مذكرات عروسة ننوسة

حسبى الله ونعم الوكيل فيك ياكوكو انت وام كوكو
كملى يانوسة

:ss::eek::eek::eek::ss::ss:

هو اية اللي بيحصل دة؟؟؟؟؟
انا ضغطي اترفع بجد اية يا شيكو دة بس يا شيكو حرام عليكي يا شيكو:confused::confused:
انا جالي شلل وعايزة ارتكب جريمة فيهم
يا نهار ابيض
انا عارفة انها مش حقيقية بس بجد بني ادمين بجاحة مفيش بعد كدة
هي ناقصة حرقة دم يا شيكو في وسط الامتحانات:confused:

بس تسلم ايدك يا ستي قصص مثيرة جدا وتفقع المرارة جدا :Dيلا بأة منتظرين بقية حرقة الدم قبل م الامتحانات تخلص(f)(f)

ههههههههههههههههههههههههههههههو فى حد كده يالهوى دا يشل

ههههههههههههههههههههههههههههههههههههههه
كملى ياننوسه هايل

حرام عليكى يا نوووسة بقى

حرام والله امتحانى بكرة وضغطى مرتفع خلقة

انا بس بسئل سؤال

معقول فى واحدة تفضل لحد الدرجة دى مستحملة؟؟

عشان اية

يخى مالة بيت اهلى متستتة فية واميرة بجد

وفعلا مخلصتش العرسااااااااان

ههههههههههههههههههههههههههههه الله يسعدك
يسلموووووووووووووا
تقبلي مرووووووووري

مش معقول
لا حول ولا قوه الا بالله
طيب يابنتى هى مش بتحبه ولا طايقه امال مستحمله ليه ؟
دى لو بتموت فى دباديبه وبيعمل كده لازم تولع فيه بجاز وتعيش من غير راجل طول عمرها علشان هو اكيد كرهها فى الجواز

ياااااااا عاااااااااااالم...ياااااااااااااااهووووو.....عايزين نامركوه



الجميل بقى النهاردة ان البيه والست هانم حماتى جاين علشان يكملوا علينا وننزل نشترى معاهم الاجهزة الكهربائية...........انا بينى وبينكم قلت لماما واحنا فى المطبخ بنقطع بصل ودموعنا نازلة......" بقولك ايه يا ماما ما بلاش ننزل معاهم لحسن المرة دى تجيلك انتى وبابا سكتة قلبية"!!
ماما وهى عمالة تعيط من البصل ودى احسن مناسبة نجيب فيها سيرتهم واحنا بنعيط قالت"والله يا بنتى انا حاسة ان الجوازة دى هتقضى على كل اللى فى البيت وعلى الجيران كمان.....بس نعمل ايه باباكى عايز يفرح بيكى ونفسنا نشوفك عروسة وشباب اليومين دول كلهم بقوا كده.
انا قلت لها" والله يا ماما قعدتى جنبكم احسن من الفرقع لوز ده اللى كل شوية يتنطط كمان الواحد لما يتجوزه اكيد هيسيب قعدتكم ويقعد على ابواب الجوامع"!
المهم نزلنا نتشل شوية وكنا مسلًَََمين امرنا لله.....انا قلت لسى كوكو"بصى بقى يا سيدى طبعا ده بعد ما اتجرات وبحلقت له شوية ....قال يعنى بخوفه....انا عايزة المطبخ يكون اميريكان اوكيه؟؟
قالى باستغراب وكانى اديتله على نفوخه"امريكن .....يعنى ايه هو احنا مش هنشترى من هنا من مصر؟؟
وشوية والهانم حماتى قالت.."امريكن ايه وبتاع ايه يا بنتى ايه الكلام ده هو احنا لسه هنستورد من امريكا؟؟ لا ...لا معقول ؟؟
ماما بصت لها وقالت "ايه فى ايه يا حاجة؟؟ مالك خير ؟؟ ردت "تعالى يا حاجة شوفى بنتك بتقول ايه؟؟قال عايزة مطبخ من امريكا ,,وده كلام بردوا ولا علشان الواد طيب ولا هى مصاريف وخلاص؟؟ بقولكم ايه المثل بيقول ....."على اد لحافك مد رجليك"
انا قلت فى عقلى"اذا كان على اد لحافك يبقى ان شاء الله مش هنعمل حاجة لانك ابنك رجليه قصيرة واوزعه"!
بقى مطبخ اميريكان معناه انى هاشتريه من امريكا ....ربنا يورينى فيك يوم بمدفع ولا دبابة من هناك تخلصنا بقى منك "ورحت مصرخة" يا عاااااااااااااااااااااااااااااالم ...يا هووووووووووووووووو
ماما استغربت وفطست من الضحك وحاولت تفهمها "يا ستى هى تقصد مطبخ استايل اميريكان حاجة كده ليها كراسى وبار زى ما تقولى المطبخ مفتوح على الريسبشن يعنى مش مقفول "راحت عملت نفسها بتفهم"اه ....مالوش باب يعنى مش كنتى تقولى كده اصل اختلط على الامر بس بردو وليه تبقى مكشوفة كده وهى بتطبخ؟؟ والمطابخ بتاعتنا مالها وبتاعة زمان دى كانت زى الفل مطبخ خشب زان حتتين فوق وتحت وادرف ونملية ....لا لا هو فى زى مطابخنا بلا كلام فاضى"
هو بقى ابتسم كده وبص لمامته"صح يا ماماه....دى النمليه اهم حاجة فى المطبخ
انا قلت باشمئزاز" ايه يا بنى ده نملية ايه وعنكبوت ايه" انا عايزة استايل اميريكان"
حماتى بقى هبت فيا "ايه وبعدين معاكى براحة على الواد انتى فاكرانا مبنفهمش ولا ايه؟؟ لا انا ابنى متعلم احسن تعليم وبنفهم كويس اوى "
قلت لها"يا طنط سورى انا مقصدش انكم مابتفهموش ... ابسوليوتلى" وفى سرى" يا شيخة روحى يا بتاعة النملية "
بصى يا طنط انا عايزة استايل معين فى دماغى وبعدين انا اللى هستعمل المطبخ ده واطفح السم لابنك فيه.......اقصد هطبخ لابنك فيه"
ردت قالت"اه بس ابنى حبيبى هو اللى هيدفع"
انا من حرقة دمى سكت بقى مستخسره فيا مطبخ وانا اللى جايبة الشقة اللى ان شاء الله هدفنكم فيها!!
المهم رحنا اتفرجنا على الاجهزة وسيبنا المطابخ خاااالص وقلنا نبقى نحل مشكلة امريكا دى بعدين لانها هتحتاج وقت طويل!!
ماما لقيتها بتشاورلى على بوتاجاز سيمبل كده وبسيط واهم حاجة فيه انه هيليق على المطبخ "بوتاجاز مسطح"
طبعا وكالعادة لقيت حماتى بتتأمز اوى وبتمصمص بشفايفها مش عاجبها ومعترضة وتقول"ايه ده .....هو ده البوتاجاز......الحق يا ابنى البوتاجاز اللى عايزة تجيبهولك ده ولا بتوع البوفيهات اللى بيعملوا عليه شاى وقهوة......ايخيه...ده ذوق ده؟؟
انا بقى كان هاين على اعضها وقلت لها وانا محروقة"وماله يا طنط ده بوتاجاز هايل وعملى جداوالشعلة بتاعته فظيعة"فى سرى...." الهى تتشوى عليها انتى وابنك "
كوكو قالى "لا يا حبيبتى عايزة رأيى ...انا قلت اخيرا هتتحفنا بارائك....وانت عامل زى ناس موافقون"موافقة" اقرف ودنى وسمعها اطربنى اطربنى"
ماما كلامها صح...ايه ده يا حبيبتى ده زى بتوع القهاوى عم محروس صاحب القهوة اللى على ناصية شارعنا حاطه... معقول بردو ابقى زى عم محروس حبه كمان تحطيلى فى المطبخ شيشة !
قلت فى سرى "بتاع القهاوى اقول ايه ما انتم متخلفين صحيح .....هقول ايه واشرح لكم ايه كبيركم سيبرتيه ولو قعدت اشرح يبقى افتكر انى اروح اجيب البوتاجاز من امريكا اسرع"!
وبعدين حبه جد بقى" يا كوكو ....ده بوتاجاز هايل وهيليق على المطبخ اللى انا عاوزاه اما البوتاجاز التانى ابو اربع رجلين ده مش هيليق فى المطبخ الاميريكان وبعدين رجلين ايه هو انا هحط حمار باربع رجلين ".
الست هانم حماتى"بقولك ايه ......هو مفيش غير" بوتاجاز المصانع" بيعيش ويعمر العمر كله ....وهنروح بعيد ليه مهو عندى وشغال ميه ميه زى النار الله اكبر عليه بقاله 35 سنة اه ولا انتى عايزة كل شوية تغيرى حاجة....الحاجات دى مناظر بس مابتعش ....وانا ابنى كمان هيجيب منين ولا منين ده كله ... اسمعي كلام حماتك تكسبى"
انا قلت لها اه"بوتاجاز مصانعكو هيعيش ويقرفكو" المهم انا دماغى جزمة قديمة ومش هتنازل عن بوتاجازى وقال اسمع كلامها اكسب قال ده ان مخسرتش اللى ورايا وادامى يبقى كويس....انتى مش حطيتى بوزك فيها تبقى خربت وعليه العوض !!
شوية وبصت لماما"ايه يا حاجة متعقلى بنتك شوفى لك حل معاها بنتك دى اللي عمالة تخترع لنا ....شوية امريكا وشوية ابصر ايه...ومادرك ايه يا ختى انا عارفة بتجيب الحاجات دى منين..."
ماما كانت قرفت على الاخر"يا ستى افهمى الشقة شقتهم والعفش عفشهم والحاجة حاجتهم احنا مالنا بقى ما علينا الا اننا نبارك ونهنىء ....سيبيهم يختاروا احنا هناخد زمنا وزمن غيرنا.....وقال العروسة للعريس والجرى للمتاعيس.
هى بقى لقحت علينا بالكلام"اه بس انتى عارفة العرسان فى الزمن ده قليلة...واللى معاه قرش يخاف عليه مش يبعزقه والحاجات اللى بتختارها بنتك تقاليع غريبة ...خليها تبطل تتفرج على النايلتيفى"!
انا وماما لما سمعنا كده كنا هنموت من الضحك"مهى دى اخر حاجة سمعت عنها" المهم ماما بصت لها وهى هتشد فى
شعرها "يا ستى سيبيها تفرح وهما احرار" وبصت لكوكو"ولا ايه رايك يا ابنى متتكلم "
كوكو بقى متنح"والله يا طنط اللى تشوفه ماما.....هى عارفة ذوقى وانا كمان بيعجبنى ذوقها"
انا كنت خلاص على اخرى منهم رحت شديته على جنب وقلت له"
انت يا ابنى بقولك ايه انا اللى هعيش فى البيت ده مش طنط وانا اللى لازم اختار جهازى بنفسى فاهم؟
رد على بتناحة"بالراحة يا حبيبتى بهدوء مهى حاجتى هى حاجة ماما بالظبط..... والله دى بتحبك اوى بس البوتاجاز اللى انتى اخترتيه شكله غريب وبعدين امريكا قطعت عننا المعاونة وانتى لسه بتشجعى صناعتهم!!
كمان عايز اسالك سؤال" هو احنا هنحط البوتاجاز ده فين اقصد يعنى هنحطه فوق المطبخ ولا على كرسى ولا ايه؟؟ اصلى مش شايف له رجلين!!
انا بقى جات لى حالة من الخرس وكان هيغمى عليا من الغباء.....ولما حس انى هعيط واصرخ وسط الناس لحق نفسه وقال"خلاص خلاص مش مهم نبقى نسال فى الموضوع ده بعدين "
رحت قلت له"يعنى خلاص اخيرا اقتنعت وهتشتريه هو والمطبخ الامريكانى؟؟؟
رد ببرود" اه بس علشان هو على ذوقك يبقى على حسابك وانا على حسابى الرجلين !!

بنات ادعولى بظهر الغيب ربنا يصلح لى حالى ويهديلى خطيبى ويصلح ما بينا :(:(:(

هو معقول فى حد كده حقيقى اعتقد ان ممكن يكون فى بس مش بالطريقة دى ومعتقدشى ان فى وحده تستحمل الفقعة دى كلها
ننوسة ربنا يهديلك الحال مع خطيبك ويكتبلك اللى فيه الخير يارب

ربنا يصلح حالك ويهديلك خطيبك ويهديكى ليه ويصلح بينكم اللهم امين

ربنا يهديلك الحال يا شيكو

كملى بقى :)

ربنا يهديلك الاحوال يارب

حلوة اووووووي ههههههههههه تسلمي

ليه ياجميله اتاخرتى علينا كده لعل المانع خير

بصراحه كان الله فى عون خطيبة كوكو وحماة كوكو و نسايب كوكو كلهم كل ده بسبب العنوسه بناقص الجواز اللى بالشكل ده ماهو الجواب بيبان من عنوانه 00 مستنيين نشوف نهاية الجنازه 00أقصد الجوازه وقلبى معاكى يا حبيبتى

ربنا يصلح حالك ويهديلك خطيبك ويهديلنا ويصلح بينازواجنا00 اللهم امين
0
0كملي00

أعتذر على التأخير
كان فى مشاكل كتيييييييييييييير بس الحمد لله عدت على خير

14-عزومة مراكبيه على الطبليه







الكابتن كوكو هو وطنط حماتى اللى طبعا كلكم عارفين اد ايه انا بموت فيها وازاى مقدرش يعدى على يوم من غير ما اسمع صوتها او اشوفها"متشفوش وحش ان شاء الله"

بابا بقى قال لما اكسفهم شوية ولو انهم زى ما انتم عارفين "ما بيحسوش على دمهم" اصلى بابا فال انهم المفروض يعزمونا عندهم فى البيت معقول تبقى البنت مخطوبة وما نعرفش بيت اهل خطيبها؟

ماما...."اكسفهم يمكن يحسوا وقولهم انت كانك بتهزر"...احنا عايزين نعرف بيتهم وحياتهم شكلها ايه.

بابا بقى قاعد مع كوكو وبص له وضحك" ايه يا بنى اللى ما فى مرة قلت يا عمو اتفضل عندنا انت وطنط....ايه انتم بخلاء ولا ايه....وضحك؟

انا فى سرى"ده برضوا سؤال يا بابا...ده عدى المرحلة دى بكتير وما شاء الله عليه بقى رئيس جمهورية البخلاء وعنده شعب وبلد بحالها "عيلتهم"كلهم بخلاء والحمد لله"...معلش اصل بابا مش متابع الانتخابات كويس"!

ماما ضحكت "صحيح انتم معزمتوناش ولا مرة انتم مش عايزين نزوركم ولا ايه؟

حماتى وهى مفروسه وبتطلع الكلمة بالعافية مع ابتسامة صفراء"معقول يا حاجة ازاى تقولى كده....دا احنا بيتنا بيت الكرم والجوده...بس انتم بس تشرفونا"

بصراحة الود ودها تقول انتم كده زفتونا قرفتونا هتدينونا...اه ما احنا هنخليهم يستلفوا كده او يحوشوا علشان العزومة!

كوكو بص لبابا وماما "خلاص يا طنط انتم معزومين عندنا ان شاء الله يوم الخميس الجاى.....وبص لمامته"ولا ايه رايك يا ماما الميعاد مناسب ليكى؟

راحت هزا راسها وقال يعنى بناخد ميعاد من وزيرة الخارجية"من كتر مشغوليات ساعدتها"

ماما قالت" وبالمرة بقى نتفق على بقية العفش عايزين نخلص بقى"

وجاء موعد الزفارة" ااااااف"

عفوا اقصد الزيارة"

اشترينا هدية وجاتوه ورحنا ولما شافونا استقبلونا ولقينا عندهم ناس لدرجة اننا كنا قاعدين فوق بعض"طبعا ده كنايه عن وسع المكان"

المهم سلمنا وخدت طنط اوسة الهدية والجاتوه وقالت بعد ما عينتهم طبعا " وايه لزومه التعب ده بس ما كانش له لزوم والله ...احنا كلفناكم كده"

ماما "لا ولا تعب ولا حاجة ...[COLOR=#990000]...دى حاجة بسيطة كده".[/COLOR]

انا فى سرى" مالهاش لزوم! ده احنا اصلا لو كنا مجبناش حاجة كنا اتفضحنا فى المنطقة "

شوية وكوكو يبص لنا ويضحك"منورين والله يا طنط" الست مامته بصت له كده وغمزت له يقوم يقدم الحاجة الساقعة والجاتوه"ده على اساس انه الشغالة"

المهم قدم الحاجة ساقعة وعزمت هى علينا عزومة مراكبيه"ما تشربوا يا جماعة البيت بيتكم ولا انتم مش عطشانين....."

واول ما بدانا نمد ايدينا هبت فينا خضتنا بصت لماما "لا بلاش انتى يا حاجة البيبسى مش كويس عليكى علشان السكر اه بعدين تتعبى تقولى مننا"

انا بقى اتفرست قلت لها"طيب ما فيش دايت يا طنط؟

راحت بصت لى كده بثقة"لا والنبى مش بايت" انا مبدخلش بيتى الا كل حاجة طازة! احنا لسه شارينه "

انا وماما قعدنا نضحك فى سرنا ورحت قلتلها" سورى يا طنط انا اقصد بيبسى من غير سكر"

بصت لى وقالت"لا ...انتى اصلك ليكى حاجات بصراحة مش عندنا وبعدين مش مهم احنا نبقى نعمل للحاجة حاجة تانيه"

حبيتن وبدانا نمد ايدينا على الجاتوه وكان فى طبق كل واحد حتة واحدة قالت لى "بلاش تاكلى منه كتير ...اه انا خايفة عليكى لحسن تتخنى وانتى مش ناقصة"انا بصراحة اتكسفت وكان هاين عليا احدفها بالشوكة والحوسها بالجاتوه"

وبصت لماما "وانتى بلاش يا حاجةعلشان السكر والنبى انا خايفة عليك ليعلا"

الصراحة حبه"وكانت هتقوم تلم الاطباق مننا ...وتقولنا كفاية كده اكل ومشاريب!

ماما قالت تحبوا نشترى بقيه الحاجات امتى؟وتحبوا نشترى ايه الاول؟

ردت طنط" السفرة دى اهم حاجة فى الجهاز..وانا عايزاها ب 12 كرسى"

انا وماما اتخضينا....ماما قالت"ايه يا حاجة سفرة ايه احنا اتفقنا على المطبخ الاميريكان" ايه لزومها السفرة؟

هبت فينا كانت هتعضنا"الحق يا ابنى اسمع شوف عايزين يجوزوك من غير سفرة علشان الناس تاكل وشنا"

انا قلت لها"يا طنط المطبخ الاميريكان مش بيحتاج سفرة..وفى سرى" 12 كرسى ينزلوا على راسك يفشفشوها ان شاء الله"

كوكو بص لماما"يا طنط اصل السفرة شىء اساسى عند ماما ..امال بس هناكل ازاى على الارض؟

بصراحة هو حسسنى انه هو ومامته اللى هيتجوزوا مش انا ...انا قلت له"يا ابنى افهم المطبخ الاميريكان فيه بار وكراسى يعنى مش بيحتاج سفرة.....ده حاجة مودرن"

الهانم سمعت كده هبت فيا" لا ...لا السفرة ام 12 كرسى يا بلاش...."اظاهر انها كانت عندها عقدة من رقم 12"
انا قلت فى سرى " بلاش ...بلاش وهو ده حاسباه عليا عريس....يا شيخة روحى افطميه الاول ...قال عايزة سفرة قال...روحى هاتيله عروسة لعبه!


ماما حاولت تفهمها بشويش وكوكو يقول.....معلش علشان خاطر ماما السفرة لازم دى حاجة اساسية عند الناس كل قرايبنا وجيرانا واصحابنا عندهم سفرة انا ابقى اقل منهم...وبعدين مش مهم نبقى نحط السفرة جنب البار"

انا بقى"اه ده على اساس انى ساكنه فى معرض مش شقة"

وكنت هطق من غباوته.... سفرة جنب مطبخ اميريكان فكرنى ساعتها بهانى رمزى"فى غبى منه فيه"ياربى هو بعينه بغباوته"

شوية وقعدت الهانم تبرطم وتقول"انا مش عارفة ايه التقاليع الغريبة دى شوية شوية هتقوليلى اوضة النوم لا كمان...وراحت بصت لى وقالت كله منك ومن "ميلودى"والشوف تايم"اللى لحسوا مخك"

انا وماما بصينا لبعض وقلنا نكتفى بالجرعة دى المره دى وقمنا نستاذن"

كوكو"معقول ودى تيجى يا طنط؟لا عيب والعشاء"

ماما قالت بسخريه لا يا حبيبى مفيش داعى احنا خلاص بطننا اتملت على الاخر كفاية كرم ماما معانا"

هى قالت"لا ودى تيجى بردوا لازم تتعشوا....امال انا حضرت المحمر والمشمر لمين انتم لازم تدوقوا اكلنا....لحسن تقوله علينا بخلا"

انا فى سرى"معقول بخلا ...حتى بامارة البيبسى والجاتوه"

شوية لقيناها جايبة الاكل وداخله بيه الاوضة قعدنا نبص شمال يمين ...مالقناش سفرة.....وشوية لقيناهم بيعزموا علينا والاكل محطوط على تربيزة صغيرة جدا شبه الطبليه!

كوكو"يلا يا جماعة اتفضلوا."

طنط" ايه انتم مكسفوين ولا ايه...يلا احنا اهل "

انا وماما انتباتنا حالات غريبة دخلت كلها فى بعضها شوية تنحان على ضحك على ذهول

انا بصيت لكوكو وقلت بسخرية"امال فين السفرة ام 12 كرسى؟؟

كوكو ضحك بهبل ورد قال"سفرة مين قال اننا عندنا سفرة ب 12 كرسى ده ولا ب6 حتى....اصل ماما بصراحة بتفضل الاكل على الطبلية اصلها صحية!!

وكل نقطة وانتم منقوطين!