مرحبا ياعرايس
كيفكم وشو اخبااااركم عسآكم بألف خير
من يومين دقوا علي صديقاتي الساعه 6 ونص المغرب يقولون بيروحون لوحدة من صديقاتنا
وعاد الروحة تتطلب لازم هدية
وانا كنت مشتريه الهدية بس ماغلفتها
قلت بوديها محل يغلفونها لي مالي خلق تغليف
عاد شسوي حزتها تووووهقت
اهم بيروحون لها كلهم ومابي اروح مرة ثانية لحالي
ومواعدينها الساعه 8 وانا ما احب اتأخر
وماعندي وقت يادوب اجهز نفسي ماكو وقت اروح محل واغلف الهدية
عاد قمت بسرعه غلفتها بشكل بسيييييط
ما اخذ مني حتى نصف ساعه
وتعالوا شوفوا التغليف البسيط وياارب يعجبكم وتستفيدون من فكرتي البسيطة في التغليف
<<<<<<<<< كانها قصة لكم قصة حياتها خخخخخخخخخخ
شنسوي لازم مقدمة للموضوع يعني اشرح وش اللي صار ههههههههههههه
المهم ما اطول عليكم بهذرتي
ماخبرتكم
تو طحت من فوق السرير ع الارض :confused:
متلحفة وانا بنزل مادري شنو صار رجلي مارضت تنشال من للحاف وطرااااااااااااخ
جت سلمية الحمد لله بس يدي تعورت شوي بطرف الكوميدينو :confused:
<<<<<<<<<<< وش تبي هذي رايقه وفايقه هههههههههههههههه
يالله خلاص الحين ببدا مصختها ادري
بس حبيت اقول قبل
[GLOW="FFFF99"]الموضوع مجهووود شخصي لا احلل نقله لاي مكان سواء بذكر المصدر اوبدوونه[/GLOW]
وباسم الله نبدا مع الادوات اللي احتجتها للتغليف
سلة للهدية " وانا هني استخدمت سلة كانت موجودة عندي في البيت بس جديدة طبعا "
قماش توووور
شريطة
ورود صغار
ورق تغليف
سلسلة لولو
واكيد الهدايا
مقص
ومسدس الصمغ
الخطوات
اول شي هذي السلة اللي بحط فيها الهدية
اخذت التور
" وكان لون التور عنابي على احمر شووي "
وباستخدام مسدس الصمغ
ثبتت التور في السله
لاحضوا اني ثبتته بشكل عشوائي
كنت ابيه يعطيني قاعده للهدايا بس وابي اخفي شكل السله من الداخل
بعدين باستخدام ورق التغليف "وكان لونه ذهبي"
غلفت الهدايا " اعذروني نسيت اصورهم قبل التغليف "
" وكانوا عبارة عن عطر وساعه وحلق "
وصاروا معاي بهالشكل
بعدها اخذت الشريطة
" واستخدمت هني شريطة ذهبي "
بس لونها غير شوي عن لون ورق التغليف
وزينت بها الهدايا
وبعدها اخذت الورد
" واستخدمت ورد عنابي على احمر "
وحطيته في نص الشريطة
وصاروا معاي الهدايا بهالشكل
بعدها اخذت الهدايا وحطيتهم بداخل السلة
واخذت سلسلة اللولو
حطيتها على الهدايا وزينت فيها السلة
وكان عندي عصفور لونه احمر وذهبي حطيته على طرف من السلة
وصار هذا الشكل النهائي للسلة
وهذي صورة اقرب
وهذي صورة من الجانب
" اعذروني نسيت اصور لكم البطاقة "
لاني كنت مسويه كل شي سرررررررررعه ماعندي وقت
خخخخخخخخخخخخخ
مادري اصلا شلون لي مزاج صورت ههههههههههههههه
وبس بعدها قمت سبحت وجهزت ورحت مع صديقاتي وقضيت وقت ممتع
الحين انتظر آرائكم على تزييني
ويااارب يعجبكم وتاخذون ولو فكرة بسيطة عن تزييني البسيط والمتواضع
واللي يعجبها المواضيع لا تنسى " تقيمني " :tongue:
