السلام عليكم و رحمة الله و بركاته
أعزائى عضوات عروس بعد التحيه
أحب أقول لكم ان كل ما أقع فى مشكله ما أجد سواكوا أستشيره لانكم و الله نعم الاصدقاء و يا ريت اللى تعرف الحل تكتب لى ردها مشكوره
المشكله ان ابن اختى عمره سنتين و 9 شهور و دخلناه الحضانه من شهر كده بالتقريب و طبعا اتعلم حاجات مش كويسه هناك .
تجاهلنا الموضوع و معلقناش عليه و فعلا بطل الحاجات الوحشه دى زى الضرب بقدمه او البصق على الاخرين .
لكن من يومين لاقينا المدرسه فى الحضانه بتقول انه عمل الحاجات دى هناك و زعقت له و عاقبناه فى البيت عقاب بس مش بالضرب يعنى و قفناه فى ركن المشاغبين و الولد مؤدب و اعتذر لمامته و اعتذر للبنت اللى بصق عليها و كمان جاب لها شيكولاته علشان يصالحها .
فهمت المدرسه انه ما بيعملش الحاجات دى فى البيت خالص و احنا مش مساعدينه على كده و ان الحاجات دى فى الحضانه بس و طبعا المدرسه شدت عليه و طبعا بالصوت العالى يعنى مش بالتشجيع على الصح زى ما هو متعود بعد كده لاحظت ان الولد لا يريد الذهاب للحضانه و يظل يبكى كتير.
ملحوظه الولد غير متقن للكلام يعنى مش ممكن افهم منه ايه اللى بيحصل هناك بالضبط و رغم تواصلى مع المدرسين هناك الا انى مش عارفه كلامهم ده صح ولا غلط وان الولد بيغلط فى الاطفال هناك ولا الاطفال بيستفزوه .
و دلوقتى مش عارفه ازاى احل الموقف ده و احببه فى الحضانه تانى ............ ارجوكا يا اخواتى اكتبولى ردودكوا و رايكوا فى المشكله دى لانى خايفه ان الولد يتعقد و يكره الحضانه و بالتالى ممكن يكره المدرسه .......... ردوا عليا فى اى ملاحظه انتوا شفتوها فى معاملاتنا معه ان كانت غلط......................
مشكورين احبائىو جزاكم الله خيرا