ادواتى للعناية ببشرتى و جسمى (بالصور و طريقة الاستخدام)

ازيكم يا قمرات النهاردة جبتلكم موضوع عن ادواتى للعناية بالبشرة بالشرح يعنى طريقتى بالتفصيل الممل جدا فى العناية و انا قبل كدا كنت نزلت موضوع عن طريقتى فى العناية بالبشرة لكن الموضوع دا شامل اكتر و فى حاجات جديدة و احلى من الموضوع القديم و الصراحة اللى شجعنى على انى انزل الموضوع دا لما شوفت موضوع (ميادة2006) عن طريقة عنايتها ببشرتها و جسمها و الصراحة استفد و عرفت منها حاجات حلوة و جربتها المهم اتكلمت كتيرررررر


(i)(i) رجاء لا احد ينقل الموضوع لانة جهد شخصى و بجد بجد تعبت فية اوووووى


واول حاجة حبدا معاكم بادواتى و طريقتى للعناية بوجهى وبشرتى جافة فى الشتاء و مخطلة و دهنية فى الصيف غييييييييبة جدا :o:o



غسول جونسون للبشرة الحساسة







الغسول دا روعة بستخدمة تقريبا كل يوم الصبح اول لما اصحى اغسل وشى بية







وبعدين بدهن وشى بكريم النهار من ايفا بى وايت و الكريم دا فية حماية من الشمس و هو بجد روعة





و على وقت الظهر كدا بغسل وشى بمنظف ميلكى من اورفليم ميلك اند هنى







و اوقات بعمل الماسك دى برضو من اورفليم ميلك اند هنى والماسك دا خفيف اوى على بشرتى ممكن استخدمة مرتين فى الاسبوع

وبعد الماسك بجيب قطنة فيها ماء ورد وامسح بيها وشى و ماء الورد هنا بديل التونر ولما ماء الورد ينشف ادهن وشى بكريم من اورفليم ميلك اند هنى







بالليل قبل النوم بغسل وشى بصابون ةالكبريت و الصابونة دى حلو ةاوى معايا مش بتنشف لى وشى (صورى نسيت اصورها)

وبعدين بدهن وشى بكريم الليل من ايفا بى وايت






بالتبديل مع كريم ايفا بالكولجين و دا مش بستخدمة كل يوم تقريبا يوم و يوم


بدهن وشى بالكريم واعمل مساج و تدليك لوشى بحركات دائرية لمدة خمس دقائق تقريبا لحد ما وشى يشرب الكريم و بعدين بدهن وشى تانى بزيت جنين القمح







و لو فية حبوب طلعتلى فى وشى و خاصة قبل (........):o:o

باستخدمت جل كلين اند كلير لازالة الحبوب و هو فعلا بيقلل من حجم الحبوب و بيقلل احمررها بعد من 4 الى 8 ساعات







وكل اسبوع بعمل سكراب لوشى سكراب ايزى بالمشمش







و بعد السكراب بعمل ماسك فليزبلى كلير من نتيروجينا







وكل اسبوعين او ثلاثة بعمل بخار لوشى



لازالة المكياج بعمل حاجتين


اول حاجة بغسل وشى بغسول جونسون مزيل المكياج







وبعدين امسح وشى بفوطة و بعدين اسمحة تانى بمناديل لازالة المكياج و الاوساخ و ترتيب للبشرة الجافة بخلاصة الخيار و الزبادى







وبعد كدا ادهن وشى اى كريم مرطب من كريمات حسب الموجود و حسب الوقت لو كان الظهر او بالليل


و كدا خلصت العناية ببشرة وجهى


(f)(f)(f)(f)(f)(f)(f)

ندخل بقى على ادواتى و طريقتى فى العناية بجسمى

علشان دا اهم حاجة عندى :o علشان لما اتجوز :o:o:o



طبعا كل يوم اساسى الشاور

و بحب اعمل حاجتين فى الشاور

اول حاجة استخدم اللوفة العادية الخشنة او اللوفة المغربية مع صابون ديتول

تانى حاجة استخدم اللوفة الناعمة مع الشاور جل و انا بحب اوى شاور جل فا و احلى واحد عجبنى دا ريحتة حلووووووة جدااااااااا و نعومة ( معلش الصور مش واضحة)







وبعدين بعد الشاور مع الشاطفة الاخيرة بجيب كوب ماية (ماج) و احط فية حوالى ملعقة من زيت عطرى وانا بستخدم حاليا زيت ورد دا بشترية من عند العطار بجيب كل فترة حوالى 50 جرام و دا رحتة بتفوووووح جدا و بتفضل فى جسمى وقت طويل






و بعد ما اطلع من تحت الدش انشف جسمى و ادهنة بلوشن نيفيا و دا عجبنى اووووى ريحته تجنن و نعومة و جسمى بيشربو بسرعة و بيعطى لمعة كدا خفيفة حلوة







وبعدين اللوشن بجيب بقى بودرة جونسون بالافندر و ارش منها على جسمى تحت باطى و مابين رجلى و على ذراعى






و بالتبديل مع زيت بيبى جونسون بلافندر يعنى يوم اللوشن ويوم الزيت و الصراحة الزيت لوحدة ريحتى حلوة جدا مش محتاج اضافة عطر







و على الظهر كدا بدهن ركبى و كوعى بكريم جونسون سريع الامتصاص ساعات الازرق و ساعات الابيض حسب مزاجى بس الابيض احلى لانة بالجليسرين






و بعمل سكراب لجسمى كل اسبوع وبستخدم السكراب دا بالمشمش حلو جدا جدا







و كل شهر بعمل سكراب (مقشر بنت عذارى )طبعا غنى عن التعريف او الكلام علية


و دلوقتى جية دور اكتر مكان حساس و مجننى و مجنن تقريبا اغلبية البنات

بستخدم لازالة اشعر موس شفرات حلاقة حريمى و قبل ما ابدء بشيل الشعر بحط شوية بودرة جونسون





و بعمل سكراب للمنطقة بزيت زيتون و سكر او ملح

لكن كل شهرين لازم اعمل سويت علشان بيعطى نظافة بجد حلو و نعومة و علشان كمن اتعود علية من دلوقتى علشان بعد الجواز مايكونش الموضوع صعب

و بستخدم مناديل جونسون للبيبى للتنشيف بعد الحمام اعزكم الله





وبستخدم غسول سيتال من مرة الى مرتين فى الاسبوع


دلوقتى بقى حتكلم عن عنايتى بقدمى


بعمل تقريبا كل اسبوع باديكير لرجلى عن الكوافيرة


لكن يوميا بعمل الحاجات دى

باليل قبل النوم بحط رجلى فى ماء ساخن مع شوية شاور جل و اسيب رجلى فى الماية شوية وبعدين انشفها بالفوطة و بعدين اعمل سكراب و بستخدم لرجلى نفس السكراب اللى بستخدمة لجسمى

و بعيدن اغسل رجلى بعد السكراب و ادهنها بكريم دا من اورفليم و هو للعناية الليلية







و اديا (يدى) بدهنها علطول بكريم جونسون لانة سريع الامتصاص الصبح وبالليل و فى اى وقت

و اظافرى بروح اعملها باديكير كل اسبوع برضو عند الكوافيرة


بس كدا خلصت و تعبت جدا جدا جدااااااااااااااااا


(f)(f)(f)


بجد محدش ينقل الموضوع و اذا واحدة عاوزة تنقل بغرض الاستفادة انا معنديش مانع بس بشرط تكتب منقول و تكتب اسمى و اسم عروس