591982:
الله يعينج اختي

بس فعلا الامهات معذورات شوي ينتظرون فترة عيالهم يكبروون عشان تنفسوون مو يردوون يبتلشون بعيال عيالهم
بس طريقة عمتج جافة نوعاا ما.. المفروض يكون صدرها اوسع من جذي خصوصا مثل ما قلتي ولدج صغير وخديج

بس اختي ليش ما تييبين شغالة وتكون فلبينية لانهم نظيفين ويعرفون لليهال
وتكون تساعد عمتج وتنتبه لولدج وتفتكيين من حنتها وتخلين ولدج عندها وضميرج مرتااح

والله يخليلج وليدج ويهديه

kh.imane;9592214:
وشنو اتقولين عني اللي كنت توني والدة ومليتني ابروحي حتا يوم اللي برد من المستشفى هي راحت العرس لا واتقولي تعالي المغرب لان ناس بيون عندج المستشفى وسمعت كلامها وفالاخير حتى ما لقيت احد يعطيني شربة ماي من غير زوجي الله ايخليه وهو بعد كان شغل الصبح فلازم اينام ,وولدي البكر وما اعرف ولا شي ويصيييييييييييييييييييييح وما كان فيني حليب المهم ما انسا دي الفترة واعدل ابروحي حجرتي واغسل مواعين جني مو نافسة.
ولا عمري خليت عندها ولدي اخليه 10 دقايق اجي القاه ميت من لصياح دخلت مركز تحفيظ القران والله اني ما اروح اسمع الا مرة فالشهر واخليه عند زوجي
طبعا الواحد منا ايحط فخاطرو بس شيقول بعد اهي كبرت وصارت عودة والمسامح كريم
ونفسج اتقولي ولدج وايد شيطان باسم الله عليه واتقولي ولدج وايد ايصيح وانا ابي اطبخ اليوم بيجي ولدي وزوجتو يعني كل يوم مبرر
والله اني طولت عليج عشان اتشوفين ان مو ابروحج اللي اتعانين في وااااااااااااااااااااااايد وقولي الحمد لله لان اهلج يمبج اما انا ابوحي لا حبيب ولا قريب اصيح وامسح دمعتي بيدي
الله كريم

قلب^الذهب;9592156:
حبيبتي ولدج الحين يعتبر حاله خاصه

لازم تجابلينه (( انتي )) مو انتي امه ! انتي المسؤوله عنه

مهما كان ولدج تعبان ولازم تقابلينه

على الاقل اضغطي على عمرج هاليومين لما تخلص الاختبارات

وتردين تحطينه عند امج

اما بالنسبه للمدرسه كلمي ناظرتج اكيد بتتفهم الوضع

احنا بالكويت يخلونا نطلع قبل نهاية الدوام بساعتين

اذا دروا ان عندي ولد تعبان او رضيع بالبيت

شوفي الامور عندكم شلون !

و في حل ثاني اللي هو الحضانه شوفي اقرب حضانه لدوامج ودخليه فيها

حتى لو صغير صدقيني بيديرون بالهم عليه

الله يصبرج ويآجرج : )