ازيكم يا قمرات
عاملين ايه؟؟
وانا بدور على جدول ممتاز لتنضيف المنزل كل يوم عشان يبقى كله تمام :con1:
لقيت جدول كدا وكان حلو اوى بس طويل فانا اخدت الحاجت منه ورتبتها على يومى وعملتها فى نقاط وهنزلهالكم ويارب تفيدكم :21_104:
1- الصلاه طبعا الصبح اول ما تصحى وتقرى قرأن لمده نص ساعه 30 دقيقه
2- جوزك هيكون نايم ومش عايزينه يصحى لما تروقى حواليه انما احنا نصحى من الفجريه :21_211: فا هنعمل الحاجات البعيده عنه وهى انك تروحى الحمام
ترتبيه وتلمع المرايا وتغسلى التواليت نفسه على السريع وتمسح الارضيه ودا هياخد منك 15 دقيقه
3- هتروحى المطبخ تطلعى اللحمه او اللى هتطبخيه يفك من التلج (دقيقه واحده) :deal:
4- روحى بعد كدا على غرفه المعيشه وانا بالنسبالى اللى هى الانتريه
هتنضفيه وهو انك ترتبيه وتمسحى الارضيات على السريع وتلمعى التليفزيون والمكتبه بتاعته ودا هياخد 20 دقيقه :SOFA:
5- هتجهزى بقى الفطار ليكى ولجوزك عقبال ما هو يلبس عشان ينزل ودا هياخد منك 20 دقيقه :21_207:
6- جوزك نزل؟؟ ارجعى على اوضه النوم
بسرعه وافتحى كل الشبابيك ورتبى التسريحه لانه اكيد محطش البرفان مكانه ولا حط الكريم زى مانتى كنتى حطاه :UP202:
رجعيهم مكانهم تانى ورتبى السرير وطبقى الغطا وعلقى الهدوم على الشماعه واكنسى الارض. (20 دقيقه)
:21_181:
7- ارجعى للمطبخ
واغسلى المواعين بتاعه الفطار وحطى الاكل على النار وخلصى طبخك واثناء الطبخ ممنوع خالص تفتحى التليفزيون تسمعيه حتى عشان ميعطلكيش وتخلصى
ودا كله هياخد منك ساعتين (120 دقيقه) :21_177:
8- بعد الطبخ بقى اغسلى المواعين اللى طلعت من طبخك من معالق تقليب وسكاكين تقطيع وكدا ونضفى الرخامه كدا حلو بالخل عشان تطهريه ودا هياخد 30 دقيقه
9- روحى اقفلى الشبابيك وجهزى نفسك عشان جوزك زمانه جاى وصلى الفرض اللى عليكى سواء ضهر او عصر او كدا ودا هياخد منك 30 دقيقه
10- قومى بقى واعملى الحركه الحلوه دى وهى انك تغيرى ريحه البيت وهى انك هتجيبى البرفان بتاعك او اى زيت عطرى تحبيه ورشيه على اللمبه وهى مقفوله واستنى شويه وافتحى اللمبه هتبدأ تسخن والريحه الحلوه هتنتشرلك فى المكان كله ودا مش هياخد منك 5 دقايق :21_213:
11- جوززك رجع بالسلامه الحمدلله :888345: ..... عقبال ما يصلى ويغير هدومه تكونى حضرتيله الغدا
:21_93::21_93:
12- خلصتوا غدا ... شيلى الاطباق وحطيها فى الحوض وجرى على المطبخ اغسليها عشان متكسليش ودا هياخد 30 دقيقه
13- بليل طبعا هتحضرى العشا وتتعشوا وبردو جرى تغسلى الطبقين الموجودين وهياخد منك بالكتييييييييييير 30 دقيقه كمان
نحسب بقى اعمالك هتاخد قد ايه من يومك؟؟؟
احسبى معايا كدا 30 + 15 + 1+ 20 +20 + 20 + 120 +30 + 30 + 5 +30 + 30 = 351
351 دقيقه يعنى كام ساعه؟؟؟؟ 5 ساعات تقريبا
جوزك بيبقى بره البيت على الاقل 8 ساعات
يعنى هيبقى فى 3 ساعات ليكى تعملى اللى يعجبك
تهتمى بنفسك بقى - تدخلى على النت:tv_horror: - تزاكرى لاولادك:mail1: - تقومى تنفضى السجاجيد ( لو غاويه هده حيل يعنى )
:sa36:
كدا انا بقلكم هتعملوا ايه كل يوم
بس فى حاجات مثلا زى الغسيل وكدا
1- الغسيل ان وجد هتحطيه اول ما ينزل جوزك عشان صوت الغساله ميضايقهوش ولما الغساله تخلص تنشريه وبعد صلاه العشا تشيليه
2- تبديل ملايات السرير هتبقى مره ل مرتين اسبوعيا زى ما تحبى
ودا هيتعمل وانتى بتروقى بعد ما جوزك ينزل هتروحى شايلها لملايه وحاطه غيرها وبس
بالنسبه بقى للمسح والتنفيض والحوار دا
انا بفضل انك تجيب واحده كل شهر تعملك الشقه تمام زى ما كلنا المصريات بنعمل
لان ساعات بنبقى حوامل او تعبانين من العيال وتعبهم وكدا
انتى ممكن تخصصى يوم تنضفى فيه الشقه كلها او ممكن على يومين زى ماتحبى وبس
وياريت لو موضعى عجبكو تدعولى بالذريه الصالحه عاجل غير اجل
ومتنسوش تقيمونى :)
