اعدوووووووني برأيكم و أقتراحاتكم

هلا ولاء .......
صباح الخير
بس كيف تحبي الفستان ثقيل خفيف يعني مشكوك ولا عادي بيسط وهل تريديه قصير ولا طويل ؟
في اكيد اماكن كثيره وماركات حلوة بس ما بفيدك لأني من عمان وما أعرف إذا الماركات عندكم نفسها فالبحرين ................

أتمنى يفيدوك بنات البحرين إن شاء الله وموفقة أختي

هلا حبوبه ولاء

انا بقولج المحلات وانتي ختاري المكان الي يناسبج او تبينه
اول شي عندج فيليا الي في العدليه ( القضيبيه) الجفير يم دوار القصر هو في ثنين انا ماقصد لج لصغير اقصد لكبير .

عندج محلات وااااااااايد في سيف عندهم فساتين بسيطه وحلوه اسعارهم
عندج بعد في الرفاع في محلات وايد.

وبقولج موديل اذا تحبين اتفصلين وفي عندج مجال انا سويته ووديته خياطعادي في المنامه كان حق زواج صديقتي وماتوقعت بيطلع بهالشكل بصراحه كأنه جاهز ونصدمت لانه كنت متوقعه بكون حلو بس اكيد مو مضبوط عدل الموديل بس والله ضبطه لي اياه وكانه جاهز مو تفصيل.

المهم روح اخذي لج قطعه شيفون وطبعا لبطانه من نفس درجة لون الشيفون فوقها وخلي يسوي لج منفوق مثل لمكسر بس مزموم يعني سيرين عادين بس مزمومين يلتفون على رقبتج وفي نص الصدر روحي اشتري لج كرستال راقي حلو يحطه لج وبس والباقي يكون عادي طويل وبذيل كلش بسيط وطبعا ورا الفتحه وتكون لنص ظهرج مقوسه وبس.
انا قطعتي كانت تايقر ودمجت معاها الكرستال احمر على ذهبي وطلع رووعه ولبست معاه صندل من نيو لوك بنفس الالوان تايقر وفيه ورده حمره كان عجيب ولبست تراكي ذهبيه كبار بدون سلسله طبعا وساعه ذهبيه وخاتم ودبلتي وكانت شنطتي حمره.

اتمنى فهمتي شرحي للموديل <<< كلش ماتعرف تشرح وانا في الشغل جان حطيت لج اياه راويتج.

ومسامحه حبوبه على الأطاله وانشالله قدرت افيدج

هلا ولاء حصلت لج صورة تقريبا نفس الموديل بس انه الكرستال الي مو مجود بالنص انا ممزوج معاه احمر وذهبي وهذي اهيه صورة الموديل



وجفت هالصوره بعد اذا حابه انه ماتكون الفتحه وسيعه وايد مثل الي فوق لانه انا سويتها بصراحه نفس اول صوره جذي كان موديلي وهذي الصوره الثانيه وتقدرين اتضيفين او تشيلين منها وتعدلين اشياء على ذوقج




وبس واتمنى انه قدرت اساعدج :)

بحفظ الرحمن يااااااي (f)

اذا حابه تفصلين لج

اممم شوفي هاي الموديلات
تقدرين تغيرين في المديل بسيور او لا امم
شوفي اللي يعجبج اني يمكن اخيط لي واحد من هم

موووفقه حبيبتي