شويه افكار مطبخيه

السلام عليكم ورحمه الله وبركاته
ازيكم حبيباتى يارب تكونو كلكم بخير يارب واحسن حال
لكم منى شويه افكار يارب تفيدكم فى المطبخ
1)اذا كنت زهقتى من اكل البطاطس بالطريقه التقليديه فممكن تسلقيها نص سلقه وتتبيلها بالملح والتوم والفلفل واعمليها بانيه(بالبيض والبقسماط ) واقليها

2)اضافه القرفه للاكل (انا بحبها قوى)بتعطى طعم ونكهه روعه جربيها على صلصه الطماطم للمكرونه وكمان على السلطه

3)لكى تسهلى على نفسك عمل المحشى جهزى الخلطه(صلصه +وبصل+توم+كزبره+بقدونس+شبت+نعناع+قرفه طبعا+بهارات)او زى مانت عايزة وضعيها فى الفريزر واسلقى ورق العنب نص سلقه وجهزيه على قد الوجبه فى اكياس وضعيها فى الفريزر وكمان الكرنب بنفس الطريق وبكده اول ماتحبى تعملى محشى تطلعى من الفريزر ومش هياخد منك وقت

4)ضعى التوابل فى علب شفافه هتسهل عليكى العثور عليها

5)فى كل موسم حاولى تحفظى كل فاكهه موجوده فى الفريزر واستخدميها فى غير اونها عصير وقدميه لضيوفك وابهريهم بشطارتك
وده ممكن مع بعض انوع الخضار مثل الباميه والبسله والقلقاس

6)المطبخ من الاماكن الى بنقضى فيها اوقات كتير لذا يجب ان نوفر فيه كل سبل الراحه فاجعليه دايما منظم ومريح ولا تبخلى فى تجديده دايما بوضع اكسسورات ديكوريه فيه صدقينى هتحب تدخليه وهيريحك نفسيا جدا

ارجو انى اكون افتدكم ولو باى حاجه بسيطه وياريت الى عندها افكار مماثله تيفدنا

اشكركم