طلبتكم عرااااااااايس لا تردوني ...

ولا رد زعلتوني منكم

افاااااااااااااااااااا كله ولا زعلك

بس الصراحه أنا ما عندي فكرة

لكن قبل 5 شهور تقريباً كنت مسوية خلطة (زيت خروع - زيت السمسم - ريت براشوت - زيت الزيتون)
بس للأسف ما استمريت عليه.. مع اني سمعت انه جداً ممتاز

واذا تبين الصج الزيوت يبيلها استمرارية بلا نهاية وبصراحه يضايق وااايد
وسالفه وعفسه .. وأنصحج إنك تستخدمين شامبو معالج طبي مع البلسم
وبتلاقينه بالجمعيات أو الصيدلية.. في انواع وخذي إلى يناسب شعرك....

انا الحين استخدم شامبو (سيبا ميد) وان شاء الله أحصل فرق
وفي انواع طبية ثانية بس ما اعرف اسمها

وبالتوفيييييييييييييق عزيزتي

الزيوت اللي قالت عليهم ألماسه رووووووعه قالتلي عنهم وحده هنديه
زيت خروع زيت اللوز زيت جوز الهند واذا كان شعرك اسود زيت الحبه السودا وزيت السمسم وزيت الزيتون اخلطيهم كلهم مع بعض وعبيهم في اغراش و استخدميهم مرتين في الاسبوع والنتيجه روعه
نصيحه ثانيه سيروم كريستال بس لاتكثرين حطي نقطتين بس و مجموعه دوف المعالجه للشعر حلوه بعد
وفي ماسك للشعر من فيفا لونه وردي حلو ماسكات فركتوز وهيربال اسنسزز حلوه ان شاء الله اكون افدتك

هل أختي انتي نوع شعرك مثل شعري
انه بعد شعري جاف وكيرلي وخفيف من مقدمة الرأس ومتقصف

استخدمي شامبو وامبولات فيتان هذلين انا جربتهم
وبحطلك البرنامج الي حطته لي مشرفتنا السابقة أوراق الخريف بس للحين ما جربته للأمانة
1- اول شي واهم شي تروحين لصالون ممتاز عند وحده مسلمه ترتبلج الشعر تقصه متساااااااااوي وقبل كل شي خليها تسمي بالله وعقب تقص كل الشعر المتقصف..
2- انصحج بخلطة (زيت الثوم+ حبة البركه) تستخدمينه كل 4 ايام مره وحده فقط والطريقه توزعين الزيت علشعر كامل وتركزين بالفروه وتعملين مسااااااااااج لمدة ربع ساعه علشان تتنشط الفروه وبعدها اعجفي الشعر واتركي الزيت عليه فترة 6-7 ساعات..
3- اغسلي الشعر بشامبو البيض مره وحده وافركي بخف الشعر واتركي الشامبو عليه مدة 2-3 دقايق ومن ثم اشطفي الشعر.. ومن ثم وزعي البلسم ويفضل بالبيض ايضا واتركيه على الشعر فترة 2-3 دقايق ومن ثم اشطفي الشعر..
4- في اليوم الي بتستخدمين فيه حمام الزيت لا تستخدمين اي زيت لان حمام الزيت بروحه كريم معاااااااااااالج.. انصحج اي حمام زيت بالثوم او النخااااااااااااااع.. واتركيه علشعر مدة 10-15 دقيقه وان استخدمتي الجهاز فهو ممتاااااااااااااااااااااااااز تحت الجهاز 15 دقيقه يكفي..
5- بعد الغسيل اتركي الشعر يجف لوحده ويوم بتشوفين انه نصه جف وزعي كريم مرطب انصحج بماركة هيمالايا بالبروتين ممتاااااااااااااااااااااااااااااااااز..

هذي بالضبط الي هي كتبته حقي

وبعد انصحج بفيتامينات للشعر من الصيدلية وبس !!!!!

اذا افدتك ادعيلي

اي والله مفيد دابر املا واستخدمي الذهبي ريحتة حلوه مو مثل القديم

اسمع عن زيت الزيتون يقولون واااااجد مفيد
أبحثي في القوقل بتشوفي مدح ،،
ويخفف من التقصف ويخلي الشعر رطب وااااااااااااجد