شلونكم بنات
شخباركم أن شاء الله بخير
يلا ندش في الموضوع حبايبي ..... :)(f)
أتوقع أغلب البنات يشترون مناكير بالهبل مرات ينصدمون من جودة المناكير يطلع اي كلام ومرات يتمللون منه وينصف مع أخوانه :) ومرات من طول عدم الأستخدام ينشف وينقط ويمكن لم يستعمل ألا مرات قليله ...
وأنا الصراحه وايد أشتري مناكير ويتمون عندي بدون هدف بس لين أشوف كذا رسمه وتعجبني أيي ابي أطبقها على أظافري أتعايز واستخدم ستيكرات جاهزه ... :tongue:
هالفكره يات على بالي صدفه كنت متملله والنت مو راضي يشبك وزاد الملل فشفت جدامي دفتر ملاحظات أنا أكتب فيه أي معلومه أستفيد منها من النت أوغرض عجبني أكتب أسمه وجذي وهالدفتر ( ساده ) يعني الغلاف ما فيه أي رسم فقلت فكره (i)أيب المناكير إلي طايح في جبدي وأرسم على الدفتر عاد أنتوا والي تبونه أنا رسمت خرابيط لاني مب شاطره وايد في الرسم ههههههه وهذي النتيجه أنتوا لا اتدققون في الرسم :) بس حبيت أوصل لكم الفكره :15:(f)
جربوا ما راحوا تخسرون وبتحسون بمتعه والله
وأذا أستحق التقييم قيموني ولكم خالص شكري (f):15:
وأذا أستحق التقييم قيموني ولكم خالص شكري (f):15:
ملاحظه : تقدرون اتطبقون هالفكره حق اليهال عاد بشرط اتيبون لهم دفاتر ويشخبطون ويرسمون بيستانسون لاني أنا أستمتعت وأنا أرسم هههه قصدي أشخبط :tongue: :) بس بشرط عاد لا تغفلون عنهم شوي إلا مشخبطين في الطوف وتبلشوني هكاني قلت لكم هههه
(f) بحفظ الرحمن (f)